مزايا موظفين التشغيل الذاتي
 

السلام عليكم ورحمة الله وبركاته

مساء الخير للجميع
للفائده العامه
ابغى استفسر عن مميزات وظائف التشغيل الذاتي
مثلا
الرواتب تبدا من كم وتوقف على كم
هل يوجد تأمين طبي للموظف وافراد عائلته ؟
الأجازات السنويه والأجازات الأخرى
العلاوات السنويه ؟
الترقيات ؟


اللي عنده خلفيه لا يقصر معانا والله يعطيكم العافيهـ

تحياتي

بيض الله وجهك على هذا الموضوع
وانا بعد ودي اعرف
لاني مقبل على وظفية انشاء الله
اللي عنده علم يفيدنا

اكتب على قوقل سلم رواتب التشغيل الذاتي

^^
منورين
كتبت في قوقل وطلع بيان يوظح الرواتب والدرجات + المستويات
بس فيه اشياء كثيره نجهلها

كل واحد يكتب لي الوظيفة المتقدم لها وأن شاء الله أقدر أجيب لكم لو معلومة

مثال الى معة الشهادة الثانوية يقدم على الوظايف الأدارية = اداري
يتعين على المستوى الاول الدرجة (1)
الراتب الأساسي = 4530
بدل النقل = 500
بدل سكن يعادل 25% من الراتب الأساسي شهريا للتعويض عن ساعات العمل = 1132 ( على ما أعتقد موظفين الصحة مايخذونها إلا التشغيل الذاتي )
العلاوة السنوية = 230 ( تزيد مع الخدمة )
* الأنتداب الداخلي = 200
* الأنتداب الخارجي= 360
يعني أول مربوط ياخذة = 6160 تقريبا .

الدوام 8 ساعات باليوم وأجازة يوم بالأسبوع .
وكلن على حسب شهادتة والوظيفة المتقدم لها وهكذا !!!!!!!!!!!

^
^
منور اخوي والله يعطيك العافيهـ
بس اللي فهمته من وزارة الصحه ان الوظائف الأداريه ما يقبلون فيها ثانويه ! وهذا كلام مدير تنفيذي بأحد المستشفيات
الثانويه يقبلونهم على واظائف خدمات على ما اعتقد

الحين وظائف الخدمات يقبلون عليها اي مؤهل متوسطه + ثانويه . وعلى اي أساس يحسبون الدرجه والمستوى ؟

الوظائف الأدارية مثل مشرف أسكان ومسؤول ثلاجة موتى و إلخ ..............
يطلبون الثانوية .

أما وظائف الخدمات يقبلون الكفاءة المتوسطة ومادون إلى عدم وجد شهادة
مثل سواق مشرف على عمال النظافة ومعقب يطلبون رخصة عمومي والعمر لايقل عن 21

*وعلى أي أساس يحسبون الدرجة والمستوى ؟

من أول مايعينونك تبدا من أول
المستوى الأول الدرجة (1)

الله يعطيك العافيه
بتعبك معاي يالغلا
انا ثانويه وعندي خبره ثلاث سنوات انقبلت على المستوى الأول الدرجه الثالثه كم بيكون أول مربوط

الأساسي = 4990
النقل = 500
السكن 25% من الراتب الأساسي = 1247,5

يعني الراتب إن شاء الله = 6737 ونص ريال
هذا إذا أنت مقدم إداري

[align=center][/align] وظيفة مدير مناوب
كم الراتب

مدير مناوب تندرج من فئة أخصائي إداري

الراتب ياطويل العمر
الأساسي = 6065
النقل = 700
السكن = 25% = 1516وكم هللة
العلاوة السنوية =305
الراتب = 8281 ريال تقرينا
هذا إذا كانت الوظيفة تندرج تحت فئة أخصائي اداري

الله يعطيك العافيهـ اخوي

الراتب هذا اذا كان اداري بس اعتقد اقبلوني موظف خدمات

الله يعافيك

ولاتزعل كلهن خير وبركة
الأساسي = 3760
النقل = 500
السكن 25% = 940
العلاوة السنوية =165
الراتب = 5200 تقريبا
وألف مبروك مقدما

التشغيل الذاتي يقسم إلى فئات :
1- موظف خدمات .
2- إداري .
3- تقني .
4- أخصائي إداري .
5- أخصائي تقني .
6- أخصائي قيادي.

انا انقبلت مبدئياًفي وظيفة إدارية (تحويل مرضى )
بقي أن اجتاز الاختبار والمقابلة اللي بتحدد في الأيام القادمة ..
إذا عندك علم ياليت تفيدني عن مهام هالوظيفة وطبيعة الاختبار ؟


وأكون لك من الشاكرين

كفيت ووفيت اخوي وجزاك الله خير

وش مؤهلك اختي ؟

مبروك مقدما و وعقبال القبول النهائي

أما عن مهام الوظيفة يتوزعون بالمستشفى وكلهم يقومون بأوراق المريض من أجراءت
مثال أوراق تحويل المريض من الترقيد إلى العناية المركزة
أو من العناية المركزة إلى ثلاجة الموتى ( الله يرحم أموات المسلمين )

أما عن طبيعة الأختبار والله مالي علم

بالنسبة لي أنا وأخوي توظفنا بالصحة مده بسيطة وتركناها

وقدمنا مره ثانية وإن شاء يقبلونى أجمعين

بقى أخوي الكبير موظف قديم بالصحة

اختي سقيا مبروك الوظيفه وبالتوفيق لك بحياتك العمليه

اخوي راحل من الدنيا قدم على مستشفى الأمير محمد بن عبدالعزيز اذا كنت من أهل الرياض مستشفى جديد ومحتاجين موظفين والله يوفقك يارب

يارب يارب انقبل نهائي

جزاك الله خير اخوي ماقصرت

لا والله ياخوي الرياض ماهي حولي أنا من الشمال وعندنا مستشفي جديد إلى الأن ماأستفتحوه وإن شاء الله مايصير به واسطات
وأدعولي والله أني محتاج الوظيفة

مستشفى الملك عبد العزيز التخصصي
التشغيل الذاتي

الله يرزقك الوظيفة الزينه
ويغنيك بفضله عمن سواه


انت وين في الشمال ..
انا بتبوك وبيفتح عندنا بعد مستشفى الملك فهد التخصصي
ويمكن في محرم تطلع وظائف جديدة

أنا من سكاكا الجوف
حنى عبد العزيز التخصصي والمستشفى بنفس الحارة

وأنتم فهد التخصصي وإذا صار علية تقديم نقدم وش ورانا

الله يعين الواسطات بكل مكان
انا عندي ثانويه + حاسب ألي 6 شهور والأنجليزي تمام تحدث وكتابه + خبره 5 سنوات في المستشفيات وأخرتها يقبلني على موظف خدمات ويقول الوظائف الأداريه لازم بكالوريوس .! ( ممكن قصده لازم واسطه هههههه بس اللي له نصيب بياخذه
والله يرزقك ويوفقك يارب

الله يعينك يارجل أهم شئ وظيفة زينة بس عسى الوظيفة بنفس المنطقة

خذها بنفس طيبة وأعتبرها مقلب

لان التشغيل الذاتي فية تعهد أنك ماتطالب بالنقل

ايه الحمدلله انا من أهل الرياض والوظيفه في الرياض

يالله لك الحمد
أنا دايم أقدم على الرياض وما يقبلوني
وقدمة على التقديم الأخير في مستشفى الأمام عبد الرحمن

إلى الأن جاري الأنتظار

قدم على الأمير محمد جديد وطالبين عدد كبير

الوظائفة الإدارية( تحويل مرضى _تسجيل وفتح ملفات _استقبال _مسئول أمانات مرضى .وغيرها ممايندرج تحت فئة الإداري ) كان يشترط لشغرها مؤهل الثانوية العامة بشكل عام

أن لما تقدمت للوظيفة رفضوا مؤهلي البكالوريوس :(
وقالوا لي قدمي بالثانوية

أخوي ماتخبر لهم موقع أو ايميل علشان أقدم

وش هم طالبين شهايد الله يرضالي عليك

ماعليكي أختي وإن شاء الله تفيدك الشهادة باللغة

والرواتب والله زينة

والصحة سريعة بالترقية وزيادة الرواتب

صراحه متناقضين لو قدمتي عليهم من أول على ثانويه بيقولون لازم بكالوريوس
بس حلوه فئة الأداري وراتبها حلو وبالتوووفيق لك يارب

هذا الأيميل اللي قدمت عليه pmahjob@gmail.com
وطالبين سواقين + معقبين + مشرفين + أداريين واقل مؤهل ثانويه عامه على ما اعتقد

جزاك الله خير أخوي ريان وإن شاء الله نرسل لهم السيرة

رد: مزايا موظفين التشغيل الذاتي
 

السلام عليكم
انا معايه شهادة الكلية التقنية دبلوم حاسب الي - دعم فني بسألكم واللي يعرف لا يبخل عليه انا ايت مرتبه استحق وكم اول مربوط ايش مسمى الوظيفه وهل التشغيل الذاتي افظل ام لا
ولكم مني جزيل الشكر والعرفان