[align=center]

السلام عليكم ورحمه الله وبركاته

أولاً أنا طالب آخر سنه ثانوي
وماباقي شيء ونخلص الفصل الدراسي الأول
وجلست افكر بيني وبين نفسي من فتره، طيب وبعد الثانوي وش بسوي ؟
فكرت في مجالات كثيره أني اكمل دراسه ووووو إلخ وكل ما ابحث عن شيء
ما ألقى كل المعلومات اللي أضمن نفسي فيها بالمستقبل بنفس المجال

حبيت أسالكم وأستشيركم، عل وعسى يهديني الله لمجال على يد واحد منكم
أول شيء، فكرت ب هندسة الطيران ؟
اللي عنده أي فكره عن الدراسه في هذا المجال وكيفية التقديم والنسبه المطلوبه
وهل الدراسه داخلياً أو خارجياً وهل الوظيفه مضمونه بعد الدراسه ..

واللي عنده أي إقتراح يتفضل ولا يبخل لأن ماباقي شيء وإذا ما حددت اللي ابيه
من الحين راح أتعب إذا خلصت ..

ولكم المجال


( اذا كان الموضوع مو بقسمه المناسب أرجو نقله وإعلامي برساله خاصه ) [/align]

وعليكم السلام

شوف هنا اخي

دراسات هندسة الطيران وشهادات العمل ورخص الصيانة الفنية

ان شاء الله تفيدك

وبالتوفيق

جزاك الله خير يالغالي ..
ماقصرت

السلام عليكم شوف بتكلم بخصوص اني بنت ولي تجربة سابقة في التخرج من الثانوية و القبول في الجامعة
أنصحك بشي واحد أنو لاتحط قسم في بالك لأنو فرضاً لو ما انقبلت تتحطم و تهدم حياتك حط في بالك بما انك ثالث ثانوي اني بجيب نسبة و اشد حيلك في القدرات .. هذا أولاً
ثانياً .. تابع موقع أرامكوا .. سجل في الجامعات .. قدم ع المنح الداخلية أو الخارجية .. حاول تختار المسار أو التخصص الي تميل له و الي تشوف أنه له سمعة حلوة ..
ثالثاً .. اذا تخرجت من الجامعة حط في بالك انو احتمال تتوظف واحتمال ما تتوظف لأنو كله توفيق من الله يعني بمجرد ما تتخرج قدم ع الماستر سواء بعثة أو عادي أو موازي و في نفس اللحظة قدم ع الجهات الي تقدر تتوظف فيها ..




وبس هذي نصيحتي لك

فكر بدراستك الان واختبار القدرات مهم جدا و في اخر السنة خطط

شد حيلك باختبار القدرات والتحصيلي والله يوفقك