شركة ميدغلف Medgulf ..
 

جاني اتصال من ميدغلف

فيه مقابله
حاولت أستفسر منه بس مآعطآني معلومات وافيه

أبي أعرف اللي قد رآح لهم وش صار عليه
من حيث المقابلة ووضعهم مع اللغه , نوع الوظيفه , الراتب

اللي عرفته بيكون فيه تدريب 3 شهور

الله يرزقني وإياكم الدرجات الرفيعه بالدنيا والآخرهـ

رواتبهم عالية تقريبا فوق ال6000

اما بالنسبة للانجليزي يبون لغة انجليزية جيدة لانه بيسئلونج في المقابلة اسئلة بالانجليزي

الله يسمع منك

مثل ايش الأسئله :(

آمين ويآك يآرب ..~

انا زيك كلموني يوم الاربعاء ورحت وسويت المقابله كانت سهله ومريحه قالو تقدرين تتكلمين انجليزي لو سالناك؟؟ وسالو اسئله خفيفه وطقطقت شوي:i
واليوم كمان كلموني قالو بكرى مقابله ثانيه وبروح عالنيه والله مدري وش يبون :do5h:



تبغين الصدق ابي اسال هل الشغله حرام ولا عادي لانو كثير قالو لي التامين مايجوز العمل فيه والله اعلم :cry:

هذي نقطه بعد
لما بغيت وظايف البنك ابوي جادلني انها حرام وربا ومن هالكلام
اخاف هذي نفس الشي
غير كذا كذا شخص قال الوظيفه اختلاط !!

لما رحتي وش كانت الوظائف المطروحه وقالولك عن التدريب ؟
ممم وشفتي فيه اختلاط ؟

قالو لي انه تدريب منتهي بتوظيف وتاخذي فيه راتب جزئي 3500 تقريبا
والتدريب راح يكون 3 اشهر وممكن يدربك مدرب او مدربه لكن مفصولين الرجال عن النساء ولما سالته عن طبيعة العمل قال يتحدد بعد التدريب والتقييم وقالي بعد انه مكتبيا مافي اختلاط بس تعرفين لابد من المكالمات واجتماعات وكذا


والله يسهل :w

انا بعد محتارة الله يكتب لنا اللي فيه الخير

بس بسالك وش اسئلتهم اللي كانت بالانجليزي ؟

الاسئلة الي عادة تطرح بالانجليزي
تكلمي عن نفسسسك ؟
شنو طموحك في الحياة ؟

وهيك

ام السعف اذا رحتي قولي لنا وش صار عليك
وانتي ياهارباً سويتي انترفيو ثاني مره ؟


موفقين جميعا

مافي أحد سوا مقابله مره ثانيه اليوم ؟؟

أنقهر ولآ مآ أنقهر !؟ :c
رآحت علي نومه ولآ رحت > عز الله توظفنآ :d
الحمدلله ع كل شي

شخط وش صار رحتي ؟

اما راحت نومه :b كلميهم قولي بكرى بجي

انا توني راجعه وقبلوني تقريبا لكن حيروني باختيار القسم :eek:

خايفه اوافق واتوهق ويروح كل يومي دوام ولو سحب ابتلش بالتعويضات

الله يدبرنا بما فيه خير وصالح :(

انا سويت مقابلة اليوم الأولى حست شوي باللغه ولكن الحمدلله عديتها وكلموني بعدها قالي بكره المقابله الثانية
مرررره محتاره بسال وش الأقسام اللي عندهم وكم مده داومهم واختلاطهم كيف؟؟
وغير كذا وش التعويضات اللي يقولونها ..؟

والله يوفق الجميع

اتصلي عليهم واشرحي لهم ظرفك .. لا تستسلمين بسرعه .. لأنه هذا مستقبلك ,, ف هالامور الجرأة مطلوبه لأنه مثل ما يقال الفرصه الذهبيه تجي مره وحده بالحياة ..
الله يوفقك وييسر امورك ويرزقك الوظيفه الطيبه يا رب

أم السعف عادي اتصلي عليهم

اذا احد عنده خلفيه بالشركه ياليت يجاوب على اسئلتي :(

أم السعف
عادي دقي وقولي ماقدرت أجي وحددو لي مقابله لان التدريب ماراح يبدا الحين في بداية يناير ومره واحد سالني قال انتي الي ماجيتي امس فحسيت انه عادي يجي الواحد مره ثانيه

سقراط اليوم
مشكور ماقصرت ربي يوفقك
وبالنسبه للتدريب الخارجي يختلفون اليوم المدير يقولي مافيه وبالمقابله قالو لي انه ممكن فيه :/


احيائيه
بالنسبه للاقسام يختلف الشركه فيها اقسام كثيره مثلا التامين الصحي فيه 5 اقسام على حسب شرح المدير لي وشرح لي بشكل مختصر وقالي اختاري وانا مدري وش السالفه
والاختلاط فيه قسم خاص بالنساء لكن يوم دخلت لهم البنات لابسين عباياتهم جوا عشان كذا للحين ماعرفت الوضع بالضبط
وترى افضل شي انك تسالين بنفسك عشان تاخذين كلمه منهم


الله يوفق الجميع :w

موقع الشركه وين وهل مازال التقديم مفتوح او لا

ماشاء الله
اللي سووا مقابلة ثانية في ميد غلف حابه اسألكم بليز
متى كانت المقابلة الأولى؟ بعد كم يوم من المقابلة الاولى دقوا عليكم؟

بالتوفيق للجميع باذن الله

مرااااحب ممكن سؤال كيف التقديم ومتى قدمتوا ؟؟؟

مرحبا
مين سوا المقابلة معكم موظف ولا موظفه ؟
وابغا الوصف الله يعافيكم كويس

موقع الشركه في شارع المعذر بجوار البنك الفرنسي

والله ماعندي خلفيه اذا للحين مفتوح او لا بس جربي حظك

انا مقابلتي الاولى يوم الاربعاء وكلموني السبت قالو مقابلتك الثانيه الاحد

موفقه يارب

انا قدمت عن طريق موضوع هنا بالمنتدى قبل اسبوعين او 3 تقريبا

https://www.btalah.com/t474948.html

بالتوفيق حبيبتي

انا سوالي موظف سعودي مع موظفتين لبنانيات

والوصف شارع المعذر بجوار البنك الفرنسي مباشره

وبالضبط اذا صارت مدينة الملك فهد الطبيه يمينك راح يكون فيه اشاره قدامك لفي بعدها يسار امشي سيدا شوي وخلك فوق الكبري بتجيك اشاره روحي يسار ابتلي شوي تجيك عاليمين

وبالتوفيق يارب ودعواتكم:h

جزآك الله خير شخط كفيتي ووفيتي

ولكل اللي رد
ربي يرزقك من واسع فضله ويفرجهآ عليك وان شاء الله السعادة وراحة البال لك درب


بالنسبه لي استخرت واتصلت
اخذ رقمي وقال بنتصل عليك
وان شاء الله خير ..~

مساء الخير

انا كانت مقابلتي الأولى الأحد مع موظف سعودي وموظفتين اتوقع لبنانيات كانت اسئلة بشكل عام عن موهلك واسئلة انقلش بشكل عام
والمقابله الثانية اليوم رحت لثنتين سعوديات اسئلة عني وعن تحملي للعمل وعن الوظيفة كانت خدمة عملاء طبعا تدريب ثلاث شهور وبعدها عقد وظيفة عندهم بس المشكله داومهم من 8 ونص لين 5 ونص كثييير وخدمه عملاء !!!
طبعا الراتب وماالراتب تقول فتره التدريب مكأفاة ماادري كم اذا جيتي توقعين العقد يقولون لك !!

قررت اكنسل الموضوع كله بإذن الله خيره ..
والله يعوضنا بالأحسن

ياليت تقولون لنا ي اللي رحتو عن ايش كانت الاسئله بالضبط في المقابلتين
عشان نكون مستعدين
الله يسعدكم جميعا

اقتباس:

وعن الوظيفة كانت خدمة عملاء طبعا تدريب ثلاث شهور وبعدها عقد وظيفة عندهم بس المشكله داومهم من 8 ونص لين 5 ونص كثييير وخدمه عملاء !!! طبعا الراتب وماالراتب تقول فتره التدريب مكأفاة ماادري كم اذا جيتي توقعين العقد يقولون لك !!

كيف إذا جيت أوقع العقد
طيب إذا مآعجبني الراتب أسحب عليهم بعد التدريب عادي !؟

حيرتوني قسم :q

بعد مآ احولت عنوني بالنت أقرا عنهم
اكتشفت ان الدبره عند اللبنانيين:Looking:

أيمن الحوت / مدير عام الشركة > عجبني هالمملوح ان بحدا لقائاته قال وشسموهـ
يعني فيه عرق قصيمي يعني بينحاز لصفي لاشتغلت عندهم :d> قوة ملآحظهـ يآبابا
لطفي الزين / الرئيس التنفيذي
بحدا اللقائات حسيتهم يحاولون يقنعون بزران بالتأمين , ماش مآجآزولي > عز الله اللي وظفون :q

بالنسبه للحلال والحرام

لقيت كثير فتاوى تحرم العمل بشركات التأمين
اكتشفت ان المقصود شركآت التأمين التجآري
شركة ميدغلف شركة تأمين تعآوني ( البديل السلآمي )
*لكن قرأت موضوع شكك في تعآونيتهآ

فاللي عندهـ خبرهـ بكيفية عمل الشركة بالتفصيل يآليت ينورنآ

والله يابنات ماودي احطمكم
اخوي يتدرب عندهم لة الحين لة اسبوع ومعة بالتدريب بنات يعني اختلاط
انتم روحوا واسالوا ومن سال ماضاع

^
طيب أخوك وش قالوله من ناحية الراتب وهل يقدر يسحب عليهم أثناء أو بعد فترة التدريب
اللي رآحوا قآلوا لهم مآفيه اختلاط مع ذلك البعض يقول فيه اختلاط

وهل التأمين عندهم فعلا تعآوني ولآ تمويه !؟

طبعا انا سالت اخوي عن الاختلاط يقول الاختلاط فقط اسبوع وبعدها يتوظفون بقسم لحالهم بدون اختلاط
اما من ناحية الراتب فترة التدريب 3500 وبعد التدريب يكون الراتب اقل شي 5500 الى 7000 طبعا هذا للدبلوم
ويقول فية اختبار الاسبوع الجاي من موسسة النقد اذا نجح فية يرتفع الراتب 1000 زيادة

اما من ناحي السحب عليهم يقول خلال فترة التدريب مايقدر لانه اذا فصل راح يسجلونة بمكتب العمل مفصول ولا شركة راح تقبلة اما بعد التدريب يمكن هم يوظفونك ويمكن لا انت وجدارتك بعد التدريب يعطونك شهادة حاسب وانقلش وشهادة بالتامين يعني كذا والا كذا انتم المستفيدين
اي خدمة انا جاهز

^^
لا انا تخصصي لغة انجليزيه

اليوم كانت مقابلتي مع لبنانية اظن
وعاد الحين استنى اتصالهم للمقابله الثانيه
دعواتكم

عاطل جزاك الله خير ..

بالنسبة لي مارحت لا المقابلة الأولى ولا الثآنية
استخرت ومآ ارتحت

ربي يعوضنآ خير ان شاء الله
وبالتوفيق للي انقبلوا بس انتبهوا من الاختلاط احرصوا وشددوا عليهم انكم رافضين هالشي

السلام عليكم ورحمة الله بركاته
انا قدمت علي الوظيفة قبل سبوعين الخميس ارسلت سيره ذاتية علي الايميل بعدها بيومين دقو عليه السبت قال انا من جده قال تجينا تاخذ عندنا دورة عشرة ايام علشان عندي خبره سنتين في قسم المبيعات قالي راح تكون تذاكر السفر علينا السكن حتى تخلص الدورة يلي بس اهم شي جيب شهايد الخبره كاملة باقي انتظره لحد الان يدق عليه باقي ما دق دقيت عليهم قال مافي احد دق علي

من الردود فهمت انهم حريصين عاللغة وانا صراحة ماتعبني الا ذا الانجلش