تكفون يارجال منتدى البطاله تكفون
 

يآ رجآل وش هآآ النفكيررر , عسككريه !!!! اقول يآليتني في عمرك . وقسم لكمل درآستي ولآ افكر في غيرهآ

بلآ عسكريه بلآ زفت .. تبي العلم كمل كمل درآستك ازين لك .. توك العمر قدآمك

انا مافهمت وش تبقى بالضبط ؟؟

أنت إنسان تدرس أولى ثانوي وتحب العسكريه وماتقدر تكمل

وتبغى تكون ظابط وعيال عمك في الأمن العام والمباحث وتجلس تبكي

وتفكيرك أكبر من سنك وش ذا الكــلآم وش قاعد تقول أنت

بعد هذا كله وش تبي ؟ ماني فاهم وش تبي بالظبط ؟

أنا مافهمت منك شي ولا أدري وش تبي أصلا ولكن يبدو لي

من مجمل كلآمك إنك شخص متأثر بمن حولك يعني إلي تخالطهم

دائما سواء من أقاربك أو أخوياك متاثر فيهم ومسببين لك نوع من الأزمــه

وماثرين عليك وعلى تفكيرك ودام هذا تفكيرك من ألحين هذا وجهي

إن مشيت في دراستك بتفشل ومارح تفلح في حياتك خذها من ألحين

نصحيتي يابعدي كمل دراستك افضل لك وشووف لك مدني با عسكريه بلا قرف
وانت بعدك صغير اتهم بدروسك وانا اخوك افضل لك

اللي فهمته انها قصه
لكن قصه جميله
الى الامام

ماشاء الله عليك باين الحماااس
بس احب اقولك نصيحة
ترى شهادة الثانوية ماعاد تسوي شي
اغلب القطاعات الحين يبغون شهادة فوق الثانوية دبلوم 6شهور اقل شي
كمل دراستك ولاتضيع عمرك مثلي ومثل غيري
انا عاطل من عام 1428,ولاجاني قبول الا في امن المنشات وردوني عشان نسبتي
وفي عام 1432 سجلت بكلية الاتصالات وانا الحين قربت اخلص باقي لي شوي واطبق واخذ الشهادة واقدم على العسكرية,
والله مابغى العسكرية حب فيها , ابغاها بس عشان رواتبها حلوة احسّن احوالي واتزوج وافتح بيت ,
واذا خلصت ديوني اقدم على وظيفة مدنية اذا انقبلت فيها سحبت على العسكرية وقد ضمنت بيت وزوجه ولا علي ديون.
لان العسكرية اذا تقاعدت مايجيك الا راتب مخيس.
اما المدنية تتقاعد وتستلم راتبك كامل تقريباً

عندك 3 طرق تكمل دراستك فيها
:: دراسة جامعه
:: او دراسة دبلوم سنتين
:: او دبلوم 6شهور
انا في كلية الاتصالات ادرس دبلوم سنتين والله الدراسة سهلة بشكل ماتتصوره.
وانتبه للي يقول خلص الثانوي وتعال اوظفك
ترى ياما قالوها ناس ومانفذوها
ومابينفعك الا شهادتك وانا اخوك.

والتوفيق بيد الله سبحانه

الرجال يبغى كلية ضباط ونت تقول له دبلوم ياشباب الرجال براسه عسكريه حلم يحلم فيه والله يوفقه يا اخوي قايد الاركان ترى كل شي تقدر تجيبه لاكن اذا انت صامل وتبغى كلية الضباط شد حيلك بالسنتين الي قدامك الي هي 2 و 3 ثانوي بعدها لا واسطه ولا هم يحزنون جيب نسبة 90 وما فوق وصدقني بتدخلها لاكن لا تتخوف ولا تفكر من الحين خل همك و تركيزك بالثانويه والله يوفقك ويحقق امنياتك ي رب