[align=center]السلام عليكم ورحمة الله وبركاته[/align]

اولاً اشكر المنتدى والاعضاء على المعلومات المفيده الي يشاركون فيها وعندي كم استفسار .ويا ليت الإجابات تكون من ذوي الخبره او المعلومه الصحيحه

اولاً :عندي كشف طبي يوم الاحد بتاريخ 3-2-1434 في الحرس الوطني - الرياض ابغى من سبق له وسوى كشف طبي متى تطلع نتيجة الكشف ؟ وهل اذا طلع الكشف غير لأئق متى يمكن له إعادة الكشف مره اخرى ؟

ثانياً : بعد نجاحك او بعد الكشف الطبي وانت لأئق وش راح يصير نراجع التجنيد ولا وش الوضع وهل فيه مقابله شخصيه زي القطاعات الاخرى زي البحريه والجويه و و و .. الخ ومتى راح تكون ؟ ومن الي يسئل ضباط ولا افراد ؟


ثالثاً : كيف وضع لجنة الكشف الطبي للي كشف مؤخراً هل هم متشددين مثل ما بلغونا التجنيد ترى اللجنه شديده وترى يدقوون على كل شي وانتبه اذا عندك خربطه لا تكشف ومن ها الامور ؟ خوفوني وانا ما لي ولا علي . على نياتي وامشي وادربي ها الدمجه


ادري اني كثرت اسئله بس والله اني محتار وجالس لي اكثر من اسبوع ما فيه موضوع الا دخلت وقريته . بس رابعاً: واخيراً الطول عندي جداً ممتاز 179 بس الوزن لك عليه مرره نحيف اذا مرره مرره وصلت للـ 60 تهقون بعدي با الوزن ولا بيقولي رح اسمن بعدين تعال ووشلون اسمن وانا مضروب نفسياً من البطاله ؟ وظفونا ومالكم الا اقوى مفاطيح غداء واقوى حفر مندي عشاء بس وظفونا وخلونا نتزوج ونعرس ونرتاح نفسياً


واخيراً اتمنى لي ولكم التوفيق وتسهيل الامور . والي عنده كشف طبي بنفس التاريخ وعدنا التجنيد يوم الاحد بعد صلاة الفجر << بيصلي بمسجد الرئاسه من الحماس خوفي من الزحمه يروح علي الكشف .