مشروع : مستودع توزيع مواد غذائية
[align=center]السلام عليكم ورحمة الله وبركاتة
مشروع : مستودع توزيع مواد غذائية تقوم فكرة المشروع شراء المواد الغذائية من تجار الجملة ومن ثم توزيعها على مراكز البيع بالتجزئة بقالات، ميني ماركت طبعا انا مالي خبرة بالموضوع بس حبيت اهل الاختصاص يساعدوني او افكار تطويرية راس المال 200 الف كبداية التكاليف ( ايجار الارض – بناء المستودع + مكتب – رواتب الموظفين – الخامات (مواد غذائية) – سيارة توزيع طبعا المشروع بيكون في قرية خالية من مستودع مثل هذا لكن يوجد بقالات وسوبر ماركات ومطاعم وعدد السكان مايقارب 10 الاف نسمة اقرب مستودع موا غذائية للمنطقة يبعد تقريبا 20 كم ياليت اللي له خبرة بالموضوع يتفضل مشكورا [/align] |
معقولة يابطالة 80 مشاهد ولا رد
|
السلام عليك ورحمة الله وبركاته
ماعندي خبره لكن بقول لك الي اعرف ايجار الارض – هذا انت تحدده لانك من المنطقه واحنا ما نعرفها فأنت اسأل لكن انصحك كـ بدايه تستاجر مستودع وتجهزه واذا امورك كانت تمام ونجح المشروع تشتري ارض وتبني بناء المستودع - هذي يجي من يفيدك فيها ان شاء الله لكن ما انصحك تبني مستودع قبل تجرب المشروع بلاول مكتب – بسيط امره اي محل موقعه على طريق رئيسي استاجره وتقدر تعرض بضائع بسيطه فيه بيع جمله يعني يكون مكتب ومحل بنفس الوقت رواتب الموظفين –الرواتب بتكون من 1000 الى 1500 وطبعاً الموزعين بيكون لهم نسبه على التوزيع يعني الراتب مثال 1000+ عموله على التوزيع كل ما يوزع الموظف بضاعه اكثر له نسبه الخامات (مواد غذائية) –هذي انت تحددها انت تنزل السوق وتشوف البضائع اسعارها وكم تبي تجيب مثال كـ بدايه جيب بـ 10 الاف وابداء وزع شفت الشغل تمام جيب كميه اكبر وكذا لكن لا تتهور وتجيب بضاعه بمبلغ كبير وتخسر سيارة توزيع - على حسب نوع السياره فان دينه وهذا يعتمد على موديل السياراه ونظافتها |
[align=right]
لا تستعجل بيجيك الرد إن شاء الله .. أنا ما أدري كم تحتاج موظف لمثل هالشغلة !! و أنت تقول في كلامك "التكاليف ( ايجار الارض – بناء المستودع + مكتب – رواتب الموظفين – الخامات (مواد غذائية) – سيارة توزيع " حسيت أنك ناوي تبدأ بشكل كبير !! و كل الي أتوقع تحتاجه : عامل واحد سوّاق كموزع ، و أنت تساعده كبداية في الشيل و الحط عشان تقلل التكاليف على الأقل. عمومـًا شف ، لو كنت مكانك بسوي التالي: أمر على محلات الجملة و أسألهم. كيف لك ممكن تسوق بضايعك؟ بسأل عن مستوى الطلب على البضايع؟ متى أفضل وقت الواحد يسوق لمنتجاته مثلا؟ من أكثر المحلات استهلاكـًا؟ أيش المؤسسات المنافسة لك ؟ ___ بالنسبة للـ مستودع ، تأكد لا يكون البلدية عندهم شروط معينة في المستودعات و ما شبه من هالأمور. كان بودي أخدمك أكثر و لكن علمي بهالمجال جدًا متواضع. أتمنى لك التوفيق [/align] |
اقتباس:
اذا حصلت ارض للايجار يكون سويت انجاز اخذت لفة ماحصلت ولا مستودع ولا اي نوع من المستودعات |
عبدالله وسع صدرك
شكرا لك لكن على اقل تقدير 4 موظفين اداري 2 مندوب مبيعات سائق |
اخي مشروعك جميل جدا
واتفق معك فكل نقطه ماعدا الموظفين لو انك بتفتح المشروع في احدى المدن اقلك اربع موظفين يفون بالغرض لكن بديره وعدد السكان 10 اقلك كثير اربع موظفين حدهم ثنين ومرتاحين بعد.غير كذا فالك التوفيق والنجاح |
اقتباس:
|
مشروع جيد جدا
بس اهم شئ شوف البقالات قبل كل شئ هل يقبلون منك او لا ممكن يوزع عليهم باقل منك فتخسر |
اقتباس:
اكيد طبعا راح احاول اخذ البضاعه من المصدر وبكمية كبيرة شوي عشان اخفض التكاليف مثلا : طبلية عصير هوب تفاح بسعر 2550 عدد الكراتين في الطبلية 150 يعني يطلع الكرتون الواحد بـ 17 ريال ممكن البقالة تلاقي سعر اقل من كذا؟ (لا) لان البقالة يضيفون عليهم سعر التوصيل للكميات القليلة |
الساعة الآن 12:37 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين