خبر عن المكرمه الملكيه
 

السلام عليكم ورحمة وبركاته
شبااااااااب انا اليوم رحت يم التأهيل الشامل بالقصيم وسألتهم عن المكرمه الملكيه وقال ماجانا شي
بس تقدر تقدم على مقطوعه من الضمان قلت كيف وانا غير مستفيد من الضمان قال نعطيك مشهد وتروح لضمان ويعطونك مقطوعه المهم رحت اواخذت المشهد معي وجيت الضمان ولقيت الموظف فهد الي من القصيم يعرفه المهم قال كم عمرك قلت 24 قال خلاص وارح يم الكنبيوتر وجااااااء ينادي علي ورافع صوته قلت خير عسا ماشر قال لا بس انت موظف بشركه ومفصول من الضمان العام قلت ايه قال مالك شي قلت ليه قال لانك موظف قلت ياخي راتبي 1356 ريال قال لو خمسين ريال مالك شي المهم تلاقط انا وياه قال اقول رح ولا تراي ابرفع لتأهيل واعلمهم انك موظف وتنفصل من التأهل بعد قلت ياخي انا الي اعرفه انه بوه حد مانع لا تعداه راتبك تفصل قال لا مابه شي الهم قلت بكيفك بس ارفع لي على المقطوعه قال بس توكل واخذ المشهد الي جايبه من التأهيل الشامل وعطاني ظهر وخوفي والله انه يسوي لي شي واسف على الاطاله بس حبيت اخبركم انه به مقطوعه لتأهيل الشامل عن طريق الضمان بشرط انك ماخذت مقطوعه من الضمان قبل والسلام عليكم ورحمة الله وبركاته

وعليكم السلام ورحمة الله وبركاته

بارك الله فيك على الافاده

ياخي انت جاي تاخذ حقك اللي مفروض انك تاخذه

وهم يذلونك ذل لا بارك الله فيهم هم ومكرمتهم

لاكن الله يرزقنا ويغنينا من فضله وواسع رحمته

لاهنت على الطرح يالغالي

كيف يهددك بقطع التاهيل عنك والحد المانع للتاهيل اربعة الالاف. صدق المثل حشفا وسؤ كيل. .... والحصول على المقطوعه كم الحد المانع لها؟؟؟؟

-

معروف الموظف مهما كان وضعه لايشمله الضمان .

حسبي الله ونعم الوكيل والله كلامك صحيح يالغالي

على حسب كلامه مافيه حد مانع مجرد ماتوضف ينقطع عنك التأهيل والضمان حسبي الله عليه ان كان لي حق وماوده يعطينياه الله لايوفقه وجعله يشوفها بنفسه قبل عياله

لا الموظف اللي راتبه قليل يعطونه الضمان مساعدة مقطوعة كل سنة

أنا أعرف واحد كل يستلم المقطوعة وهو موظف وراتبة 1350 ريال

ليش طردوط لازم تشتكي عليهم

لا حبيبتي مو صحيح فيه حد مانع الكل يعرفه بس هو زايد تعقيد وكنه يعطينا من جيبه من الحسد الله لا يوفقه وجلعه يجي يوم يقاسي منا نقاسيه وعلى فكره اسمه فهد ومعروف الكل يجنب عنه انا كان معي واحد موظف وراتبه 2800 ويستلم الضمان والتأهيل وتوه اخذ مقطوعه وماصار له شي وعمره 34 وغير متزوج وكان معي ذاك اليوم بس مارا ح للموظف الي رحتله ورد عليه الموظف الي هو جاله بكل ادب واحترام قال مالك شي الحين كمل سنه وتعال

اايه بس انا مو متزوج يعني اعزب بس جايهم عن طريق التأهيل والي عن طريق الـتأ هيل يعطونه حتي لو اعزب

طيب انا الوالد تو تقاعد يقبلون يعطونه