السيارات المستعمله او المصدومه من امريكا
السلام عليكم ورحمة الله وبركاته
ابي استفسر عن اسعار السيارات المصدومه او المستعمله من امريكا في حدود كم انا افكر اني اشتري السيارات المصدومه مثلا واجيبها هنا بالسعوديه واصلحها وابيعها بس ابي اعرف من اهل الخبره بالاسعار في حدود كم منتظر ردودكم |
أخي الفاضل
بعد التحية تمنياتي لك بالتوفيق أولاً ثانيًا مواضيعك الاستثمارية كثيرة جداً وليست مرتبطة ببعضها أرجع لمواضيعك وشوفها مما يدل على إنك ربما تملك ربما رأس المال ولا تملك التوجه والتركيز على نمط واحد من المشاريع،،،، أخي الفاضل الدخول في أي مشروع ليس صعبا بل الصعوبة في النجاح والاستمرارية وجدوى المشروع يعني مثلا فكرة إنك تجيب سيارات مصدومة مثلا من اميركا وتبيعها هل تتوقع الاستمرارية أعتقد لا وذلك بسبب التضييق بشكل سنوي على هذه الأمور من الدولة وإضافة سنوياً الكثير من الضوابط الصااارمة وكذلك بيع سيارة مصدومة هل ستخبر المشتري بأنها مصدومة ( الحديث يطول) على عجالة أحببت مشاركتك ولو بغيت يالغلا أي استشارة أخوية في أي مشروع بإذن الله بقية الأعضاء لهم تجارب رائعة وقد يفيدونك وأنا كذلك تحت خدمتك .،،،، تمنياتي لك بالتوفيق،، دمت بود |
حسب معلوماتي السيارات المصدومة الأمريكية ممنوع دخولها للسعودية...
اذا لم يكن لك خبرة بميكانيكا السيارات واسعار السيارات في المعارض فلا تشتغل بهذه التجارة الصعبة المتعبة التي تحتاج الصبر وطول النفس والخبرة الكبيرة... انظر هذه المواضيع https://www.btalah.com/t273577.html https://www.btalah.com/t384075.html |
انا طالب في امريكا وفكرت في نفس هذي الفكرة , ولقيت ان السعودية ما تستقبل السيارات المصدومه
قلت اوكي, اجيبها لدبي, واصلحها في دبي وادخلها بعد التصليح.. طلعو الاماراتيين قبل فترة ونزلو قرار بعدم استقبال السيارات المصدومه.. في امريكا بعض الاحيان السيارات المصدومه تكون صدماتها خفيفة وليست بالشي الكبير ولكن ما يصلحونها ويرغبون بيعها وهي مصدومه بسبب شركات التامين الي على طول تصرف السيارات المصدومه فكرة جيده بس القوانين صارمه وممكن تتغير وتفلسك.. فيه فكرة ثانيه ارسلي خاص اذا بغيت معلومات او احد يساعدك من امريكا انا حاضر |
هل ستخبر المشتري بأنها مصدومة ( الحديث يطول)
وممنوع دخول السيارات المصدومه للسعوديه حتى لو كانت مصلحه |
انا جاتني فكره وقلت انقلها لكم هنا بالمنتدى واشوف ارائكم ويسفيد منها بقية الاعضاء
|
فكرتك جداً ممتازه , ولكن العائق الوحيد ان المصدوم ممنوع يدخل السعوديه .
وكانو يستوردون المصدوم للامارات ( الشارقه ) ويصلحونها هناك وبعدين يصدرونها للسعوديه وحسب علمي ان الامارات هالايام اصدرو قرار ومنعوها . اذا قدرت تشوف صرفه بالاستيراد من امريكا الى البحرين وتصلحها هناك بتكون ممتازه جدا جدا لأسباب كثيره اهمها : قرب المسافه للسعوديه . الشغله متعبه ... ولكن مردودها فوق الممتاز وتصل ارباحها الى 40 % من رأس المال . وبالتوفيق ,,, |
الساعة الآن 01:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين