|
تهديد بقرار الفصل
السلام عليكم ورحمة الله وبركاته
بشكل مختصر ... المدير العام يبي يكلفني مندوب مكتب العمل مع العلم انها ميب شغلتي شغلت الاداره شغلتي الاساسية موظف استقبال. في العقد .ولي بالشركة 9 شهور وانا رفضت تمام . وعشان الرفض هددني بقرار الفصل مع العلم المدير العام لبناني ... تنويه : ممكن بعض الاعضاء شاف لي موضوع اني مستغل من قبل الاداره نفسها ... الموضوع هذا تكملة للاكشن الي حاصل بالشركة :b:d:wa صبرن جميل و الله المستعان:m |
طيب اذا الشغلة فيها فايدة لك اقبلها وخلهم يكتبون الكلام ويوثقونه انك اشتغلت مندوب لمكتب العمل لفترة كذا شهر
ترى يخوك انا اشتغلت معقب واللي اعرفه مندوب في مكتب العمل فيه راحة لك خصوصا وانت برا الشركة يعني يمديك تفلها يا ابو سمرة يعني انت تخيل معي وش مستقبلك كموظف استقبال طبيعي تترقى وتتغير مهامك ووظيفتك ولا تبي تتم طول عمرك موظف استقبال ؟ يمكن لو قبلت فيها وشافوك جاد ومجتهد بعد فترة يحطونك مساعد اداري في قسم الموارد البشرية بالتوفيق |
اذا عندك العقد ومكتوب فيه انك موظف أستقبال خذ صوره وقوله شوف توقيعي انا هنا موقع على موظف أستقبال ياخيي شو هيدا الحكي حط العقد بخشمه قول اذا طلبت مني أطلع برى او تكلفني شغل غير شغلي بشتكيك بمكتب العمل تبي معقب وظف معقب ماتشغل واحد 3 شغلات وتعطيه 3000 ريال او 4000 لاتستحي منه
وأذاا عاجبك موضوع التعقيب قول له زيدو راتبي وعطوني سياره 2013 مع البنزين زي ماهم معطينك سياره <<< لبناني مايخلونه بدون سياره بس انت يالسعودي لازم تروح بسيارتك وراتب تافهه |
ماعليك منه هذا يبي يستغلك
انا نفس نظامك كنت موظف استقبال وكانوا يعطوني اوراق اوديها مكتب العمل والتامينات ومصلح الزكاه كنت على نياتي واروح بسيارتي وشفت ان الوضع مايطمن راتب 2700 ريال وكرف تهاوشت معهم انا وواحد من الزملاء حتى بغيت امد يدي على الاردني الواطي وقدمت استقالتي الرزق على الله وانا اخوك لاتخليهم يستغلونك والله لو تضيع الاوراق او تخرب سيارتك محد ينفعك واذا قال لك ليش ماتروح تودي الاوراق قل مهب شغلتي جب لك معقب ولاتصير طيب مع هالحثاله ذولا ترى لو يلقون عليك طريق ياكلونك بعظامك |
مهوب بس اللبناني والاردني السعودي حتى يسوي نفس الشي
نظام القطاع الخاص يعتقدون انهم جايبين عبيد ، بما ان زمن الرق والعبودية انتهى وصار مجرم دوليا ، الحين هم اعادوا احيائه بس بطريقة ملكعة حتى تلاقي بعض مديري الموارد البشرية يستفزك اثناء المقابلة او يسخر منك او يسبك لانهم يبون يشوفون ردة فعلك اذا موافق معناته بيقبلونك لانك كذا كانك زي الخادم والعبد واذا لا قالو لك برا انت ما تنفعنا بكرة اذا جائك زباين نفسيتهم تعبانه بتتمشكل معاهم والكلام هذا كذب هم يبون ناس تشتغل وما تقول لا وتنفذ كل الاوامر زي العبيد هذا نظامهم مع حملة الثانوية واللي يكونون موظفين طبقات سفلية زي استقبال مساعد اداري سكرتير سيكيورتي وهلم جرا انا اقول جرب مع مديرك اللبناني كلام الاخ qqq من هنا حتى تكسب خبرة في مكتب العمل والتامينات وامور الموارد البشرية ومن هنا تجربهم يمكن يبون يرقونك تصير في الموارد البشرية ؟!! |
اقتباس:
قلت لهم ميب شغلتي ومثل ماقلت قبل هددني بالفصل ... |
اقتباس:
فعلا اخوي طالبت بزيااده بالراتب ولكن كان الرد انه طلبي مرفوض ربكـ يعني معي دبلوم كلية تقنية وراتب 3000 مايوكل عيش .. |
اقتباس:
بالنسبه للترقيه احلم فيها اصلان كل المناصب ماسكينها اجانب و رواتبهم فوق 5000 ... و السعودين 3000 وتنقص بعد:Thumbs_down: خلاص من حبكم يازين عزلنا:wa |
اقتباس:
اطير على مكنسة انت اذا طرت فيها هذيكـ الساعه اترقا ...... الشركه مافيها ترقيااااات المدير العام حاشر السعودين في المنااصب يعني انا معي دبلوم كلية تقنيه اقل شي بيكون منصبي سوبر فايزر على خطوط الانتاج .. لاني تخصوصي انتاااج :Looking: وللعلم السوبر فايزر في الشركه على الخطوط فلبيني |
اطير بالمكنسة شكله يشوف أفلام كرتون واجد ههههههههههههههههههههههههههههههههههههههههههههههه
وبين قوسين متأثر بالعجوز الي تطير بالمكنسة هلأأسمراني ما تلاحظ صاير لك استشاري كل موضوع اساعدك فيه وببلاش ههههههههههه شوف وأنا أخوك الشركات الحكومة ظاغطه عليهم بالسعودة بتقولي كيف ضاغطين أنا أسمراني ههههههههههه قصدي أن وزارة العمل تضغط على كل شركة ويجيبون موظفين مثلك وشرواك ويستفيدون با استقدام عمالة وهكا الشغله مصالح فهمت وبعدين انت ماطبخته زين انت موظف استقبال لك مهمات خاصه فيه وترى موظف الاستقبال مهب سهل يرد على المكالمات وييواجه الجمهور و وو و وو يكلفون فوق طاقته ليه هالشركة ماراح تنفعك بشيء وشوري عليك تطيعهم لين ما تحصل وظيفة ثانية واذا حصلت اتفل على وجه اللبانيني وسلم على الي كان طيب معك وهذي الحياة تضغطك شوي وترخي لك شوي |
وعلى فكرة ترى ك شي له حل حل الموضوع بشكل ودي وترى با اللين تمشي الأمور
واذا تقفلت قل جب الأستقاله ولأيكثر وتابع وظايف الرياض وقدم با الايميل |
اقتباس:
ههههههههههه عساهـ يطير :d :wa <<< وحياكـ و الله اخوي محمد بالعكس يابوي نورت الحته :q و شرواكـ الطيب وكلامكـ في السليم لكني صابر بصراحه لين ما احصل لي شركة افضل :Thumbs: والى حد الان ماخذ الموضوع بشكل ودي والامور هادية .. لكن اذا بدا الوضع يتكهرب بكهربه قبل لا يكهربني :d |
يا اسمراني هم ما شافوك جالس معهم 9 شهور الا يبون يختبرونك الان يبون يشوفون جاهزيتك لمناصب اعلى عشان كذا عطاك هالمهام يبيك تجرب شي جديد عشان تصير اكبر وافهم
من راي تنفذ الاوامر وترى الشغلة كلها يوم واحد في مكتب العمل خصوصا اذا شركتكم صغيرة |
اقتباس:
اي اختبار الله يرضى عليك اخوي اطير بالمكنسه انت الظاهر على نياتك وتحسب الدنيا بخير والناس ماشيه بالنظام ولو انهم يبون يحطونه في منصب اعلى كان خبروه وقالوا له.. مهب يرسلونه مع الزحمات وقلة حياء مكتب العمل ( هذي لحاالها شغله تجيب الضغط والسكر ) والله اني اتمنى لك الخير اخوي اسمراني الله يوفقك ويكافيك شرهم |
نوافيتش واللي يقول لك انه بنفسه راجع مكتب العمل اللي بطريق انكاس يوم كامل
خله يجرب وش بيخسر اهم شي يجيهم من الساعة ستة الصباح عشان ياخذ ارقام وشرط انه بيطلع الساعة عشر تقريبا وقتها يقدر يفلها وبعدين يرجع العمل |
اول شي شوف العقد . مكتوب فيه ... مدري ايش , لأداء اي وظيفة اخرى تراها المؤسسة ؟
ثاني شي يمديك تقولهم اوكي بس راح أقصر في عملي كموظف استقبال إذا وافق , أسحب على الاستقبال كذا بتجنن اللبناني |
اقتباس:
جربت اراجع اوراق بمكتب العمل ياشيخ تكره نفسك من المطامر والزحمه وغيرك مستانس وجالس على المكتب بغض النظر على الساعات الي بتفلها انت عارف الرياض مايساعد ;) |
شوف ياخوي
موقع عقد انتهاء امره يفصلك الله لايهينه يدقها شهر الي مشتغل فيه وشهر غرامه مايحق له يرفع صوته عليك وان رفع صوته دق خشمه |
التنويع بالعمل يفيدك بالحصول على خبرة وخاصه اذا كنت تحتاج الي خبرة ومتخرج جديد
|
نوافيتش صراحة انت اكثر عضو حاس فيني بصراحة ولا يهنون باقي الاعضاء ...
وكل كلامك في السليم اما طير بمكنسة اي اخبره اي كلاام ياخويا انا مابحبش البهطله دي رايح قاي في كل حته بالرياض ... معليش قلبت مصري كككككـ .. عموما يا اخوان تم حل الموضوع و لله الحمد بشكل ودي وذالك عن طريق احد المدراء وتم وضع موظف بدلا عني وانا الحين مستمر في العمل ... و الوضع مستتب . تحياتي للجميع |
الله يعين ويخلصنا من هالاجانب
|
اللين ماينفع مع اي مدير
انا كان رتبي 4000 الاف بشركه كبيرة بس رفع صوته علي المدير حطيت النعال بوجهه ولعنت خيره_______ ويقول انا مامر علي مثلك بحياتي واقدم استقاله واهينه واخربها مع الشركه كلها وافحط وامشي ومن يوم استقلت الا وحافز يرد السلام هههههههههههه |
| الساعة الآن 08:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين