آهلين آختي
من ناحيه الطباعه عندك مكتبه الهجره في شارع مكه بالثقبه معرووفه آنصحك تروحين عندها وتروحين عند آبوعادل المصري هو فنان ويسويلك على حسب الطلب
التكلفه على ماحسب تعاملي معاه إن كانت الورقه E4 ملون راح تكون بالحدود 5 ريال آو ريالين في هالحدود

[align=justify]
مشروع الاكل عمره مايفشل بالعكس مشروع ممتآز جداً

بس اذا ماعندك احد يساعدك وتشتغلي لوحدك ابدائي بحدود ضيقة

مثلاً لو عندك صديقة مدرسة او قريبه ارسلي معها عينات من اكلك واذا عجبهم تعطيهم كرتك يكون فيه رقمك

على الواتس

وتعرفين المدرسات كل فطورهم يطلبونه من برا حتى الحلى

ممكن تسوي لهم سندوتشات للفطور ( فلافل - شكشوكه - تورتيلا ) تفنني فيها

ورق العنب حبيب الكل عليه اقبال كبير ضروري توفري ميزان عشان توزني اذا بتتعاملي بالكيلو

بعد لو فيه امكانيه تمسكي مقصف مدرسه او روضه توفري لهم فطور يومياً بالكميه اللي يطلبوها

خاصة مع المدراس اللي ماتتعامل مع شركاااات

كمان فترة ماقبل رمضان في اقبال كبير على المفرزات سويها بطريقة مرتبه واعرضيها

بالنسبة للاسعار اغلب التاجرات اسعارهم مقاربه لبعض بقولك على اسعار التاجرات اللي تعاملت معاهم

الحلى القطعة بـ 4 ريال

بس دايما يكون حلى مو فخم حلى بارد او زبادي عيش السرايا بسبوسه يعني اغراضهم رخيصة ومكسبهم حلو

بس في ناس تبغى حلى فخم هذاا بتصير اغراضه غاليه ومابتكسبي فيه

عشان كذا لازم تبحثي عن اماكن تشتري منهاآ اغراضك بسعر رخيص

في مستودعات تبيع بسعر الجمله واستغلي التخفيضات في بنده وغيره واشتري بالكرتون اوفر

مثلا القشطة اشتري المستورده من الامارات رخيصه ونفس طعم الغاليه

الحليب عشان المعجنات بدل النيدو خدي الطائي وكل منتجات الطائي رخيصه

يعني اقتصدي على قد ماتقدري

اكمل لك باقي الاسعار

سمبوسه لحم الحبة بـ 2 ريال .. الجبن 1 ريال .. الدجاج 2 ريال

الفطائر مثلا 30 حبة مشكلة دجاج وجبن وميني بيتزا 35 ريال

صواني الخضار الوسط 50 والكبيرة 80

السلطات صحن صغير حمص 5 ريال الكبير 10

والتبوله وبابا غنوج نفس الشيء

هبرجر لحم 6 ريال هبرجر دجاج 5 واذا معه جبن بـ 7

الكبه الحبه 2 ريال

كودو الحبه 2 ريال

الحين مقبلين على حفلات النجاح والتخرج وتوديع عزوبيه وماعرف ايش بجيط طلبات ممتازة

هذا اللي يحضرني اذا تذكرت شيء برجع بالتوفيق حبيبتي =)






[/align]

انا متاخر جدا بالرد

ولاكن ارى الاخوان ما قصروا معك

ومن واقع الخبره كي لا يكون عندك اي مشكله ويكون لك تواصل مع العملاء

اذا عندك 20 منتج مثلا لا تنزينها كلها مره وحده

ارة انك تاخذين 5 منتجات فقط وتعلنين عنها ومن ثم كل اسبوع او اسبوعين تنزلين منتج

الامر الاخر بخصوص الاسعار انا ارى ان يكون الاسعار معقوله في البدايه
وفي حاله زاد عدد العملاء ارى انك لا تغيرين الاسعار بالعكس اعطيهم عروض مجانيه
واعترض مع رد احد الاخوان انه في حالة زيادة العملاء ترفع السعر وهذا اكبر خطئ
اهم شي انك تنزل منتجات كل فتره
تنزل عروض كل فتره
والهدف من هذا هو الدعايه الشخصيه التي لا يعرفها كثير من الناس
وااهتم بطرق التواصل تويتر فيسبوك واتس اب فايبر سكاي بي ايضا الكيك

كما اطلب منك توفر كمبيوتر في البيت وسكنر وطابعه مكتب مصغر

لا تضغط على نفسك بالعمل
ولا تعطي وعود وهي ليست في يدك
واحترم الوقت واقصد بذالك عندما يتصل عميل ويرد الطلب الساعه الواحد مثلا
يجب ان يكون الطلب جاهز عند الساعه الواحده وتقوم بارسال رساله
تبلغه بان طلبكم جاهز للاستلام
واذا جينا للشرقيه ان شاء الله راح نطلب منكم

اتمنى لك التوفيق

مشكورين حيل يا حلى أعضاء ساعدتوني كثير
الله يوفقكم
المشروع على وشك البدء
دعواتكم لي والأصناف مثل ما قلتو أبدء بشكل بسيط ركزت على 3 أنواع حاليا وكل فتره انزل نوع جديد

مشكورين حيل يا حلى أعضاء ساعدتوني كثير
الله يوفقكم
المشروع على وشك البدء
دعواتكم لي والأصناف مثل ما قلتو أبدء بشكل بسيط ركزت على 3 أنواع حاليا وكل فتره انزل نوع جديد

مووووووووفقه وبشرينا
وحطي اعلانك هنا عشان ننشره لك برودكاست

اطرح الصور هنا لهذه الانواع

وعلى الاخوات في الشرقيه دعم ( مدري وبس )

اهم شي فعل سبل التواصل الواتس اب والفايبر و كاكاو تلك

تواصلي مع المهندس عادل المبرد متخصص في الأنظمة التجارية وله خبرات عملية
راح يقدم لك استشارته ومجانيه

وان شاءالله تستفيد

هذا رقم المهندس .. 0558829709

وقوله من طرف منيره آل هزاع

تحياتي لك

مشكورين إخواني بكره راح اشتغل ع التصوير الاحترافي للمنتج
وأنزلهم ب إذن الله مع سبل التواصل
ربي يوفقنا و إياكم يا رب

الله يوفقك خيتو واذا كنتي تبين تصميم شعار وبطاقة اعلان انا جاهزه والله يفتح لك ابواب رزقه