محتاره مشروع حلويات منزلي
 

انا من الشرقيه و ودي أبدا مشروع حلويات ( مولتن كيك بكذا نكهه ) و ( ميني برجر بخلطتي الخاصه ) بدايتي راح تكون من البيت
لكن محتاره أني أفشل وأخاف تجيني طلبات ما اقدر اخلصها بدري

عطوني اقتراحاتكم و كيف انظم وقتي وكم العدد اللي أخذه باليوم وكم السعر المقترح
رغم ان ما عندي خادمه يعني راح اشتغل بروحي

بليز
ياليت تساعدوني
الله يفتحها عليكم دنيا و آخره

راح اساعدك في كل شي تبينه
عن طريق الخاص

ياليت ترسلي اللي تعرفه أو تقوله هنا

ماشاء الله تبارك الله عاشت الأيادي أختي
فكره جميله وطايحين فيها وبإذن الله تلقين إقبال

من الأفضل تكون الطلبات عليك قبل اليوم المحدد بيوم عشان تكوني عارفه اش حتقدمي اليوم
وإن شاء الله ربي يسهل لك ويرزقك من واسع فضله

ويجي من يفيدك

اللهم أمين ومشكور/ه ع النصيحة وحطيتها في بالي
ياليت الكل يجئ يساعدني ناويه أبدا الأسبوع القادم

أختي كمان عندي فكره بخصوص الأسعار

انت رح تلاقي بنات بتويتر فنانات مثلك
اسأليهم اذا لقيتي عندهم نفس الأصناف اللي بتعمليها
قولي كم اسعارها عشان تاخذي خبره ..

كمان ممكن تضيفيهم عبر الواتس وتسأليهم عن تجاربهم
رح يتجاوبوا معاك خصوصا إذا قلتي انا من الشرقية وهما خارج الشرقية مارح يعتبروك منافسه
إلا اذا كانت وحده من الشرقية لكن أصنافها مو نفس اصنافك .

كمان اعملي لك اعلان ووزعيه ع اماكن العمل مدارس دور تحفيظ اماكن عمل (من غير مواقع التواصل الإجتماعي وبرامج المراسلات الفورية)



أتمنى لك التوفيق

اتمنى لك التوفيق وفكرتك ممتازه بسوي بردوكاست بالبي بي او واتساب صوري بالانستقرام افيديني بجديدك وقولي شنو تامرين فيه اذا اقدر اساعدك

مشكورين بنات
ماقصرتوا
ان شاء الله ربي يسهل

ايوه نسيت
شنو الأشياء اللي اشتريتها مثلا علب للحلى
احد عنده فكره من وين اجيبهم

سوي تجربة وذوقي اهل البيت والأقارب وبعدين ابدي بالبيع على الي تعرفين وخاصة للمدرسات واذا شفت ان الكل يمدح ويثني على الطعم من دون مجاملة توكلي على الله
واستخيري قبل كل شيء والله يوفقنا وياك وكل مسلم