|
مبتدى في التجاره وعلى وشك اخسر 88 الف
- السلام عليكم ورحمة الله وبركاته اخباركم ان شاء الله بخير :h =============================== اخواني انا اخذت قرض من البنك 88 الف عشان افتح لي محلين تزين دخلي لأني عسكري والراتب مايصفى لي منه الا 2000 ريال ومستاجر شقه لأن اهلي برى الرياض وامي تبني عماره واساعده كل شهر اعطيها 2000 ريال للعماره ولو ابتل على هالحال يمكن اشيب والعماره ماخلصت :d فعشان كذا اخذت القرض وقلت افتح لي محل ومنها استفيد ومنها ننجز العماره بشكل اسرع ====================================== شريت محل تلميع للسيارات وكان فيه شخص سوداني خبير جدا طبعا السوداني كان يطلع ذهب من المحل واستفيد كبير جدا ~ طبعا المحل حسبت ان له تصريح من البلديه لان يقولون مصرحه المحطه بالكامل طلع للاسف ماتصرحت والامور كانت تمام لين سافر السوداني طبعا مو على كفالتي عطاني وعد انه يكون معي ونطور مشروعنا نفتح محلات اكثر بس للاسف سافر وكان معي يمني وانا تعبت من كثر مااجي المحل المحل مايطلع فلوس مثل قبل والاجار خلص ولازم ادفع 9 الاف ريال ومامعي الا 3 الاف وبتسلف واجدد بس وش الحل ؟؟؟؟ بس يلمع ماعندي منجد دورت مالقيت لان كان السوداني ينجد ويطلع فلوس واليمني احسه يلعب علي ودايم اجي يعطيني الفلوس واشوف الدفتر حق المحاسبه مثلا لو تجيه 5 سيارات خلال يومين كتب بالدفتر 4 وقمية السياره الخامسه اخذها بديت اشك فيه وانا من جرف لدحديره والقرض علي والعماره وقفت والحاله حاله ====================== سؤال: بروح البلديه واطلع تصريح بس سمعت ان تطليع التصريح لمحل التلميع صعب ؟ صحيح ولا طبعا فتحت محل ثاني ايام السوداني وسافر وجلس شهرين فاضي المحل مفاتحته ورجعت فلوسي عشان اسدد بها الاجار بس ياليت احد ينصحني اكثر طبعا كل المشاكل الي صارت فهمت منها وكل دقه بتعليمه بس ياليت تفيدوني اكثر وياليت تردون على سؤال التصريح وكيف طريقته عشان اطلعه :h:w |
الله يعوض عليك
|
غير العامل دور هندي أفضل الجنسيات وأغلبهم يحفظ الأمانة
|
مافي شي صعب انت في اي مدينة
اذا في جدة راسلني خاص |
واضح يا اخوي انك متحمس بدون استشارة
ودخلت موضوع ما تفهم فيه شي... مشكلتنا نبحث عن المشروع لأجل الفلوس فقط... يفترض أن نعمل الشيء الذي نحبه ونبدع فيه... يبدو أن مشكلتك كبيرة ولا تحل من خلال الانترنت... ان كنت بالرياض او المناطق المجاورة لها...ارسل لي رقم جوالك على الخاص وأمرك.. يمكن أقدر أفيدك...محاولة لعلها تنقذ ما يمكن انقاذه الله يوفقك |
[align=center]-
الله يجزاكم خير ويحرم وجيهكم من النار ووالديكم ~ نخيل لا تنحني <~ يعطيك العافيه والله ادور لحد الان مالقيت ~ كاوي <~ يمال العافيه والله بس من الرياض الحارث بن همام <~ الله يجزاك الجنه .. ماقدر ارسل بالخاص توني جديد بالمنتدى :d وايه بالرياض والله يجزاك خير ----- وبانتظار البقيه لعلهم يفيدوني ~ [/align] |
بارسل لك جوالي على الخاص
بما انك تشتغل بمجال التلميع.. اذا ما جاك الزبون تروح له أنت !!! التفاصيل لما اقابلك...جوالي على الخاص...وارسل لي رسالة توضح منهو انت الله يحفظك |
وعليكم السلام ورحمة الله وبركاته
راقب العامل وشوف اذا كان يأكل مالك ام لا البس ملابس مختلفة واخفي وجهك وتخفى في مكان بحيث انه لا يراك وراقبه لمدة كافية حتى تعرف وعد السياراة في تلك الفترة اذا رأيت انه كتب اقل من العدد فهذا يعني انه بيأكلك شكراً |
[align=center]الحارث بن همام <~ قل امين الله يجزاك خير ويحرم وجهك من النار
تم ارسلته ~ اخوي محمد <~ طريقتك حلوه وسويت احسن منها كلمت عامل بمحل مجاور يعلمني وادق عليه ويعلمني كم سياره وكذا بس بديت اشك انه متفق معهم وبالنسبه لطريقتك انا اجي بشكل يومي للمحل واعد السيارات لان السياره ماتخلص على طول يبيلها يوم عشان يزينونها ويسلمونها صاحبها بس فيه سيارات تسليمها بسرعه هذي الي انا اشك فيها تروح علي =============================== ان شاء الله نلاقي حل من الفاهمين بهالشغلات ويالله يجزاكم خير [/align] |
الله يعينك
طيب ليه ما ترسل له اخوياك كذا ست اشخاص و خلهم يلمعو عندو و يقولوك هل هو يسجل ولا ايش |
| الساعة الآن 03:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين