|
" اللي قابلوآ اليوم وش صآر عليكم "
سسلآمو عليكم
الله حي الشبآب ابي من الي رآحوآ اليوم لمواعيدهمــ يقولون لنآ الخطوآت الي صارت عليهم من وآإلى ~ انـآ موعدي بكرآ الساعة 7 ونص بمدينة التدريب بالقصيم * دعوآتكم لي |
الله يوفقك ولاتنسى بكرة تقولنا ايش صارلك ولانستغني عن تعليمات وتوجيهات اخواننا الي اليوم قابلو
|
يا اخوان انا بكره موعدي في تدريب عسير
بعطيكم التفاصيل كامله بس حاب اعرف الي راجعوا اليوم يا ليت يفدونا وهل الحلاقة لازم لان الاخوان اللي في الدمام يقولون مو لازم حلاقه الللي قدموا اليوم في اي منطقة عسير ياليت يفيدنا نبي نعرف كيف معقدين |
بسم الله الرحمن الرحيم
اولا عند البوابة يتاكد العسكري الي عند الباب على ان اليوم يكون موعدك بعين يقولك وين تروح (موعدي كان الساعه 7.30 جيت عندهم الساعه 10 يعني الي تاخر على الموعد لايخاف اهم شي يكون نفس اليوم) ثانيا / اول مادخلت جاني ضابط برتبة نقيب وقاس الوزن والطول والحمد لله عديت منها طولي 173 ووزني 55 بعين اخذ مني صورة الشهادة وكتب عليها الوزن والطول ثالثا / رحت لطاوله جمب قياس الوزن والطول ماهي في مكتب المهم اخذ مني صورة الشهادة والاصل من الهوية الوطنية ويعبي بياناتك في ورقه ويقولك روح للمكتب الي هناك (هذا كلامه لي روح هناك ) كان فيه اكثر من مكتب بس الورقه الي اعطاك اياها يكون فيها اربع ارقام فوق اخر رقم هو المكتب حقك شرح / تلقى اكثر من مكتب مكتوب عليها ارقام مثال من 0 الى 4 اخر رقم عندك مثلا يكون 2 فهذا هو مكتبك مثال ثاني / مكتب مكتوب عليه من 5الى 9 اخر رقم عندك في الورقه الي معاك 6 او 7 او 8 تروح للمكتب هذا وبس رابعا /دخلت للمكتب او بالاصح فصل زي الفصول في الثانوية واعطيت الرقيب اوراقي قالي اجلس ما اخذ مني الاوراق وكان عنده 2 فقط جاء دوري واخذ مني البطاقه الوطنية الاصل والورقه الي فيها الارقام وقاعد خمس دقائق يعبي في الاوراق بعد ماخلصت اعطاني ورقه ودبسها في الملف الاخضر يقولي رتب اوراقك في الملف على المكتوب في الورقه مرة كثيرة وقالي خلاص روح وقع اوراقك عند النقيب خامسا/ رحت للمكتب خلف قياس الوزن والطول ختم في اوراقي وقالي خلاص راجعنا يوم 20/5 بس قالي لازم تروح اليوم العصر للادلة الجنائية عشاان يشوفونك ماعليك سوابق وبكرا تروح للكشف الطبي في مستشفى قوى الامن وتاخذ لك موعد في الاحوال وطلع لك برنت كامل عنك وبس وانتهينا وطلعت من عندهم اعطوني ملف اعبي فيها بيااناتي مرة كثيرة تروح لشيخ القبيلة والعمدة وبعدين تروح الامارة والشرطة عشان يتاكدون من ختم العمدة واثنين من المعرفين وبيانات ابوك وامك وصورة لكرت العائلة رقم حساب بنكي لك وتوقع على كم تعهد واذا كان عندك جواز سفر تعطيهم الجواز انا حلقت على رقم واحد ولبست جزمة رياضية ولبس رياضي المهم انها ماهي لازم شفت كم واحد لابس مداس -حذاء -نعال وانا اشوف انك لو ماتلبس جزمة رياضيه يكون احسن لانها تصرفدك في قياس الوزن والطول لازم تنزلها والشعر شفت كم واحد ماهو محلق على رقم واحد يعني شعره طويل شوية احتاج منكم الدعاء لي اني انقبل فيها . 4 |
حمااااا الله يجزاك خير ومشكور ع الشرح المبسط بس بسألك وين كان موعدك بمكه ؟
|
اخوي حماا وين كان موعدك ؟؟
وماقلت لازم البس بدله ولا ثوب يمشي ؟؟ والحلاقه لازم احلق ؟؟ ولا اخفف بس ؟؟ بالتوفيق لك وشكرا |
انا بكرة موعدي وحلقت 1 وربي بنقهر اذا انرفضت
ياااارب انقبل ادعولي ربي يوفقكم |
مشكور وما قصرت يا الغالي
لاكن بالطول كيف هل هم متشددين ولا يمشون وهل زي ما يقلون ينقصون بالطول ولا لا اتمنى انك تفيدنا وبالتوفيق لك ولكل من شاف ردي |
اقتباس:
|
اقتباس:
|
والله انا نقصوني ٢ سم
|
طيب وش الاوراق المطلوبة انا موعدي الاربعاء
|
جزيت خيرا
|
شباب الي راح اليوم لايبخل علينا يقولنا ايش صار معاه بالتفاصيل وله دعوة بإذن الله
افزعولنا انا للأمانه خايف يرفضوني بسبب الوزن :( |
اما عاد 2 سانتي الله لا يبارك فيهم :mish::mish:
طيب ان شاء الله عديت ولا رفضوك الله لا يوفقهم:b:b لاهنت كم طولك :k:k |
شباب اللي راح لايبخل علينا بمعلومات قد تفيدنا
وقد يتوفق بسبب دعوة احد الموجودين |
انا رحت اليوم في عسير وموقعهم على طريق الطايف المهم زحمة وواسطات تخيلو ينادون على 100 اسم وحنا برى ويعيدون فيها ساعتين اخر شي قالنا عسكري ما انتبهت لرتبته من الزحمة الي شهادته دبلوم سنتين ونص واقل ماله شي عريف مافي الى مكة و القصيم هذا الي صار
|
اقتباس:
السلام عليكم ورحمته الله وبركاته اخوي حمااااا ما قصر انا بزيد عليه شوي مركز تدريب الامن العام بالمدينة المنورة طبعآ نفس الموضوع بس اللهم انو اليوم فيه زيادة عدد تاريخ موعدي اليوم بتاريخ 07/05/1434هـ طبعا بقياس الطول عدي الماصورة صقعت فيها روح خذ ورقه ورقم طلب مكتوب فيها مكون من 4ارقام المهم بعدها بتروح للمكتب تقيس الطول ثاني مرة والوزن الكتروني والباقي زي ما قال اخوي حماااااا ما طلعت من عندهم الا 10:30 وروحت للمستشفى الصحة النفسية يختمون على خانة الصحة النفسية وبعدها رحت للمستشفى العسكري والحمدلله خلصت اموري على 12:30 وانا مخلص تحاليل وفحص كامل وعلى فكرة يا شباب المستشفى يوزنك ويقيس الطول ومرة مدققين والباقي على الله ونتيجة التحاليل بكرة بتخلص وبالنسبة للادلة الجنائية مريتهم قالولي بعد العصر وانت واقف واحنا نرسلها للامن العام وبالنسبة للاحوال المدنية على حسب انت مطلع البطاقة من وين وتراجعهم وبالنسبة للعمدة وشيخ القبيلة والامارة امورها جدآ بسيطة خلال ساعة وتكون مخلصها وسلامتكم وربي يوفقكم جمعيآ دعواتكم..! |
وانا جاهز لاي استفسار ....
|
للاهمية
اقتباس:
طيب يالغالي البصمات اقرب لي تبوك ابي اخلصها من المدينة ينفع بس خايف تطول علي |
اقتباس:
وهل خلصت اموركـ ..؟ وشوف ورقة اللادلة الجنائية مكتوب عليها اي منطقة ..؟ |
شباااب باسال هم يدققو في الوزن او لا ... الي يعرف يرد علينا
|
اقتباس:
انا شفته اليوم عادي بس كم وزنكك ما شاء الله |
اقتباس:
|
قدامي ردوا واحد على الطول طوله 163 ووزنه 41
انا قدمت في منطقة المدينة المنورة ماسويت الفحص الطبي الا الان بكرا ان شاء الله بسويها رحت الى الادلة الجنائية وبصموني اول مادخلت عندهم لقيت 2 من العساكر واثنين لابسين لبس مدني طلب مني العسكري الخطاب الموجه لهم وصورة شخصية لك (المكشوفة الراس ) وبعدين اعطاني ورقتين اعبي بياناتي فيها وهو يقولك وش تكتب ووين تكتب بعد ماخلصت منها اخذوا مني وحدة من الاوراق وقالي روح بصم رحت للي لابس مدني بصم لي طفشني وهو يبصم مابقى الى يبصم وجهي هههههههه بعدين اخذ مني الورقة الثانية وقص منها رقم الطلب حقي الي اراجع فيها مدينة التدريب وقالي نحول اوراقك لعندهم وبس |
بالنسبة الى الاحوال المدنية لازم تروح المكتب الرئيسي في مدينتك انا رحت لفرع الاحوال في العالية مول
وقالي روح المكتب الرئيسي وماهو لازم تحجز موعد في الاحوال قالي اول ماتدخل روح للارشيف . |
اتوقع انها على حسب ماكتبت في الاوراق يعني وين كتبت مدينة التدريب في المدينة او تبوك لانهم يحولون الاوراق الى مدينة التدريب الي كتبتها . البصمات ماتقعد عندهم كثير نص ساعه بالكثير اذا كان عندهم عدد لانه مافي الاواحد يبصم.
|
اقتباس:
|
اقتباس:
لازم بدلة ولاتحرج نفسك مع اي احد انا حلقت على رقم واحد وشفت اكثر من واحد ماهو محلق يعني شعره شويه طويل اللهم امين وعفوا |
اقتباس:
يوم قاسوني عندهم طلعوني 173 انا كان قدامي واحد قاس طوله طلع 163 وقاله الضابط والله مافي امكانية اني ادخلك حتى لو دخلتك في الدورة يجي واحد من الرياض راح يطلعك من الدورة ويمكن اني اتجازا فيها بس راح اقيس وزنك مرة ثانية وقاسة وطلع 162 يقولي شفت اني كنت مزودك واحد سانتي وفي الاخير رفضوه وطلع من عندهم |
اقتباس:
بس الي قدمت فيها المعدل الي مكتوب في شهادة التخرج وبس |
اقتباس:
اساسي لاني جبت ملف ثاني وقلي لو جبت الملف العلاقي الاخضر عشان ندبس عليها الورقه الي ترتب فيها اوراقك عليها يعني مكتوب اول شي تحطه في الملف صورة البطاقه وزي كذا على فكرة الجوال مايخلونك تدخل فيه مدينة التدريب يعني تحطه في السيارة |
احتاج منكم دعواتكم لي اني انقبل فيها
|
الله يوفقك ياحماااا ولانستغني أيضا من دعواتكم الطيبه
|
ياعيال بكرة انا موعدي الي راح يركزون على الشعر ولالا انا شعري ماهو طويل ولا قصر عادي ولا لازم احلق على واحد
طيب اخد معي شاهد الكلية التقنية وسير وسلوك وصوور لي وصور بطاقة الاحول بس ذي صح |
اقتباس:
ربي يوفقك ويسر امورك يارب يا كريم ولكل عاطل ربي يرزقه بوظيفة يارب ياكريم المهم اخوي بالنسبة للمنطقة المدينة المنورة فيه تدقيق بالشعر تبي نصيحتي حلق وريح راسك :p بالتوفيق للجميع |
سلام عليكم بدون مقدمات انا قدمت على المخدرات ماقبلت وسجلت بالامن العام وحصلت بيناتاتي مسجله وطولي انا سجلت بالمخدرات 173 وانا طولي 170 وهل الطول يتغير بتسجيل ولا
|
اقتباس:
بالنسبة للاوراق خلي معك الاصل وبالملف صور طبق الاصل شهادة الكلية والثانوي والباقي رتبها عادي والصور الشخصية ضرورية (كاشف الراس) > عشان يدبسها بالكشف الطبي ويختم عليها ويا شباب خلي اثباتك (بطاقة الاحوال المدينة ) جوالك بالسيارة لانه ممنوع تدخله معكـ بالتوفيق للجميع:w |
اقتباس:
وعليكم السلآم ورحمته الله وبركاته لا اخوي بالعكس ما يختلف كذا ولا كذا بتقيس عندهم طول ووزن اكثر من 3مرات مره وانت داخل ومره يقيسك مع الوزن ومرة بالمستشفى العسكري فلا تشيل هم بالتوفيق يارب:w |
اقتباس:
واساسآ بيسالك وين تبي الادلة الجنائية وين تبي تكشف وبالنسبة لبطاقة الاحوال تراجع احوال المنطقة اللي طلعت منها البطاقة اول مرة وبسسسس اتمنى اني اكون افدتكـ موفقين يارب:w |
| الساعة الآن 07:23 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين