أبي حل الله يرضى عليكم
 

أنا توظفت في شركة ولي قرابة شهران وأنا أعمل بها ومن باشرت العمل ومديري يتهرب من الدوام ولا يعمل ، و يقوم بتكليفي بالمهام ويخرج من الدوام ولا يبالي للعمل الذي أقوم به بالرغم من أن به صعوبه وبذل جهد وأقوم بإنجاز العمل على أكمل وجه وجميع الموظفين يشهدون لي بالعمل والتعب الذي أقوم به ، ودائماً يكلمني بأعمال خاصة به وأنا لم اعمل بها ، وبالتالي أقوم بإنجازها ، وله يومين يهددني بالكتابة فيني وتحويليها لشوؤن الموظفين علماً بانه لا يوجد سبب لذلك ، وأنا لم اعد أتحمل هذا التعب ......
أنا سعودي واحمل شهادته البكالريوس في هندسة الحاسب ، ومديري أجنبي ومعه شادته الدبلوم في صيانة الحاسب .

[SIZE="4"]يا إخوان أبي منكم المشورة والنصيحة هل اقدم استقالتي أو ماذا افعل [/SIZE]

إذا استقلت فبيكون مديرك صاحب الدبلوم انتصر

نصيحة اصبر

وطنش له في أشغال خارج العمل

وشد عليه بالكلام

نصيحتي لك انك تستمر ولكن العبها صح
خلك معاه سايسة قد ما تقدر وحاول كل شغلك الي تسوية ما تعطيه عنه كل المعلومات او كيف صار يعني دائما احتفظ بمعلومات عندك حتى يضر يرجعلك ولو راح بلغ الادارة ان هو نفذ هذي الاعمال يبقى في امور مبهمة يمكن مايقدر يجاوب عليها الا بالرجوع لك


حاول انك تثبت كل الاحداث الي تصير الاشياء الي يطلبها منك او الزلات الي عليه او اخطائه (ايميلات , نماذج, اي سمتندات) حتى لو تسجل صوته او تثبت انه يطلب منك القيام باعمال خاصه
لا تشتكي الا اذا كنت قوي من جميع النواحي واذا حبيت تشتكي وعندك ادله وصل شكوارك لاعلى مدير تقدر توصله والايمل سهل الوصول لهم
ولا افضل اسلوب الشكاوي
ولكن في اسلوب احلى وهو انك تظهر نجاحك بشكل يظهر فشله
حاول تجمع معاك اكبر عدد ممكن انهم يكونو في صفك لو صار شي ويشهدو بالحق

كلامكم على عيني وعلى راسي لكن بوضوح لكم نقطة أن أعماله الخاصة اللي يكلفني فيها هي أعمالنا في IT يعني المهام يكلفونه فيها وهو كل المهام اللي يكلفونه يحولها لي ويجلس في المكتب على الانترنت ساعه أو ثنتين ويمشي لبيته بدون ما يشتغل بالرغم انه لازم يشتغل معي وألاعمال كثير وتطلب وجود ثالثه ولكن مافي إلا أنا أقوم فيها لأني عارف شغلي وطريقتي في العمل ..

النقطة الثانية أنا كل شغله اشتغلتها بيدي مصورها قبل الشغل وبعد الشغل وكاتب ملاحظات على الشغل والأخطاء اللي تصير

النقطة الثالثة هو ما صار يهدد إلا يومه شافني ما صرت أقول له عن كل شي وهم يسألونه وهو مؤ عارف وش يقول وخليته يتوهق معهم

ومن ناحية الإدارة كلهم يعرفونه زين وأنا متأكد أنهم ببوقفون في صفي وصرت اقدم الدعم عن طريق جوالي يعني الشركة كلها تطلبين أنا مو هو

أرفض أعماله الخاصه

ويليت تعطي شئون الموضفين خبر بأي طريقه

قراراتك سليمة

ولكن نصيحة، اهم نقطة في (إدارة الخلافات) انك تناقش الشخص وجه لوجه بالمشكلة

والله يوفقك

اصبر شوية ولا تنسى انك جديد

جرب معه كل الطرق ، مع الوقت صدقني بتلقى له طريق ومش أي طريق > اقصد طريق للتعامل معه ، طريقة تخليه يحسب لك الف حساب

إذا تبغى حل مؤقت > حاول تتلكع في شغله وتبين "له" انك ما تفهم و منت ثقة /مع كامل الاحترام لك/ = ولا تحاول تكسبه لأن هالنوعية ما بينفعك ولا تهتم إلا لأنفسها

طبعا فكرة الإستقالة شيلها من راسك ولا يهمك اطلق شنب

دامك مهندس وهو دبلوم اكيد حط في بالله انك في يوم من الايام بتكون محله اصبر عليه عشان بالاخير تدوس عليه بجزمتك الله يكرمك ويكرم القارئ

مش امورك ولاتعانده ولاتخليه خصم لك خليه خصم لك بينك وبين نفسك لكن خليك صديقه في الواقع ومشي له واصبر عليه


انسى انسى انسى تكبر المشكلة مش حالك وانا اخوك