|
الله يوفقك وييسرلك كل ماهو عسر
جرب تكد والا تشتغل بالحراج بوقت فراغك ووفر شوي من مصاريفك مولازم تصرف كثير وربي يسهلها |
الله بيعينك ياخوي
وبعدين عندنا المهور كثير من جد شي يقهر وبعدين ياخوي اذا حسيتها صعبه مره تزوج اردنيه والا سوريه وعيش حياتك |
راي انك تبحث عن راحتك ولو الناس اللي بتزوج من عندهم بيحملوك ديون بسبب الزواج راي تدور بنت حلال تبي الستر
وانت حر البنات كثير واغلب العوايل بطلو المهور الغاليع والتكاليف اللي فالزواج الله يسهل لك استخير واكثر من الاستغفار خلي الاستغفار على لسانك ماتتركه لخظه والصلاه بوقتها وقسم بالله بيفرجها لك الكريم دعواتك ربي يحقق امنيتي |
الله ييسر امرنا وامرك ويرزق الجميع ان شاء الله
|
بدايتة اسال الله الكريم رب العرش العظيم ان ييسر لك امورك ويغنيك بحلاله عن حرمه ويرزقك ببنت الحلال الي تسعدك
بخصوص الزواج والتكاليف الخ انا عارفة ان وجهةة تظرك انو تاخذ من عاىلتك بس صدقني خير زواج الي ميسر ولايكلف الله نفسا الا وسعها لاتحمل نفسك فوق طااقتك وديون وبعد الزواج تقول ليتني ماتزوجت!والله الدين هم ومرض اولا:استخير ربي وابخث عن بنت الحلال خبذا لوتكون موظفو وييسرة مهر وان شاؤالله تسعدون بعض ثانيا:لازم عمل اضافي عشان يزيد دخلك وتقدر تكون نفسك وتار شقة ومهر الخ من تكاليف لاتصر على شيء يمكن فية خيرة لوتركته في ناس مهورهم 30,25 العواىل تختلف ومب شرط كماليات وقصر والحوسه هذي كلها كلنا نحب ونتمنى اننا نفرح ونسوي حفلة بس كل واحد على قدد ظرووفة سوي حفلة صغيرة بحيث انك بعدها تسافر وتهنا بفلوسك مب تروح تكاليف ع الفاضي كم ساعة وللناس ليتها لك اكثررر من الاستغفار والدعاء والوتر لعل الله يفرجها لك وصدقني المسالة يبي لهاا بس ترتيب بسيط وتيسرر امورك ان شاءالله مافي شيء صعب عللى ربي اتمنا انني قدرت اساعدك بببعض الاقتراحات الي بخاطري اقولها وسبقوني فيها بعض الاخوووان الله يوووووووووفقك يااااااااااااااارب وييسر اموووووووووووووووورك |
الله يجزاكم خير .. والله وحده اعلم بالظروف .. كل ماقلتوه يمكن ينطبق على أي واحد لاكن انا ابي اتزوج إنسانه ببالي من قرايبي ومهرنا غالي وتكاليف الزواج غاليه والخوف انها تروح من يدي بسبب قلة الحيلة والمادة ..
|
الله يوفقك ويرزقك الرزق الحلال ويجمع ربي بينكم بالحلال عاجلا غير اجل يارب
والي يقول تزوج اجنبيه مهرها ارخص غلطان صح ان مهورهم رخيصه وبعيش معك على بساط وباكل خبزه بس ومن هالنصب بس لاستقرت شف الوجه الثاني اقرب قريب لي ماخذ اجنبيه على نفس الاساس الي يقول مهرهم رخيص وبتسعدني وربي انه يعاني واحنا بعد نعاني منهم |
يزين ايام جدي تزوج جدتي بعشر نعجات وبيت شعر مقطع ايام مو الحين 120 الف متسوي شي واخر شي تجي لبيت رجلها وهو معطيها مهر تبي منه فلوس عشان تشري هديا لخونها بشهر العسل ان كيدكن عظيم طيب بقيلي من المهر بسدد الديون والله حرام
|
يسعد أوقاتك
أخوي بقول لك كلام قلته لأخواني في البيت انت راتبك ٤٠٠٠ نعمة كريم انت الحين عايش في بيت أهلك تأكل وتشرب وتنام ومو مقصرين معاك أهلك أكيد عليك بالتجميع أو الجمعية ،،، مثلا ٢٠٠٠ ريال من راتبك و دور لك ناس معاك تدخل جمعية لو أنتو عشرة أشخاص بعد عشرة شهور راح يكون معاك عشرين ألف ريال ولو تقدر تزيد المبلغ الى ٢٥٠٠ يكون احسن أو تزيد عدد المشتركين الى ١٢ شخص احسن بعد صدقني الجمعيات تفيد كثير ولا تقولي مافيه احد يدخل جمعية لو تجلس مع إخوانك وخواتك وأصحابك الثقه وتطرح عليهم موضوع الجمعية علطول بيفكرون بالموضوع وب يدورون لك على ناس تشترك لان الجمعية تفك أزمة بصراحة أنا بنت والحمد لله جبت لوالدتي خدامة بفضل الله ثم الجمعية والجمعية الجايه ناويتها هدية دفعة أولى لسيارة أخوي بأذن الله ومستمرين بالجمعيات ان شاءالله بس تتوقف شهر رمضان وشهر شوال عشان مصاريف العيد والدراسة الناس مضغوطة ونرجع نكمل بنهاية شهر ١١ ان شاءالله يعني لاتستحقر نفسك انت قادر على الأفضل ان شاءالله بس عليك بالجمعيات قد ماتقدر ماراح تنتهي السنة الا وانت متزوج وعندك بيت ان شاءالله وإذا مو مستعجل تقدر تخلص السنة وتدخل جمعية لو ست شهور بست أشخاص وتكمل المبلغ الناقص وتكمل نص دينك وبعدها يبقى عليك بس تسديد دينك الأول موضوعك هو موضوع اغلب شبابنا أسأل الله لكم التوفيق وتيسير الأمور |
لو معك ملاييين والبنت ماهي مكتوبه لك ماراح تكون لك ..ولو مامعك شئ وهي مكتوبه لك بتاخذها يعني لاتضايق ولاشئ..وصراحه انت قاعد تعبها ع نفسك ..روح اخطبها وشوف وافقوا ع حالك كان بها ماوافقوا دور غيرها...لان شكلك باقي مارحت لهم روح واشرح ضروفك..والله يعينك
|
| الساعة الآن 08:59 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين