كل مطلبي الزواج بالحلال ولاكن ديوني تمنعني ساعدوني
 

السلام عليكم ورحمة الله وبركاته .. اولاً لو ماكنتم اخوة مانزلت الموضوع .. انا شاب حلم حياتي الزواج راتبي 4500 علي دين 50000 الف واذا بتزوج بستاجر شقه ومصاريف الزواج عندنا عاليه توصل لـ 130 الف بسبب غلاء المهور .. الحمد لله صابر لاكن عجزت احاول اتجاهل الموضوع شااغلني كثير الوالد راتب تقاعده يادوب يغطيه وعليه دين بعد . ولاستطيع التسلف اكثر ارجوكم ساعدوني دلوني على حل

اخ وافي فيه مساعدات للي مقبلين على المتزوجين يساعدون بالمهور يمكن في الجمعيات الخيرية

بس انت من اي منطقة ؟

الله يكون في عونك اخوى

الحل أنك تمسك يدك في المصروف كم سنة حتى توفر يعني إذا تصرف 2000 شهريا خلها 1500

ومو ضروري تتزوج من نفس العائلة إذا مصاريف زواجاتها عالية دور في عوائل ثانية ما تتطلب في المهر والتكاليف ويا كثرها

وقدم على قرض زواج من البنك والله يرزقك

الرياض الجمعيات لها شروط الراتب اقل من 3500 والمهر اقل من 40000 وكلها ماتنطبق علي

عاشقة الصحراء ماقصرتي اختي

ماسك يدي على الاخر اختي .. وانا لي رغبه اخذ من العايله غير الوالدين يبون من العايلة .. قرض الزواج لو اخذته كله 45 الف وانا علي دين من قبله وانا زي ماقلت محتاج ايجار شقة اقل شي 20الف الاثاث اقل شي برضو 20 الف المهر مو اقل من 50 الف وباقي مصاريف العرس مو اقل من 40 الف منها القاعة والعشاء وانا حاسبها .. ربي يعين اللي عنده حلول لايبخل

للررررررفع

اسمحلي يالغالي اذا العائلة نفسها ماتراعي ظروفي والله مااخذ منهم بس هذي رغبتك الله يوفقك ويسهل امرك
انا خطبت بعد الشوفه تدري ةش قال ابوها قال انا مااعندي شروط والله حاولت معاه في مو راضي يقول وش شروطهم حتى المهر ماقاله

اخوي الله يكون بعونك .. عندي بعض النصايح ممكن تفيدك ..
1- جرب تشتغل وظيفه ثانيه
مثلا اذا كان عملك الحالي في الصباح .. دور على وظيفه أخرى في المساء

2- اشتغل عمل حر .. اشتغل مشاوير مثلاً .. اعرف ناس كثير من اقربائي كدوا واشتغلوا في المشاوير .. وكونوا انفسهم والآن هم اغنياء ما شا الله

لو تفكر تلاقي مصادر كثيره لطلب الرزق ..