السلام عليكم ورحمة الله وبركاته .


المهم بدخل في صلب الموضوع :

أنا قبلت في مجموعة سامبا المالية بالرياض وأيضاً قبلت في قوات الطوارئ (جندي)

راتب البنك ( 6400 ) .

وراتب قوات الطوارئ ( ما أدري كم )

إلي أبي أعرفه الحين كم راتب الجندي بقوات الطوارئ وأيش رأيكم آتوظف في أي وحده البنك وألا قوات الطورائ .

تكفون أبي مشورتكم .

الطوارى وانت مغمض
البنوك وربي رواتبهم مافيها بركه مهما كانت القيمه ما ادري لييييييييه !!!

وثانيا مصلحة البنك اولى من مصلحة الموظف اي وقت يكرشونك
الطوارى هيبه ويكفي انك على الحكومه ضمان وظيفي ومستقبل احلى
والراتب اكثر من راتب البنك

رح الطواري الجندي يستلم تقريبا من 7500 الى 8000

ودورات كل دوره تاخذ عليها حلوووه مره

انت صاحي !!

الطوارى يا حبيبي

و يكفيك انها قطاع حكومي يعني مو زي البنك سنه و انت ماسك الباب

والله وانا اخوك لو ان الراتب مثل بعضه
راح اختار العسكرية
امن وتريح راسك
ولو انا مكانك بختارها وانا مغمض
لكن اذا انت انسان صاحب طموح وهمة عالية وودك بشهادات
وترفع من منصبك ومستواك فأنصحك بأي شيء غير العسكرية
لأن العسكرية ذبحة للطموحين بعد عشرين سنة ان الله احياك ستكون جندي ومكانك سر
لكن لو انك في البنك ممكن تنمي خبراتك ومجالاتك وتترقى وتصعد
وكل شيء بقضاء الله
استخر ثم توكل على الله ونفذ قرارك بكل قوة
فالك التوفيق

في قضية
نسيت اذكرها
وهي ان بنك سامبا حط تحته خط احمر
لأنه والله اعلم بنك ربوي يعني الشغل فيه حرااام

الله يوفقك دنيا واخره

الطوارئ افضل قطاع عسكري

البنوك ربويه ابتعد عنها

شوفوا من ناحية أنـي طموح وأبي شهادات معكم حق . بس مثل ما قلتوا أن العسكرية محطمه لطموح .


شوركم وهداية الله أنا طرحت موضوعي عشان استفيد منكم ؤمن خبرتكم .

ؤالله يؤفقك الجميع .

عندي سؤال آخير .

الحين لـو تعينت على رتبة جندي وشهادتي ثانوي ودرست انتساب في الجامعة نقول تخصص حاسب إلي باكلوريس وتخرجت بعد أريع سنوات أكيد بعد أربع سنوات صرت جندي أول أو عريف وقدمت شهادتي الجامعية يرقوني وكيل رقيب أو رقيب على حسب شهادتي وألا ابلها واشرب مؤيتها .