|
نريد نصائح قبل دخولنا الدوره
السلام عليكم ورحمة الله وبركاته
تحيه طيبه الى اعضاء موقع البطاله الكل يعلم بأن الفرز النهائي على الابواب والكل جالس على نار لكن بأذن الله الكل مقبول .................................................. . الموضوع هذا نبغاه يكون للنصائح قبل دخولنا للدوره وخصوصا ( 45 يوم ) وكثرة الهروب كل واحد يقول نصيحه او فائده لكي الكل يستفيد انا عن نفسي ماعندي نصايح واتمنى الكل يشارك ونستفيد يارب والي ما يطلع اسمه بالفرز النهائي لا يزعل ولا يعصب والله لو فيه خير لك كان لك فيه نصيب اتمنى المشاركه من الجميع وخاصتا من العسكر الجدد اسف على الاطاله اخوكم / زياد الحربي مركز المدينه المنوره |
اول نصحية مني اهم شي الاخلاق في الدورة خاصة مع زملائك لانك تواجة نفسيات والعياذ بالله
بالتووووفيق للجميع |
نصيحه مني اي واحد ينقبل يتجود بها وربك يقول الصبر ومردك بتخلص ترى هي بس ال45 هي الي بها التنفيس ونصيحة اخون انكم لاتهربون وحط نفسك كنك طالع رحلة وماتقدر تطلع الا اذا خلصت 45 ولاتفكر بالخارج والله اناعن نفسي مقدم جندي اول بالرياض واتمنى من الله اني انقبل نهائي وربك ما اتركه يارجال لو يصلبوني يومين بالشمس والعسكريه تبي ارجال يتحملون هم ليش يتعاملون معكم بصلب عشان يعلمونكم الصبر واشقى
وصلى الله وابارك محمد العنزي مدينة الرياض مقدم |
نصيحة سو لك تمارين يومية في البيت عشان
يتعود جسمك على الهروله والركض في الميدان |
نصيحه لكم جميعاا ،
اللي يبي يصير نفسيه وبس جالس لحاله ، ومايتكلم مع احد ، هذا من اول اسبوع راح يهرب ، سولف مع خوياك تعرفوا ع بعض ، ترا معرفة الرجال تجاره ، |
آخوي آنتهى من دورة آلسنة ذي , ويقوول لي وآلله آشووف نآس بـ آلهبل تنحآش من آلبآب يومياً ... يقوول وآلله جتني وسوسة منهم !!
يعني آلقآعده (( آصبر , لآن آخوي آلحين متخرج ومبسوط للآآآخر :) |
أهم نصيحة
{{ لاتشــــــــــردووون }} اطحنوا مع العالم واصبروا هي كلها 45 يوم وترتاحون الله يوفقكم |
ايه صح
هرول كل يوم وحاول ترفع من معدلكـ اللياقي لانهم بيخلونك تجري اللين ماتستفرغ الله يكرمك ويكرم الجميع وهذا الكلام حصل لبعض أخوياي دخلوا دورة الطواري وأكلوا تبن فيها لان ماعندهم لياقة والمدربين مايراعون بالعكس يجازونهم ويكرفونهم زيادة فانتبه معاك فترة تقدر تزبط وضعك فيها ويوم تدخل الدورة تكون واثق من نفسك ووحش |
سلام عليكم
انا اعطيكم العلم كله عود نفسك على تمارين رياضيه حتى اجل انهض مكانك ونقز كمان زي البط واهممممم شي واهم شي عشان ماتجيك الدوخه عود نفسك كل يوم توقف ثابت بدون اي حركه حتى ماتحك ولاشي اول يوم خليه 5 دقايق ثاني يوم خليه 10 دقايق وزي كذا الين ما توصل نص ساعه عشان جسمك يتعود ثاني شي يا عيال يعني لاتقعد ثابت زيما يقولون لك يعني لاتعب نفسك حاول تحرك نفسك بدون محد يشوفك وحتى لو شافوك مو يعني انو خلاص تجازا وترا بعض الجزوات تكون حلوه لك ليه ارحم ماتكون انت ثابت طول الوقت وصراحه بعض المدربين هم يسون كذا عشانك عشان تتحرك وماتدوخ لكن البعض ماراح يفهم منو هذا الاشي راح يفهمون انو لا هذا تحرك حيتجازا فيه بعضهم عندهم خير لك وفي بعضهم الله يصلحهم ياارب بس ثالث شي اهم شي اهم شي خويانك يعني احد طلع صوت وجاء المدرب قال الي طلع الصوت احسن يطلع بدل ما اجازي الطابور كله ترا على فكره الجزوات الجماعيه احلى من الفرديه وترا حتى المدرب يتعب اذا جازا الكل وفيه عيال راح يطقطقون عليه رابع شي خذو لكم ادويه زي البروفين مسكن تراه طيب وتحتاجونه كثيرررررررر جدا وخذو كم دوا معاكم خذو دواء حق كحه خذو كريمات حق الاربطه وحق العقضلات وفيه اشياء كثيره خذو الي تحتاجونه خامس شي خذو معاكم قروش 1000 مافوق على حسب الشخص انا كفتني 1200 ومو كنت ادخن وقت 45 يوم الا اخر اسبوع رجعت للدخان هههههههههههههههه سادس شي اذا ما تبي تكون نفسيه وتقعد مضايق لاتسمع كلام احد من الاشاعات ترا راح تتعب وبالذات حكاية انهم يحولوكم عسكر لنو ماراح تتتحول مهنتك عسكري الا بعد التخرج خذ مني كلام انا مالي ثلاث شهور متخرج من دورة مكه المكرمه وباقي اشياء ناسيها اذا احتجتو اي استفسار انا موجود وادخل انا حاليا كل نص ساعه |
اهم شيء الفلة والوناسة ... ترى الدنيا حلوة
وترا من سبكم حبكم ههههه |
اول شي اللياقه ثاني شي الاهم النفسيه تكون مرتاحه ولا تفكر بغيرك لانك بتتعب لو تفكر
وبالتوفيق يا الغالي |
اسف علي الشطحة بس دورة الطوارئ نظامة زي الامن العام ولا تختلف
|
الطوارئ يقولون العن من الامن العام
|
اتعرفو على الرجال واتكلمو وافرحو انبسطو وترى البلوت مو ممنوع وكمان فوق هذا كلو لا تشيلو هم شي إذا تعبت نفسيا فيه قران اشتري قران واقراه وبعدين مو مننوع تدخل ايبود صغير تسمع فيه قران محد بيقولك شي ابداء على حسب بعض المناطق صح ممنوع بس حاول تدخلو
|
أهم شيء الفله يأشباب فلها وربكك يحلها
ولحد يشيل هم شيء وحط. ببالك إلي يدخل عسكريه ويطلع مع احترامي مؤ رجال لأن الرجال يتحمل ويصبـر. يقولكك الشقى مكتوب مير الله يعين تحياتي لمن دمر حياتي ههههههههههههه متحمس يآرب القبول وإلله أني أنلحست 24 ساعه على النت انتظر بس حد يقول نزلو المقبولين وبعدها أدور رقمي واشوفه بين الأرقام مندس ههههه واتشقلب من الوناسه وكذآ هههههههههههه وبس يالربعع أنا معرف بيلوت كثير علموني هههههههه بالسكن. هع هع |
انا بعد معرف للبلوت والحمد لله م ادخن وان شاء الله ننقبل كلناا بس عيال انا عندي رجال يقول بدخلك الجوال عن طريق مدرب ولا من اخوياه بالمكاتب اعطيه الجهاز بالشحن ولا اعطيه بطارتين ولا كيف الوضع |
اقتباس:
ترا فيه افياش هناك وتقدر في اخر اليل تحط جوالك وتخبي جوالك بس انتبه بعض الايام يجي المدرب في اليل ويطل في الافياش ههههههههههههههههههههههه |
اقتباس:
البلوت ممنوع ترا وترا انحجزت عشانه اسبوع وعيال الذينا كتبو لعب بلوت على الرصيف بقرب الميدان هههههههههههههههههههههههههههههههههههه وربي انحجزت عليها ترا انتبهو بس عادي تلعب بلوت 45 يوم ماحد يدري عنك ترا والوضع ايزي بس بقلك شي ترا في 45 يوم يالله تلقى وقت للنوم يعني حاول تلحق تنام وتريح واذا على البلوت لاحق عليه بعد ال 45 يوم راح تلعب كثير الين تطفش وعلى حكاية البلوت ممنوع في مدينة مكه المكرمه انا اتكلم عن مدينة مكه |
ترا يا عيال بقلكم شي ماتعرفوه في ال 45 يوم راح تجيكم زياره الاهل يقدرون يزرونكم بعد ثاني اسبوع من ال 45 يوم
بس حط في بالك اذا جات الزياره اعرف هذا الاسبوع الي يجون فيه راح يكون فيه تفتيش في السكن دقيق يعني الي معاه شي يخبيه اول ما يجي يوم الزياره بعدها ابدا خبي |
اخوي عادل كيف ايام 45 ابي تفصل اليوم الاول بالتفصيل الممل من الساعة 3 نصحى على صوت البروقي لين الساعة 11 عند النوم
|
اقتباس:
|
حاول تتمرن عشان تتعود ع الدورة وشد حيلك ولاتشيل هم ولاتفكر بالديرة واخوياك انت بدورة وفلها وانبسط واستأنس وتعرف على الشباب وخلك كل يوم شاق حلقك تضحك ومستأنس
والله الله بأأخووياك:wa:wa:wa:wa:wa:wa:wa:wa:wa |
الي يقول تاخذ دوره لياقه ومدري شنو ي رجال اعرف ناس زيرو لياقه وهذا هم متخرجين من الدورهـ هيا صح تفرق الي معه لياقه ما يتعب من الهروله
بس فيه حركات عسكريه تقول ي زين الهروله هههه خلك تتعب مع العالم بالميدان هههه تعيش جوهم لو معك لياقه ما تعيش جوهم هههه انا بقولك ي المدخن . دخانك وجولك بجيبك خلاص امورك مزهوله وتعرف ع اول يوم من عند البوابه ع ربع كويسن تقول ي عيال نبي نصير ستر وغطا ع بعض وكذا اهم شي العنصريه فككك منها يعني لحجي ولا زهراني ولا عنزي ولا بلوي كلهم زي بعض خلهم كل الي بالدوره يعرفونك علشان تضحك وتسولف معهم وكذا تمشي امورك خلهم يترقون عليك لا تزعل خذها بروح رياضيه وانت كمان استلمهم ههه صدقني تعدي زي السلام عليكم انا ما جبت الكلام ذا من راسي الكلام ذا من العيال متخرجين من دورات عسكريه ولا انا ما عمري خشيت دوره بس ادعو ليا ولي يرحم ولدينكم الله يوفقكم ويسير اموركم جمعيا |
يازقرت اهم شي لاتتخيلون انها فله بزياده حتى لا تنصدم بواقع الدوره ثم تجيني ماشي من بكره
|
وارضا باي شي يصير معك وحفز نفسك بدل ما تتحلطم وخل عندك اراده (تحدا نفسك) الورعنه الي يتخرجون مو ارجل منك<<< بالله كيف وش رايكم بهالحكي
|
أهم نصيحه
أولا الصلاه بوقتها ثانيا ختم القران ثالثا أذكار الصباح والمساء وراح تمر الدوره زي شرب المويه انا ختمت القران ولله الحمد بالدوره 3 مرات وب41 يوم |
اذ فكرت في يوم من الايام انك تبي تتطلع من الدوره او تعبت تذكر انو في اشخاص كثيررررررررررررررر يتمنون انهم مكانك اذ تعبت عليك با الصبر ثم الصبر ثم الصبر قبل تتدخل مركز التتدريب ارمي الكرامه برا واذ جيت طالع خذها معك عليكم با الصبر يا اخوان والله يوفقكم
|
وحاول تصاحب ناس طيبن فا اعلم ان اصدقاء 45 الاصدقاء الذين لايخونك ابدا
|
اقتباس:
نصائحك ممتازة والله يوفقك بالقبول النهائي بالطواري |
موضوع رااائع وجميل وراح يستفيد منه كل المقبلين على دورات عسكرية وانا من ظمنهم عندي دورة يوم السبت القادم والله يسهلها ويعديها على خير
اهم شي حافظ على صلاتك والاذكار طبعا اول ماتدخل مع بوابة الدورة راح تتذكر اهلك واصدقائك والفلة والوناسة وتفكر انك تهرب لكن تذكر هذي وظيفة ومستقبلك فيها ومحد راح يفيدك اذا هربت وتذكر الوناسة والفلة اللي راح تجي اذا تخرجت من الدورة يعني انت اذا هربت راح ترجع مثل اول طفران وحالتك حالة وماعندك سيارة لكن اذا كملت تفل امها بعد التخرج متوظف ويمشي لك راتبك وماراح تطلب احد عطني وسلفني تعز وتعف نفسك وعندك سيارة وتقدر تتزوج يعني اهلك واصدقائك موجودين ماراح يتغيرون اذا دخلت الدورة وايضا الله الله بالخوة داخل الدورة ولاتخاوي المنفسين والمتحطمين علشان ماتنفس مثلهم وتتحطم على قولتهم وسع صدرك وفلها ولاتجيب الضيقة لنفسك واهم شي الاخلاق وسولف واضحك مع الناس المحترمة ولاتنعزل وتجلس لحالك ولاتتمشكل مع احد وحاول قبل ماتدخل الدورة انتك تتمرن وتسوي رياضة خااااصة الهرولة علشان تمرن جسمك وماتتعب واجد بالدورة في النهاية هي كلها 45 يوم او اقل واغلب لدورات ماتاخذها كاملة |
من واقع تجربه
انصحكم بالصلاة وقراءة القران والدعاء لاتكلم اهلك وانت في 45 كثير لاتجلس مع اللي يعدون الايام دور الناس الفله المبسوط يبسطك لاتسمع كلام المدربين واشاعاتهم اللي ينشرونها بين الطلاب لاتتذمر من الجزء لانك راح تتعود عليه اما الجزء الجماعي هذا احلا شي يجي فيه ضحك ووناسه انت واخوياك المدربين مهمتهم انهم يطفشونك وينفسون بك لاتصدقهم تراهم يحلفون بالله ويقسمون بالكذب الاهانات والالفاظ البذيئه تحملها ماضر السحاب اخذ معك فلوس قد ماتقدر ويفضل 1500 ريال تاكل اللي تبي وتشتري اللي تبي انتبه من السرقات خذ معك اقفال اصليه مراهم العضلات والبنادول والفلوتاب والفوكس والمطهر ديتول ودعسة السيلكون مهمه الجزمه الرياضيه اخذ افضل نوع عشان ماتسبب لك الام في المفصل |
اقتباس:
|
الله يعطيكم العافيه
ماتوقعت الموضوع بيهمكم هالكثر كفيتو ووفيتو واليوم اخوي كلم رجال يتوسط لي بالمدينه المنوره وسألته عن عن الفرز قال بكره بأذن الله |
ي اخوان خطططا الي يقول ارممم كرامتكك برااا كل شي ولا الكرامممه الله يلعن الوظايف دام فيها تروح كراممتي ي ناس الواحدد باخلاقهه يفرض احترامههه ع الجميععع
|
اقتباس:
يا صاحبي انت وانا يعرف النضام العسكريه والله فيه تشديد انت مقد دخلت دوره عسكريه ولا تعرف كيف تروح الكرامه كيف تروح اذ جاك العسكري قال امتد في الضهر والزفلت راح تمتد راح تشووف العجايب في زمان العجايب هاذي رزقك يا صاحبي ولا يبي كرامته لايدوور العسكريه واسئل اعتر شنب في العسكريه اذ كانو الضباط الى رتبهم ملازم وملازم اول اذ جاه الرائد او النقيب او المقدم لعب فيه فما بالك با الافراد يا صاحبي |
اقتباس:
|
اقتباس:
:Thumbs::Thumbs::Thumbs::Thumbs::Thumbs: |
اقتباس:
صدقني تنحجز وربي تنحجز عندنا في دورة مكه انحجزنا والرائد قال قليل فيكم اسبوع تنحجزون |
في 45 جدولك فل مافي وقت للبلوت اصلا
واذا في وقت فراغ راح تفكر بالنوم من التعب بعد 45 تجي الفله بلوت وجوالات وتلقى اوقات فراغ |
ركزوو ياشباب على الملابس الدآخليه
مرهم العضلات جيب منه اثنين فكسس فازلين الجزمه الرياضيه ياخوان احرص ان تكون من الجييد الاصلي الماركه تلقونها عند الفالح خذ بكمان مع الجزمه اكرمكم الله دعسه طبيه سيلكون القفل جيب 2 قفل للجزمه وقفل للشنطه ترون السرقات بالخمس ووالاربعين كثير وربي 3 مرآت انسرقت جزمتي وقبل كل هالكلام القرآن ياشباب والله راح يكون لك المعين بعد الله سبحانه وتعالى باجتياز الفتره ذي حالو تختم يعني بخصوص الجوالات اذكر يوم دخلنا التفتيش كان مش حالك ودخلت جوالي بس مادري وش راح يصير السنه ذي الكلام من المدربين لا ينرفزززك ي ذيب انتبببببه يبغى ينرفززك بالكلام ماعليك انت ماجيت عشا وجهه انت تبغى الوظيفه اجحددده خله يهررج والله مايضرك بهرجه دعواتي لككككم بالتوفيق ودعواتكم لي بالنقل لمكتنآآ |
| الساعة الآن 09:20 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين