ماشاء الله انت نجحت بخيالك وهذي خطوه طويله نحو الهدف بس حبيت أسئل وش راح نظيف للبرامج. فاكهه او انتقاد . او كشف المستور
او ايش بالظبط ولو أشارك من خلال كتابه برامج هل يكون لي نصيب من غير الحظور الى مكه او مكان اخر خصوصا ان خيالي واسع |
اقتباس:
لأ انا ماقلت عندي خبرة 5 سنوات لكن اقصد خلال الخمس سنوات الجايه راح اكون شركة انتاج ان شاء الله انا ادرس ف الجامعة سنة ثالث .. تخصص بعيد كُل البعد عن الاعلام اخوي السالفة الحين مو الفكرة .. كل شخص منا عنده افكار لكن اللي ينقصني مصور (بالعربي شخص عنده كام ويعرف يشتغل عليه تمام) والانتاج موجود شخصين ..انا و شخص آخر اتفقت معاه مبدئيا ً |
اقتباس:
* فيه نقطة مُهمة : الهدف المادي مو ف بالي الحين .. انا ما اقول مو موجود لكن ما افكر فيه الحين .. والواحد مايتكلم عن سمكة ف البحر .. اذا صدناها وقتها لكل حادث حديث . سبحانك اللهم وبحمدك استغفرك وأتوب إليك |
اقول يا حبيبي انا الحين سهران وعيوني متقفلة
ان شاء الله اسوي لي كاسة الشاي الظهر واجي اصحصح على موضوعك ربي يسعدك |
اخوي انا مصور فوتوغرافي ولي خبرة بلفوتوشوب وافهم بلتصوير واملك كاميرا احترافيا وعدسات تصوير بورتريه
ولي خبرة بهل شغلات ومسعتدد اشتغل معكم وكمان انا افهم بلفوتوشوب الشيء الكثييير ومستعد اصمم شعارات للقناة وانا اشوف الفكرة جدددددا ممتازه والله وخاصه ان من المعرف ان اليوتيوب طريقك الي الشهره بأقل تكلفة واقل جهد ولاكن الركيزه الاساسية في الموضوع كلة هي الفكرة عندما تملك فكرة فأنت تملك مشروع ناجح ولاكن ينقصنا ان ننزلة لأرض الواقع تطبيق لا مجرد كلام وبعد كذا يبدا تطوير الفكره ووصدقني هي سبب نجاح المشروع ولاكن اذا بتبداء لازم توجد طاقم العمل بورقة وقلم ومن ثم تبداء بكتابة كل تفاصيل الفكرة والعاملين عليها وتكاليف المشروع من جميع النواحي واجمالي التكلفة ولا اضنها ستكلف شيء لان اليوتيوب مجاني طبعا مجرد مكان تصوير ولا ارا فيها مشكله لان كثيير منا يروحو استراحات شباب فأي استراحه بتوفي بلغرض والاستراحه تعتبر مكان جيد للتصوير وللعمل نفسه وغير كذا المايكات والاضائات لا تكلف شيء وأشوف لو تطرح كمان موضوع ثاني لأفكار الشباب في برنامج ناجح ستجد افكار جدددددااااا ممتازه وتحتاج تطبيق والتوفيق من الله اولا واخراً ولاكن ان يكون البرنامج الي يُقدم برنامج هادف وكوميدي ساخر بلدرجه الاولى وكمان يكون فيه نوع من الجديه بفكرة ممتازه لم تستهلك من قبل وقبل هذا كله ان لايكون في البرنامج شيء من المعاصي مثل الاغاني والشغلات هذي لان فيه اشياء تنوب عنها وبدرجه كبييييره وثق تماما ان من ترك شيء لله عوظة الله بخير منه.. واعتذر علا الاطالة. |
السلام عليكم
أنا كنت مخطط إني أنزل برنامج يوتيوبي من سنتين , وفي الفترة الأخيرة حطيت النقاط ع الحروف .. أولاً كاريكاتير المقدم ثانياً بدأت في كتابة دعاية للحلقة ووضعت الفكرة واتوقع انها جميلة وسلسلة ومفهومة ثالثاً / نقطة البداية إلى الآن |
اقتباس:
اهنيك على الثقه بنفسك وهذي بداية النجاح الفكره ناجحه وجميله بس التنفيذ بيكون صعب ومافيه نجاح سهل ابدا انا معك بالنسبة لتلفاز 11 هم الافضل بالنسبة لي صاحي بس بيجمع اكبر عدد مشاهدين على قلة سنع واتمنى اذا تنفذ مشروعك تبعد عن السخرية والانتقاد ياليت شباب اليوتيوب يهتمون بقضايا تخص وتعالج مشاكل تصير في مجتمعنا مو بس انتقاد وضحك ولا فيديوهات تعليمية اللي نادرا مالاقيها بلغة عربيه كلهم اجانب انا معك قلبا وقالبا وبالتوفيق |
بس اتمنى اخوي يكون بدون موسيقى واهدافه تفيد المجتمع
|
*.. السلام عليكم ورحمة الله وبركاته
مساكم الله بالخير جميعا ً .. يسعدكم ربي ماتوقعت أجد هالتفاعل الكبير مع الفكرة .. وصراحه الشباب ماقصروا سواءا ً هِنا او على الخاص والله والله اني اليوم مشغول جدا بكرة عندي إختبار و برزنتيشن الجامعة .. وبإذن الله بكرة أرد على جميع الشباب اللي كلموني ف الخاص و أنا مروق سبحانك الله وبحمدك استغفرك وأتوب إليك |
الساعة الآن 11:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين