|
فكرة مشروع إعلامي يوتيوبي
*.. السلام عليكم ورحمة الله وبركاته
كيفكم ؟! متأكد كلنا مافيه مشروع الا فكرنا فيه و سوينا دراسات و نوصل ل الخطوة الاخير قبل التنفيذ ونلغي هالفكرة و نكنسلها أحد الاسباب التكلفة المادية او المُحطمين اسباب كثيرة .. انا كان عندي فكرة من زمان من اكثر من سنة و نص ومالقيت أحد يدخل معي .. وكل ماقلت الفكرة ل أحد قال المنافسة صعبة .. واش عندك جديد ب تقدمه .. و الشغلة محتاجه شخص فاضي .. ودراستك أهم .. ومن هالكلام اللي مايخفى عليكم * يفضل تقرأ وانت معك كاسة شاهي نعناع عشان تروق هههه فكرتي صراحه مُتجزأه الى جزئين .. اول حاجه اعمل مؤسسة إنتاج صغيرة .. و تقريبا نقول مُختصه ب الانتاج اليوتيوبي ك بداية وبعدين نقدر نتوسع اذا فهمنا السوق كويس .. الجزء الثاني اكنسل فكرة المؤسسة مؤقتا .. و ابدأ ب برنامج يوتيوبي هادف .. في أحد المجالات .. و أحاول أكون التوب (الافضل) .. المتابع ل اليوتيوب .. يعرف انه مافية ف الساحه إلا 3 مؤسسات .. 1) تلفاز 11 2) يوتيرن 3) صاحي و سياسية كل قناة واضحه .. و تلفاز 11 تعتبر هي الافضل من وجهة نظري .. لانها بظل و جود المنافس القوي .. صاحي صاحبها خالد الفراج اللي الكل يعرف انه اخو وليد الفراج .. و وليد الفراج الداعم ل القناة ماديا .. ب الاضافة ل الاعلانات من الشركات موبايلي الخ و لو تلاحظوا صاحي تحاول تشوف اي برنامج جديد و تحاول تضمه ل قناتها .. و تستفيد انها تكبر القناة مع البرنامج الجديد .. و كمان يوتيرن اتبعت نفس السياسة .. نجي الحين ل العوامل ل نجاح اي برنامج يوتيوبي 1- الفكرة 2- الإنتاج الفكرة : الحين يجي شخص يقول طيب مافي فكرة إلا و نفذوها و بلا بلا اقول لك غلطان .. كثير افكار للحين محد نفذها .. وانا شايف الساحة مفتوحة للجميع الإنتاج : نقدر نقول هذا أهم حاجة ف كل شي .. كثير نلقى برامج يوتيوب تبدأ و تفشل على طول مع انه الفكرة حلوة .. و السبب ؟! الإنتاج الضعيف .. الصوت مو تمام .. الدقة لك عليها .. الاضاءة لك عليها .. مافية تأثيرات تدعم الفكرة و تشجع المتابع يرجع يتابع الحلقات الجديدة .. و كثير ناس عندهم فكرة برنامج يوتيوبي لكن يحيرهـ الانتاج و العملية تصبح معقدة كثير .. * ارجع اتكلم عن تلفاز 11 كيف بدأت ؟ مجموعة شباب كل واحد مُبدع ف مجالة اتجمعوا مع بعض و بداؤو مع بعض ف برنامج لا يكثر .. حلقة و رى حلقة اشتهروا و طار سوقهم .. بدؤوا برنامج ثاني .. جاهم راعي وداعم .. طبعا اللي كثير مايعرفه .. الراعي مثلا موبايلي .. تدعمك بما يقل ع مليون ريال .. بشرط ان تنزل شعارهم ف بداية مقاطعك بس هم من هِنا اتطورا و اسسو موقع ل الشركة و مكاتب و حركات .. وجابوا منتجين زيادة و ممثلين وم صورين جديد ..واهم الدنيا فتحت لهم .. و الله يزيدهم * مين أنا ؟! انا انسان عندي خبرة ف المونتاج .. وأحد اهدافي ف ال 5 سنوات الجاية أكون شركة إنتاج لها اسمها ف هالبلد .. و انا مؤمن انه مافية فكرة تنجح الا ب المشاركة و خاصه هالنوع من المشاريع .. وحاب ابدأ مع مجموعة من الاشخاص يكون لهم اهتمام ف مثل هالمواضيع .. سواءا انتاج تصوير اضاءة فوتوشوب ..كلنا مع بعض نقدر نصنع النجاح ل انفسنا .. و نصنع اسمنا اخيرا ً .. كل هذا فضفضة .. اتمنى تشاركوني فيها .. سبحانك اللهم و بحمدك استغفرك وأتوب اليك |
في برامج يوتيوبيه كثيره ومايمنع انك تجرب وتنافس وفكرة المؤسسه اجلها لحد ماتثبت نفسك اهم شي تكون متميز وان شاء الله نشوفك احد عملاقة الانتاج تقبل تحياتي
|
اقتباس:
|
بسم الله ،
اتمنى تدرس الفكرة بشكل ممتاز ، 1- لا تستشير ناس ماتعرف الإستثمار في اليوتيوب ، انا بعطيك كم فكرة وان شاء الله تستفيـد ، أولا ، المؤسسة الصغيرة ، تقدر تشوف لك عمارة للشركات مثلا انا لما اقدم اشوف على شكل شقق ولكن هي شركات ، فتاخذ لك شقة وهي يكوون مقرها المؤسسة ، مثلا مؤسسة الإبداع الرقمي : وش تقـدم- في البداية تنزل إعلان لطلب شخص متعاون مع المؤسسة بألنسبة 25% له من الأرباح فقط يعني مايتحمل الخسارة ، وتجيب لك ناس حقين اضائة وغيره، ومخرج شاب صغير ومنتج ثاني يساعدك - مؤسسو الإبداع الرقمي < : تقدم ايضاً ، إستئجار اماكن للتصوير يعني تكون في الشقة غرفة جاهزة للتصوير المقاطع والإعلانات مؤسسة الإبداع الرقمي : تقدم ايضاً ، كامرات إستئجار وعمال ومنتجين وانت ايضا يعني تعمل معهم بالمدة فقط مؤسسة الإبداع الرقمي : تقدم تصوير المنتجات والحفلات وووالخ والإعلانات والحلقات وغيره هنا تصنع لك اسم جيد ، تعمل لك إعلانات في التويتر في واحد شاب باليوتيوب رائع فقط لو تضمه في البداية وهو اصلن ينزل حلقات لكن مو مشهور مرة فضمه معك راح يكون لك ربح اكثر وضم معك حقين الكيك المعروفين فقط سو معهم لقائات < على انه مو اعلان لكم فهم بيعلنون تلقاء في حساباتهم عن قناتك ان شاء الله اني افدتك يارب ولا تدع حلمك صعب فسوف يتحقق بأذن الله |
اقتباس:
اول حاجة انا ما اقدر استأجر شقة زي ماذكرتي بالضبط .. لكن كل اللي قلتيه هذا يصير بحالة وحدة .. اعمل برنامج جديد ب فكرة جديدة و قوية .. اذا نجحت يجيك الراعي و الداعم .. ووقتها تفتح شركة صغيرة وتحط موقع تصوير ثابت ف الشقة و يكون كل الإضاءات و الكاميرات و المعدات جاهزة .. وتقدر تتوسع بكذا برنامج زي اللي حاصل ب صاحي بالضبط .. يوفرون لك مكان التصوير مع المُنتجين ويأخذون نسبة من الدعاية .. وانا يوم اتكلم عن دعاية فهي مبالغ فلكية .. و مجدية اقتصاديا ً لكن كبداية محتاج اكون فريق عمل من مصور و منتج و كاتب و مصمم فوتوشوبي .. مو مشكلة كبداية .. نلعب على المجهود .. نجمع مجهودنا ف فكرة وحدة وننفذها .. ونتعب على المونتاج و التصميم .. ونسوي شوية دعاية .. وبإذن الله الله يوفقنا وانا ماطرحت الفكرة إلا ابحث عن اشخاص جادين .. يبون يدخلون هالمجال .. ومستعدين يضحون بوقتهم ب سبيل الفكرة و النجاح وانا طرحت هالموضوع ف هالوقت على اساس ف الصيفية اذا الله اراد يكون طاقم العمل جاهز ونبدأ ب المشروع .. انا كنت اواجه مُشكلة ف الجهاز ماكان ذو كفاءة عالية ف الانتاج .. لكن جمعت ليا مبلغ وعلى الصيفية حاخذ جهاز اي ماك ان شاء الله .. وهو يعتبر الافضل ف المونتاج ..و التصميم لكن ناقصني ما اعرف ل الفوتوشوب و ما عندي كام .. وزي ماقلت نكمل بعض |
اخوي فعلا فكرة رائعة،مادري انت من اي مدينة؟
|
اقتباس:
|
لك رسالة على الخاص
|
|
ملح أنا عندك بمكه وفي فكره قويه أن شاء الله تعجبك ومستعد أكون من الفريق وجاد جدا!
الفكره موجوده من زمااااااااان وماني شايف أحد مسويها وبأذن الله راح تنجح بس ناقص أحد يساعدني... عندي أستفسار أنت تقول عندك خبره أنتاج 5 سنوات؟ ومازلت تدرس كيف؟ يعني أش بتدرس؟ |
| الساعة الآن 07:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين