مشروع رهيب نعناع المدينه التكلفه 1500 ريال فقط
 

ممكن صور لهالنعناع لو ما عليك امر ؟ وشنو مميزاته حتى يكون سعر الربطة 40 ريال ؟؟ هل هو سعر المفرد المتعارف عليه عندكم ؟؟

يستخدمه أهل المدينة كتابل لبعض أطباق الطعام وفي نكهة وتعطير الشاي ، كما يستعملون المغربي الطازج منه في طبق السلطة والتبولة وتحضير بعض أنواع السندويتشات ، ويستعملون مسحوق أوراقه كأحد التوابل في تحضير بعض أطباق الطعام الشرقية


صوره للنعناع الربطه

http://img07.arabsh.com/uploads/imag...434962f20c.jpg

سعره بالمدينه المنوره الربطه ب15

يجون ناس من القصيم والرياض يمرون عل هالمحلات وياخذون بالكميات للاهاليهم

يبعونه بالرياض الربطه ب40 لان نعناع المدينه مطلوب وصعبه الواحد يضرب مشوار من الرياض للمدينه عشان نعناع

فعشان كذا لو تبيع الربطه ب 50 بيشتري والربطه تجلس عنده ايام

ولو يجيك واحد عنده عرس بياخذ الي بسيارتك كله اهل المدينه اوقات الزواج ياخذون النعناع والورد كله للضيافه

تعديل عالحساب

نعناع المدينة او غيره كلها واحد ما تفرق بينها

انا من المدينة المنورة

وبصراحة الوالد زارع حوضين نعناع بدون كيماوي

شكل النعناع صغير مو كبير زي الي موجود بالسوق بالمدينة المنورة


وعرف ناس من المدينة يرسلون بشكل يومي لبكستاني بالدمام نعناع

طبعا هذا من مزرعة ورخيصة الباكستاني متفق معاهم الي اعرفة الباكستاني بالدمام يبيع الربطة بي 10 ريال

شكلكم راسبين بالرياضيات :d

والله هذا من انجح المشاريع اللي مرت علي
أعرف صديق لي متفق مع كشكات الشاهي المغربي كل يوم ينزل لهم والله فاتح عليه خير منها الله يبارك له

بالتوفيق للجميع

الي عنده مزرعه احلى شيء


هاذا هو البكستاني مطلع خير بالدمام و السعودين يتفرجون وربي شيء يقهر


حياكك

ههههههههههههههههههههههه

يارجال خليها على ربك ما انتبهت لها الا بالاخير


حياك يابعدي

اي والله مشروع ما شفت زيه للحين من ناحية راس المال والمكسب المضمون


حياك حبيبي

من متي الرابطه تباااع بـــ 40

كل مره أطلع المدينه أشتري الربطه بـ 15 ..طبعا البائع يشحطك فوووق يقولك بـ 30 ..25 وفي الأخير يبيع بــ 15 طبعا أكيد كسبان يمكن تطلع عليه من المزارع بـ 10 الربطه أو أقل

وبنسبه طعم نعنااع المدينه ..هــــــــــــــــــــــــــو افضل نعناع في العالم كله أفضل طعم على اطلاق

يأخي شهيتي بنعناع المدينه :d خصوصآ الحبق يسسسسسسسسسلام

بخصوصا مشروع ...أكيد فيه ربح سوا بعت على الزوار أو في المطار


بتوفيق ..

الله على حبق المدينة

قسم بالله شي

الموضوع كفكرة حلو لكن كطريقة البيع لا والله

اشتري بـ 15 وابيع بـ 40 من بيشتري منك باربعين ربطة نعناع

انا دايم اخلي نفسي مكان المشتري ..

لكن والله فكرة حلوة ..

جزاك الله خير
..

^^^

انا اشتري منك بربعين ههههه

اجيك مطفي من الدوام والوالده موصيتني بنعناع المدينه

اشتريه بربعين وادبس الوالده فيه ههههههههه

والله يالغالي مشروعك حلو وجميل ورائع

لكن صراحه اشوف المبلغ الي حطيته مبالغ فيه يعني باليوم يطلع 2000 ريال
لو قلت خلال 7 ايام معقوله او ثلاث اسابيع معقوله لكن بيوم
مادري . صراحه ما احب اتفلسف بأمور مادري عنها ولكن نقول كل شي جايز

وان شاء الله يكتب لك ولكم الخير ويرزقكم وتفرحون , وتفرحون والديكم
وبالتوفيق للجميع

ربي يوفقك

معقولة ها السؤال؟؟؟؟؟؟؟؟؟

طيب يابعدي انا قلتلك بالمدينه ب15 يبعونها بالمحلات انا اخذها وارسلها

ما قلتلك بالمدينه ب40 بالرياض سعرها 40

اكييد نعناع المدينه مرغوب جدا

وشاكر لك اخوي عابر القارات

ي بعدي ابيك تفكر فيها بس

دام النعناع يزرع بالمدينه ويبعونه ب 15


بالرياض معقوله بيبعونها باقل من 40 بحكم بعد المسافه الي بين الرياض والمدينه

ورغبة الناس بنعناع المدينه ما توقف على 40 ريال

فكر فيها وتعرف انها تستاهل 40 و 50 لان الربطه فيها 60 شكه ومرات 40 على حسب المزرعه


يعني لا تستهون بالربطه مليانه نعناع وتستاهل 40 واكثر


حياك ي بعدي

يابعدي لو مكسبك بالقليل نحسبها 500 ريال باليوم يعني لو بعت ربع البضاعه مكسبك 500


500 ضرب 30 يوم = 15000

هاذا وانا حسبتها لك بالقليل وصدقني اول ما تجربها بتحصل فيها خيرر

والله يآخوي احس 40 ريآل مبالغ فيهآإ ؟!

ترآ الطمعَ شين _ ومن المدينة وجآي ، انا اشوفُ البلحَ والتمر مكسبه آكثر ، ومرغوبُ وقليل اليُ يبيعونهِ

والله اعرف ناس يبعونه ب 40 بالرياض

وبعدين هو شيء راجع لك ما تبي تبيعه ب40 هو بالنهايه رزقك


صح البلح والتمر بعد فيه خيرر بس يبغاله راس مال كبير .. على قولهم مد رجلك على قد لحافك

حياكك

بصصراحة نعناع المــدينة أحلى نعنأع ,,

وأسعآره في المنطقة الشرقية غآلي ,,

ولعلمكم هناإ يبيعونهآإ بــألحبة ,, وكل حبة بـ 5 ريال ؟,؟ يعني مكسبه عآلي بالربطة ,,

بدأ التفكير يهوجس بي !!

موفق أخوي

ههههه لاتصير حساس انا اللي آسف شكلي ضايقتك

[align=center][/align] مشروع جميل بس لو يتم تطوير الفكرة كالاتي :

يتم الاتفاق مع مزرعة في المدينة على ان يشتري كمية شهرياً

ويتم فتح محل صغير 3 متر في 3 متر . متخصص لبيع النعناع و الحبق والشاي الاخضر و الشاي و السكر (( مسلتزمات الشاي ))

خاصة عندنا السعوديين يحبون الشاي بشكل غير طبيعيي

حياكم يالغالين

بالنسبة الى نعناع المدينة ما في مجال يزرع بمكان ثاني
ينفع اشتري البزور و ازرع في الحوش بس مكان ثاني

مشروع ناجح وراس ماله بسيط واللي يستمر فيه راح يتطور مشكور ياخوي وتر

ياجماعة الخير اللي من اهل المدينة وحاب يورد نعناع يرسلي لاني ناوي ان شاء الله بعد توفيق الله راح ادخل في هالمجال والله يكتب اللي في الخير

اخوي انا اشتري الربطة من البساطة بخمسه ريال موب باربعين
صور لنا الربطه وبضاعتك يمكن انها تختلف او قصدك انت انه الكرتون

والله ما ادري بس ما ضنتي ينزرع برا يابعدي

المدينه الرسول دعى لها بالخير مشهور فيها النعناع والعجوه و العجوه طبعا ما تنزرع الا بالمدينه المنوره

حياك

هاردسك رد عليك وانا ثاني زبون عندك من 5 ^^

العفو يابعدي وابشر بالتوريد ورديت على رسالتك بالخاص

حياك

ما شاء الله مشروع ذو دخل رهيب

مشكور على الفكرة اخوي

بس 40 ! مدري جربت تبيعها بهذا السعر ؟ او توقعات ؟

عندنا بالشرقية الربطة بعشرة 10 ريال,,, و مرة من المرات كان معي خويي حربي من اهل المدينة
قال بكم قال بعشرة ليه وما ليه المهم سأله انت من وين ومن وين من المدينة ؟ المهم الرجال فالاخير
باعها علينا براس مالها بـ 2 مدري 3 ريال .

وهو مشروع مربح
وقواكم الله