17-06-2008, 08:54 PM
|
|
|
|
تاريخ التسجيل: Sep 2007
المشاركات: 10,367
معدل تقييم المستوى: 0
|
|
أنفـــاس ..
تعبت (افكر) في حياتي مع الناس
و تعبت اعيش بـ (عقل غيري) حياتي
جلاّس بــ عيوني وبــ بالبال ... جلاس
اشوفهم .. (متجمّعين)،،بــ (شتاتي)
اغيب عنهم ياس ,, وارجع لهم ..ياس
منهم .. ومن نفسي.. ومن أمنياتي
أنفااااااس/.. يا رب اختنق عبدك انفاس
لو "آه" امرّرها حديث بــ سكاتي
تعبت "اوسوس حب" و "الكره وسواس"
في بال ,,, من في بالهم ذكرياتي
تعبت اردد كل ما طحت..لا.. باس
من عينهم لـــ ابعد "سما" في صلاتي!
تعبت "اطيع الليل" وآنا "ولد ناس"
واحرم عيوني .. حلم لذة مباتي
تعبت اغنّي (الصمت) و(الجرح) و(الكــاس)
تعبت ... اعيش "احساسهم" بــ اغنياتي
"احسااااس"..؟! كلمة قاسية ما بها احساس!
ما تزهر بــ صدري ولا في شفاتي
كتبتها .. ماهو عشاني بها (حاس)
إلا .. عشان اكسر عليها عصاتي
سهلة...أكون (انسان أكثر) من الناس
صعبة ... أعيش بــ(عقل غيري) حياتي!
عبدالله الكايد ..
|
العرض الشجري
