البنك السعودي للاستثمار "هنـــا"
 

مساءكم فل
هذا موضوع لنناقش اخبار البنك وترتيبات السفر للدورة المنعقدة في الرياض
حياكم الله
.
غ موووض

sofaten
عزيزتي بالموضوع السابق ذكرتي انك اختبرتي قبل فترة
مع 20 بنت في فندق المنزل هل لك اتصال فيهم الان وتقدري
تعرفي لنا اذا كانوا اتصلوا فيهم بمعنى هل تم الاتصال
فيهم مؤخرا من قبل الاستاذ سمير
بإنتظار ردك..

اول شي ..

شكرا على الموضوع الحلو ..غموض ..:rolleyes:
اليوم اتصلت على نفس الرقم وسألت لأنو لما قالولي على التدريب في الرياض ..
ماقالوا فين التعيين ..فقلت أسأل ..قال : التعيين حيكون من المدير العام للي حيوقع ويقرر
والاسبوع الجاي .. نقولكم .. عن التفاصيل وفين التعيين
قلت انتوا المره الأخيره اللي اتصلتوا فيه قلتوا انتي من مكه .. وانا قلت لا انا من جده ,,
قال ايوه بس تحديث بيانات .. ونتاكد .... الاسبوع الجاي نكلمكم .. انا مافهمت ايش تحديث بيانات .... :eek: :eek:
..:court: <<<< مو عارفه شايله هم فين حيكون التعيين ( مكه .. جده )

الفكره انو قالوا فيه عدد كبير من البنات ..
وانا لما رحت المقابله الشخصيه في الرياض كل اللي شفتهم اربع بنات وانتي ياغموض الخامسه ...

وكمان ما روحت بدري أتاخرت ,, وماجا غيرنا يومها ... شكلوا العدد قليل جدا ..
توقع شخصي..

اما عاد لو طلع في الرياض :court:
ورطة من جد..
الله يستر

ياعزيزتي ما كان فيه الا عدد جدا قليل من المتقدمات عشان
كذا انا الشك يساورني ..
شكل البنات اللي اختبروا كلهم انقبلوا
والله يوفقك الجميع بس شي غريب الكل ينقبل
مافي احد سأل هالسؤال ؟
انتي عارفة كيف التوظيف في البنوك الثانية جدا صعب
ان غدا لناظره لقريب

شي طيب ومفرح ..
وان شاء الله تكون من نصيبنا ..
يعطيك العافية عزيزتي

:confused: :confused: انا سألت نفسي والله ... بس مالقيت إجابه ...

انا دخلت الموضوع ومافهمت ؟؟؟

يعني الراتب مع البدلات ..؟؟؟ 5500

او بدون البدلات ؟؟؟؟

وبدل السكن ... ثلاثه رواتب ..؟؟؟ في السنه ؟؟؟؟

لوفهمتوا إشرحولي ؟؟؟

شكرا .. h1h2 .... الله يعطيكي العافيه

ايش وضع اللبس ..؟؟؟

اختي مو مشكله اللبس البسي بدله رسمي
واكيد البنك راح يحدد مو معقوله الموظفات تكون كل وحده لون

سارونة لاتشيلي هم اللبس اكيد حيبين معانا..

ودي اعرف اذا فترة التدريب فيها مكافأة او لأ؟
اذا احد يعرف ياريت يقولنا

اهلين بنات كيفكم
غموض تسلمي على الموضوع فكرة حلوة انو يكون لنا تجمع خاص عاد انا النت عندي عطلان وقلت داحين اجلس ادور على الموضوع

اختي غموض ما اعرف البنات اللي اختبرو معاي بس اللي اعرفه انو اخذو 8 من اللي اختبرو في جدة

اما بخصوص التعين قالي الاخ سمير لا تعيينك حيكون في جدة وحيكون التعيين قبل الدورة اما يطلع في الرياض ولا مكة والله مشكلة وحوسة

يا رب تتسهل علينا ان شاء الله

هلا سوفاتن ..
نورتي عزيزتي
يعني تتوقعي انهم يعينونا قبل الدورة ويحددوا لنا وين حنكون ؟
ان شاء الله يبين معانا قبل روحة الرياض لأنه لو طلع مو في جدة
حيكون صعب خصوصا للمتزوجات وعندهم اطفال ..
الله يسهل ويردوا علينا قريب عشان نبدأ نجهز أمورنـا ..

سوفاتن
كيف جهزتي للسفر وعندك اطفال او لأ وايش حتسوي معاهم؟

اهلين غموض
الاخ سمير قال انه قبل طلعت الرياض حنعرف كل شي قبل الدورة وفين تعييننا بالضبط

والصراحة لسه ما جهزت شي للسفر بس حجزت مبدائي على الجمعة احتياط لا تروح علينا الحجوزات خصوصا في الاجازة داحين

الحمد لله عندي اثنين حاخذهم معايا وانتي عندك اطفال

انا عندي بيبي واحد عمره سنة و3 اشهر وشايلة هم لأني ما حقدر أخذ شغالتي
واخاف اسيبه لوحده في الرياض..

بس اذا تقدري تخليه عند اهلك مع الشغالة يكون احسن

اطفالي تقريبا 4 و6 سنين كبار يجلسو مع ابوهم لما نروح هناك

ماشااء الله

موفقين يابنات

معليش ممكن اعرف تخصصاتكم ..


الله يوفقكم يارب

انا محاسبه ...

بالتوفيق

وبنات نصيحه مني حتى لو بالرياض اقبلو
سنه بس واطلبي نقل لجده
بعض الفرص ماتتكرر مرتين

موفقين يارب

مشكورين والله يوفقكم

بس مافيه بالدمام زي كذا بالضبط ؟؟؟ :(

مساء الخير

يابنات انا عندي مقابلة يوم الأثنين يعني ورا بكره في البنك السعودي للأستثمار وماعرفه وشلون راح تصير هالمقابله اول مره اروح مقابله

ياريت الي عندها معلومات عن طبيعة المقابلات الي في البنك وش يسئلون تكون بالعربي ولا بالانجليزي


كلموني امس وقالو تعالي مع العلم انا عندي دبلوم برمجة حاسب الآلي

واي معلومات عندكم لا تقصرون معي انا من الشرقيه وقالو لي التعين راح يكون في الخبر



يعطيكم العافيه:)

ملاذ الروح .. فين قالولك المقابله .. في الرياض ؟؟
المقابله كانت بالعربي مافيه انجليزي ..

ملاذ الروح... ادخلي دا الرابط .. راح تستفيد انشا الله .. وبالتوفيق ..

https://www.btalah.com/t51130.html

saronh20


تسلمي خيتوو اي قالو لي المقابله في الرياض

اشوا مافي انجليزي انا شويه ميح في اللغه

وياليت اذا عنكم خبر مين الي يسوي معي المقابله رجال ولا أمراة


يعطيك العافيه

بنات كيفكم
مافي شي جديد؟

انا زعلانه لاني مابقدر اروح على المقابله بكره ما حصلت حجز..!!

الله يوفقكم يابنات

طب ملاذ الروح ممكن تكلميهم يأجلو المقابلة وغيري حجزك
الله يسهلها على الجميع آآآآآآآمين

ملاذ الروح ..

انا اعطوني موعد ومالقيت حجز .. واتصلت عليهم ... نفس يوم المقابله وأجلت لليوم اللي بعدو ...مو مشكله ..

مالي نصيب انا قدمت وكنت حاطة رقم اخوي واتصلو على اخوي قالو له لازم تجي للرياض وقالهم ابشرو تصريفه :((( وانا ماعندي علم لاني بجده وكنت مشغوله مالي نصيب

يابنات اليوم كلمت سمير وقالي حيتصل فينا بنهاية الاسبوع او احنا نكلمه
يوم السبت ..

انا مقابلتي اليوم ومارحت وما تصلت ليهم واجلت

يصير اتصل ليهم الحين واقول ليهم يحددولي يوم ثاني

ماعندي فكـرة بالضبط متى ممكن يردوا علينا كل اللي قاله انه يانهاية الاسبوع دا
او احنا نتصل فيهم يوم السبت..
الشغلة طولت لازم يحددوا بسرعة ورانا تجهيز للسفر..
الله يسهل

هلابك ملاذ الروح
ضروري تتصلي فيهم وتعتذري عن عدم حضورك اليوم وتحاولي تحددي
معاهم موعد على الاقل عشان يتأكدوا انك جادة ..
طمنينا عليك

انتي مع مين رايحة الرياض؟

انا باروح مع البابا

وكل ماكلمتهم ما يردوون شكلها ماهي مكتوبه لي

معقولة الى الان مافي اي اخبار اليوم الربوع مستحيل تجهيزاتنا تصير بين يوم وليلة ..
يابنات اللي عندها اخبار تقولنا ..