تجمع مابعد المقابلة استفسارات عن التوجيه وتاريخ المباشرة للمدارس نرجووو التثبيت
 

السلام عليكم ورحمة الله وبركاته

اخباركم ؟؟

كان لنا تجمع بانتظار المقابله والحمد لله الجميع خلص منها واجتازها

والبعض سلم الكشوف وخلص اموره


هنا تجمعنا ان شاء الله للخطوات القادمه من توجيه ومباشره والخ


واللي عنده اي خبر لايبخل علينا

موفقين يارب

السلام عليكم ورحمة الله وبركاته

شباب احد يعرف متى الأسماء تطلع يعني الإسم والمدرسه الموجه لها

ولكم جزيل الشكر

تدخل على الرابط هذا http://riyadhedu.gov.sa/

وتسوي تسجيل دخول من فوق
اسم المستخدم : رقم السجل المدني
كلمة السر: رقم جوالك

وبعدين تختار من اليمين الخدمات الالكترونية وتختار (ادخال رغبات التوظيف)
وتبدأ ترتب

ملاحظة في ترتيب الشرائح :
اول صفحة من الشرائح خاصة بالاحياء داخل الرياض فقط بعد ما ترتبها تضغط التالي
وبعدها تختار محافظة اخرى لترتيب شرائحها وهذا يكون اختياري مو شرط ترتبها
وبعد ما تنتهي تختار احفظ مع تثبيت الرغبات

الله يجزاك خير اخوي على الشرح الوافي ما قصرت في ميزان اعمالك

ان شاءالله من نهاية رمضان لين 10 العيد ... هالفتره يبين كل شي

(عاجل) تنشر الأسماء : التربية تصدر قرارات تعيين (6484) معلماًوالمباشرة يوم الثامن عشر من شوال

أعلن وكيل وزارة التربية والتعليم للشؤون المدرسية الدكتور سعد ال فهيد صدور قرارات تعيين (6305) معلماً ممن تم ترشيحهم مؤخراً من وزارة الخدمة المدنية عبر نظام جدارة وأنهوا إجراءات المقابلات الشخصية، وكذلك توجيه معلمي الحصر من خريجي كليات المعلمين في عام 1426/1427هـ والبالغ عددهم (179) معلماً.

وأوضح الدكتور ال فهيد بأن تعيينهم سيكون على الدرجة الأولى من المستوى الخامس لحملة الدبلوم التربوي والرابع لغير التربوي، مضيفاً أن الكشف الطبي أحد المتطلبات الرئيسة لاستكمال التعيين ويتم تسليمه لإدارات التربية والتعليم التي تم إجراء المقابلات الشخصية من خلالها، مبيناً أنه سيتم توجيههم لمدارسهم من قبل إدارات التربية والتعليم إلكترونياً، وستكون مباشرتهم في المدارس يوم الأحد 18/10/1434هـ.

وأكد الدكتور ال فهيد في تصريحه بأن التوجيه إلى المدارس يتم وفق آلية تعتمد نقاط المفاضلة وفق الرغبات التي وضعها المعلمون في نظام التكامل أثناء المقابلات الشخصية، مؤكداً أن عدم مباشرة المعلمين خلال (15) يوماً من تاريخ المباشرة تستلزم إلغاء التعيين والطلب إلى وزارة الخدمة المدنية لترشيح البدلاء عنهم.

ونقل الدكتور سعد ال فهيد تهنئة سمو الوزير ومعالي النواب ووكلاء الوزارة للمعلمين المشمولين بالتعيين متمنين لهم التوفيق في مهامهم التي يضطلعون بها في مدارس التعليم العام.

للاطلاع على أسماء معلمي الحصر / كليات المعلمين

http://www2.moe.gov.sa/mediagallery/file_1.xlsx


للاطلاع على أسماء المعلمين / جدارة

http://www2.moe.gov.sa/mediagallery/file_2.xls

تم التثبيت ..

يعطيك العافيه مليت ع التثبيت

وان شاء الله الجميع يستفيد

الحمد لله طلع إسمي ..

متى بنعرف في إي مدينه أو مدرسة بنتوجه ؟

تابع موقع ادارتك بإستمرار لان بعض الادارات تفتح بوابة لادخال القطاعات
عشان بعدها يتم التوزيع ع المدارس

والجوال كذلك يمكن توصلك رساله تذكير

أخي انا رتبت القطاعات في موقع تكامل ، أرجع ارتب ثاني من موقع الاداره ؟؟

ادارة القويعية قالت لنا بعد العيد تسليم الكشوف

مع تاريخ المباشرة

انا امس سملت الكشف لادراه التعليم في ينبع

و اليوم ظهرت في موقع تكامل : لائق طبيا ً

ياإخوان
الي بيسوي الفحص الطبي في الرياض
وين يسويه فيه
أرجوا الرد عاجلا

مستشفى الملك سعود للأمراض الصدريه

اللحين وش موقع ادارة تبوك ؟؟؟

يالله لك الحمد كما ينبغي لجلال وجهك وعظيم سلطانك !

لم أتوقع يومأ ان يكتب رزقي في هذا المكان ! ولكن الله يرزق الإنسان من حيث لايحتسب !

تم الترشيح نهائي ، وأسأل الله ان يوفق الجميع !

السلام عليكم
على البركة ياشباب التعيين النهائي ونحمد الله عز وجل أن منّ علينا

سؤالي الآن ماهي الإجراءات المتبعة بعد التعيين؟

ترا ماسبق لي التجربة ولكن سمعت ان فيه شي اسمه رقم وظيفي أو شي زي كذا !

كيف طريقته ومن هو مصدره
ومتى ياخذون ارقام الحسابات

ياليت ياشباب اللي عنده خلفية يفيدنا

الرقم الوظيفي بالنسبة للمعلم تقريبا غير مهم

الرقم الوظيفي راح يكون مسجل بخطاب المباشرة بإذن الله
وبالنسبة لرقم الحساب وقت ماتسلمهم الكشف والاوراق المطلوبه راح يطلبون منكم الايبان الخاص فيك
وهو تروح للبنك لو هالايام وتاخذ منهم هالورقة وتخليها عندك
واستخراجها مايخذ دقايق

بالتوفيق

انا سلمت الكشف ، وأعطوني ورق كثير أعبيه و أوقع عليه

الي هي مسوغات التعيين أعتقد

وماطلبوا رقم الايبان

مافيه اخبار عن التوجيه ياشباب

متأكد اخوي؟
كأن سمعت انه شي مهم
مدري بصراحه ابي اتأكد





الله يعطيك العافية ع الإجابة
بس انا سلمت الكشف عن طريق البريد الممتاز بعد ماخلصت المقابلة ورجعت لديرتي ولاأعطوني ورقة ولاكلموني بخصوص رقم الحساب

هل تتوقعون التوجيه خلال اليومين القادمين ولا بعد العيد

لاني اشوف بعض الادارات سلمت لهم الكشوف وخلصوا كل حاجه


اللي عنده اي معلومة يفيدنا

اتوقع خلال اليومين هذي
عشان يتفرغو بعد العيد للبنات

انا سلمت الكشف من اسبوع تقريبا .. وفيه ادارات طالبين الكشف بعد ما يرسلون رسائل للتوجيه

والى الان ما سلموا كشوفاتهم

عشان كذا اتوقع التوجيه مو معتمد على الكشف

وما عاد قدامهم الا 3 ايام للاجازة

شكلها بعد العيد

:eek:

الحين ليش ماينزلون صورة القرار بتكامل

بارك الله فيكم اخواني

الركاده طيبه في بعض الاحيان

الله يئسر لنا جميعا ويوفقنا على اداء هذه العمل على اكمل وجه

كل شي مقدر ومكتوب قبل ان نخلق فسبحان الله

اللهم لا تجعل الدنيا اكبر همنا ولا مبلغ علمنا وأجعل الاخره دارنا
امـــــــــــيـــــــــــــن

ان شاءالله يستفيد الجميع وياك خيوووو

اتمنى والله تكون قبل العيد عشان نعرف اللي علينا

:m

السلام عليكم ورحمة الله وبركاتة

اخواني ولله الحمد تم الانتهاء من الكشف الطبي لم يتبقى الا تسليم الكشوف بعد العيد مع تاريخ المباشرة

بس عندي سوال

متى نعرف مكان التوجية او المدرسه اللي توجهنا لها ؟

بالنسبة لإدارة الجوف .. فالتوجيه سيكون في الأيام القادمة ..

هذا ما ذكره أحد المشرفين في الإدارة.

اي ايام قادمة ان ماجاء بكرة انتظروه بعد تاريخ 10/6

بإذن الله راح ياخذونه منكم بعدين لاتحتاي

الاكيد انهم بياخذونها منكم بس احتمال وقت العوده بعد العيد بإذن الله او وقت المباشرة