غيــــــــــــــــر تربــــــــــــويه وتعينتـــــــــــي معلمه بشرينــــــــا
السلام عليكم ورحمة الله وبركاته كل عام وانتم بخير
مبرروك للي تعينو ربي يعطيكم خيرها ويكفيكم شرها بشروونا يا اخوات فيه غير تربوي وخاصة تاريخ وتيعنت معلمه في هذه المفاضله انا غير تربوي وبختبر قياس خريجه لي 15 سنه واخاف ما يتم ترشيحي واجلس استنى ثاني بالمكرمه قدمت وحطيت الــ 45 رغبه لأنو قالو الي رغابتها كثيره فرصتها بالتوظيف اكبر ومع ذالك ما ترشحت حتى اداري مدري وش العله الله اعلم !!! ايش رايكم بنات تعبنا من الانتظار وراح العمر والحاجه للوظيفه كل سنه تزيد دعوواتكم ربي يرزقني بوظيفه تسترني ويرزق كل محتاجه :u |
الاولويه للتربوي ومن قسمكم خريجات وتكدس غير طبيعي خذي تربوي افضلك
|
انا اعرف وحده غير تربوي وترشحت بس هي حاسب مو تاريخ مووووفقه
|
اقتباس:
:b وين ادرس الدبلوم فيه سجلت بجامعة الامام بالرياض ولا قبلوني وكثير ما تم قبلوهن والله محتاره |
اقتباس:
كويس معناته في آمل ان شاءالله طيب اكيد فيه خريجات حاسب تربويات كيف قدموو الغير تربوي عليهم ؟؟ :confused: يارب احد ترشح تاريخ غير تربوي ياليت احد يبشرنا |
ادرسي في الجامعة العربيه ولاتقارنين تخصص الحاسب بتخصصكم معاكم منافس اللي هو الجغرافيا وخريجاته بالهبل اعرف بنات الى الان ماتعينوا وهم تربويات وتخصص تاريخ وجغرافيا فافضلك خذي تربوي
|
اقتباس:
وين فيه الجامعه ذي وكم رسومها ؟؟ ويقبلون بالنسب لأني قدمت على جامعة الامام العام الماضي ولا قبلوني ولا أي احد يقبلونه عادي ؟؟؟ والله احسها صعبه عقب هالسنوات ادرس يارب احد يبشرنا انو اتووظف |
ما قدموا الغير تربويات يا حلوه ..
لكن مثلا منطقه جازان .. احتياجها بالحاسب 40 .. وتقدمت عليها 20 تربويه و20 غير تربويه ياخذون التربويات اولا واذا بقى شاغر وفي غير تربويات ومتقدمات لنفس الرغبه ياخذونهم لكن وش لك بوجع الراس ؟ التربوي من الحاسب قليلين عكس التاريخ كثيييييييير تربوي والاعداد هااائله خذي التربوي وارتاحي يكفي اللي ضاع من عمرك .. اختي 9 سنوات جالسه وهي كيمياء ما تعينت ولما اخذت التربوي على طول تعينت .. نصييخه خذيه ولا تجلسين كل سنه تقدمين على امل وفيه غيرك الالاف باول القائمه |
اقتباس:
انا معاك بس المشكله نقاطي مراح تزيد لما اخذ التربوي يعني نقاطي هي هي اللهم انو لي الأولويه فقط طيب وين الجامعه الي تقبل على طول بدون شروط لدراسة الدبلوم كلهم شروط حتى جامعة الامام قدمت فيها وصارو ياخذون عالنسب العاليه سبق وقدمت بالرياض ولا قبلت بالدلوم بعدها نسيت الموضوع اذا احد يفيدني لعل وعسى |
يارب فرجك
|
يارب التوفيق
|
لازم تاخذي تربوي
الاقدمية ماراح تنفعك ألا عشر سنين بس غير كذا ماتنحسب بالنقاط والمعدل حقك لو عالي أو منخفض يفرق غير ان التخصص مظلومات فيه ربي ينصفكن |
اقتباس:
حسبي الله عليهم فعلا ظلمونا ودمجوو التاريخ والجغرافيا وضعنا |
الجامعة العربية فيها دبلوم تربوي وبرسوم بحدود 10 او 14 الف
بالتوفيق يارب |
اقتباس:
يالحبيبه وين موقعها ومتى التسجيل وهل يقبلون نسب معينه ؟؟؟؟؟؟؟؟؟؟؟؟ |
وعد المشاعر نسيت اقولك ليش الاقدميه ما تنفعني مو يقلون الاولويه للخريجه القديمه كيف يقدمون خريجه جديده تربويه على خريجه قديمه غير تربويه والله حرام وظلم حسبي الله ونعم الوكيل ظلم
ربي قادر ينصرنا عليهم ويرشحونا |
اختي الجامعه العربيه تدرسين بفلوسك مايهمهم المعدل
مثل الجامعات الحكوميه اذا ماكنت غلطانه تسجيله يبدا بعد الدوامات بكم اسبوع واذا حابه العلم اليقين تابعي موقعهم لهم منتدى خاص ويعلنون فيه وقت التسجيل واعرف انه لهم فرع بالرياض لكن للاسف انا من الشرقيه فمادل فرعهم وان شاء الله احد يفيدك ولاتقولين صعبه ادرس انا درسته وشفت ناس كبار وعندهم طموح وجالسين يدرسونه وترى كلها 12 ماده تقدرين تخلصينها بسنه بس انا تدلعت وخذتها سنه ونص وربي يرزقني ويرزقك وظيفه الحكومه من سابع سماء |
اقتباس:
الله يجزاك خير ياليت تعطينا نبذه عن دراستك ايش كانت من مواد ؟؟ وبكم الاسعار |
ثنتين من خواتي خذوا الدبلوم من الجامعة العربية
كانت طريقتهم في التسجيل يقبلون أي تخصص وأي معدل حتى مقبول المهم تسجلين بدري من اول يوم وبعدها يكتفون هذه السنة حسب ما ذكروا الموظفين للبنات اللي استفسروا عن التسجيل أن طريقتهم بتتغير بيحطون شروط وبتكون مفاضلة بين المتقدمات لان أعداد المتقدمات كبيرة ما أتمنى يطبقون هالكلام لأني كنت أبي أسجل وحسب كلامهم أن من الشروط الأولوية للمعلمات التسجيل حسب كلامهم ٢٠ ميلادي لكن باقي مانزل موعد التسجيل بالموقع تابعيه حتى لا يفوتك الرسوم تقريبا ١٤ ألف ممكن تزيد لان أسعارهم مو ثابته كل وحدة من خواتي خذت الدبلوم برسوم تختلف لأنهم مو بنفس السنة بالتوفيق عزيزتي، |
اقتباس:
يوووووووووووووه فيه شرووط بعد ؟؟؟ و14 الف كثيره من وين اجيبها حسبي الله ونعم الوكيل غربلتنا هالوزاره والقياس شكلي بختبره وببلط بحر واجلس :c |
نزل اعلان التسجيل للدبلوم التربوي بالجامعة المفتوحة
ماذكروا شروط لكن مدري هل بينزلون بوقت لاحق او نفس طريقتهم القديمة التسجيل السبت 8/11/1434 |
متأكدة السبت ؟؟؟؟؟اتوقع اجازة الاسبوع
|
اقتباس:
متأكدة دوام الجامعة المفتوحة قبل التغيير كان من السبت الى الخميس والآن نفس الشيء ما تغير .. اجازتهم فقط الجمعة تقدرين تتأكدين من الموقع |
صح كلامك تاكدت
مشكورة حبيبتي |
اقتباس:
طيب وين موقعهم ؟؟ عشان نشوف التسجيل شاكره لك |
اقتباس:
بالتوفيق اختي. |
اقتباس:
الله يجزاك خير ما تعرفين الرسوم كم بالضبط ؟؟ متأكده ان الجامعه هذي معترف فيها بجداره ؟؟ |
اكيد معترف فيها وكثيرين اخذوا الدبلوم عندهم وبالاخص المعلمات القديمات لان فيها تغيير لمستواهم وعشان كذا يدرسوه
|
صاحبة الموضوع انتي احسبيها بنفسك
اذا شفتي ان نقاط قسمك نزلت ونقاطك بتزيد فادفعي الغالي والنفيس لتوفير المبلغ انا اذا النقاط مرتفعة جدا ونقاطك ماتزيد فانصحك ان تبداي توفري لنفسك مبلغ الدبلوم على راحتك لحد ماتنزل النقاط في السنوات الجاية ويارب يرزقنا بمكرمة جديدة ولا يبقى ولا قديمة على وجه المملكة عاطلة |
اقتباس:
الله يجزاك كل خير اختي وربي ما قصرتي اشكرركك بس كيف نقاطي تنزل وترتفع ما فهمتك النقاط اساسا ثابته طول السنوات لكل متقدمه يحسبون لعشر سنوات فقط ؟؟ انتي درستي دبلوم اختي ؟؟ بالجامعه والمكرمه جات بس الي ما يخافون الله حطوو فيها شرووط وعقدوها وشغلوو واسطاتهم حسبنا الله ونعم الوكيل والله احسها صعبه انتضار ثاني راح العمر واحنا ننتظر هالوظيفه يارب عوضنا خير |
الدبلوم معتمد اختي درسته كانت معلمة على المستوى الرابع ورفعوها للمستوى الخامس ..
الرسوم بالضبط ما ادري لكن العام الماضي تقريبا 14 الف والجامعة ترفع اسعارها بين فترة والثانية بالتوفيق . |
اقتباس:
ما شاءالله تبارك الله |
معقوووله محد توظف تاريخ غير تربوي ؟!!!
وينكم بشروونا |
نقاطك ماراح تزيد
لكن لو نقاطك 80 وفيه تربويه نقاطها ستين ماراح يعبرونك وكل سنة نفس المأساة اذا اخذتي التربوي بتمشين بالسرى صح بدون أم 60 ماتتفضل عليك |
اقتباس:
والله لا نقاطهم تنفع ولا شي والله لو لي رزقه بيقدموني على مليون تربويه ربي يحلها من عنده مو من عندهم |
الغير تربويات اللي تعينوا بالدفعة الاولى
خريجتين دراسات نقاطهم 89 و88 خريجات تخصص حاسب خريجات تخصص ادارة تقدرين تفتحين ملف الاكسل وتقرأين وين تعينوا ونقاطهم بالتوفيق. |
ياليت احد يبشرنا وترشح تاريخ غير تربوي
|
نصيحة كملي تربوي
حتى لو وزارة الخدعة المدنية قالت التقديم لغير التربويات صدقيني وقت المفاضلة خريجة التربوي هيا الي تترشح زميلتي جلست تقريبا 7 سنين والعام قررت تاخذ تربوي وشوفيها مخلصة قبل 3 شهور التربوي وجاها تعيين يعني احسن قرار اتخذتو وقت مافكرت تكمل تربوي |
الغير تربويات المرشحات بالدفعة الثانية
مواهب مدفونة فيه بينهم تاريخ بالتوفيق :w http://www7.0zz0.com/2013/08/29/18/196503194.png |
اقتباس:
انا والله فكرت ادرسه بس 14 الف من وين لي ما اقدر عليها ولا صراحة ودي مع انو بعد هالعمر بدرسه احسها صعبه بس الحمد الله نتفائل شوي ونصبر بلكي يجينا رزق ما تدرين عالعموم تراهم وظفو 200 معلمه غير تربويات يعني بشارة خيير |
الساعة الآن 02:20 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين