استفسار عن بنك الخليج الدولي
 

السلام عليكم ورحمة الله وبركاته

جاني اليوم اتصال من لبنان يقولي انه عندي مقابلة في شاطئ الغروب في الخبر مع بنك الخليج الدولي

وأنا موظف لكن وظيفتي طق وامش

المشكله اني حاجز للسفر يوم الأحد وجاني الإتصال فجأة يقولي المقابلة الإثنين

فأبي اعرف هل هذا البنك يعطي رواتب كويسة ومميزاته كويسة ولا لا

حرام الغي سفرتي وآخرتها رواتب زباله ومواصفات زباله

وأنا ولبي على هذي الإجازة 5 أيام:cry: ومتحير اليوم والله

تكفوون يالربع ابي احد يعرف اي شي عن هالبنك

عفست النت كله مني شايف شي

ينقل للقسم المناسب

يجي من يفيدك

اللي اعرفه انه احسن من البنوك السعودية
في الرواتب و العمل
لكن التفاصيل ما اعرفها
انت سو المقابلة و الاجازة لاحق عليها يا اخوي
اهم شيء رزقك بهالزمن الصعب

على حسب اللي سمعت عنه ان رواتبه حلوه وقبل عشر شهور تقريبا في وحده اعرفها
دق عليها البنك هذا وسألته عن الرواتب قال الدبلوم ياخذ 7 والبكالوريوس 9

فهل هوو صادق او لا ما اعرف
جرب واسعى لو هو صعب عليك اللي فيه لك رزق وخير بتاخذه

انا مثلك محتاج لأفادة
اتصلوا علي وبلغوني بموعد مقابلتي معهم يوم الاثنين الساعه وحده ونص ظهراً

ان شاء الله يكونوا افضل من البنوك السعودية في التعامل والاحترام والصدق......الخ

الله يكتب اللي فيه خير

انا اخوي امس بالليل دقوا عليه الساعه 11 ونص بالليل

وقالوا له عندك مقابله يوم الاثني .. بالكويت ..

ويوم قالهم انه سعودي .. قالوا له رح فرع الخبر ـ العزيزيه

اللي يعرف وين فرعهم بالخبر ـ العزيزيه اتمنى يفيدني للاهميه ..

لان بكره بتكون مقابلته ..

استعين بخرائط غوغل تراها ممتازه

وان شاء الله يجي من يساعدك

اعتقد بنفس مكان مقابلتنا
وهو منتجع شاطئ الغروب في العزيزية
احرصي عليه بأن يكون متواجد الساعه وحده وربع بالكثير
لان انا بلغوني بأن اكون متواجد الساعه وحده ونصف

0096170563525 هذا الرقم اخوانى ارجوووكممم ساعدونى دقو على وانا نايم وش التفاصيل الاثنين القادم السااعه كم

اخوي المقابلات بكره الساعه وحده ونص الظهر
في منتجع شاطئ الغروب بالعزيزية بالخبر

احضر معك فقط السيرة الذاتية

سلام عليكم
انا بعد اتصلو علي
وقالو لي مقابلتي يوم الثلاثاء الساعه 11 ونص

بالعكس ترى بنك جديد راح يفتح بالسعوديه
وعندهم فروع بالبحرين والكويت
و واحد من قرايبنا من سبع شهور خذوه للبحرين تدريب مع مكافأه وبدل سكن

ونصيحه اللي اتصلو عليه خل يتوكل ع الله ويروح وإن شاء الله سهلات
بس الله يعافيكم إلي يروح بكره يسدح لنا شنو صار معاه

لا إله الا الله سبحانك اني كنت من الظالمين

السلام عليكم ورحمة الله وبركاته

انا المفروض الان مقابلتي الساعه 3 ونص
لكني مارحت لاني تعبان حاولت اتصل على الرقم الي كلمني بس مافي رد
اذا في احد موعد مقابلته قريبه فيه يبلغهم ويغير موعد مقابلتي:(

طيب الي راحو اليوم ايش صار معهم

اسمي كذا
أكيد راح يكلمونك مره ثانيه


وياليت الي راح يفيدنا أيش صار معاه
جزاكم الله خير

الحمدالله كلموني مره ثانيه وغيرو لي وقت المقابله

اللي انقبلوا واتصلوا عليكم اي. تخصصاتكم

وكيف قدمتوا

الله يوفقكم ويرزقكم من فضله

زين حلو بالتوفيق إن شاء الله
أي يوم حددو لك

انا توني قدمت عليهم.. بس لش العزيزيه مقر البنك هناك؟؟
واذا لا وين مكانهم بالخبر بالضبط؟

بالتوفيق إن شاء الله
بالعزيزيه بس المقابله
بس المكان الرئيسي مادري وين

قوت عاطله
بكره ان شاء الله

الي سئل عن طريقة التقديم بصراحه ماعندي علم بس الاكيد انهم شافو السي في في موقع بيت

انا بعد مقابلتي بكره
بس مادري مقابله بالانجليزي ولا بالعربي
ياليت أحد يدخل يعلمنا أيش صار معاه اليوم

مشكورة قووت

ان شاء الله احد يفيدنا عن موقع البنك بالخبر

واي معلومة عن البنك رواتبهم ودوامهم

ووضع البنك اللبنات اختلاط ولا لهم قسم خاص؟؟

وقريت انه بنك ربا هل صحيح هالمعلومه؟؟؟؟

ياليت احد يفيدنا لان قليل المعلومات عن هالبنك في النت

نوف الخبر

كل البنوك ربوية حتى الراجحي

لا تصدقين احد بهالنقطة انا دارسة اقتصاد و عارفة تفاصيل الأمور

السلام عليكم
موفقين شباب وشابات
انا اتصلوا علي حددوا معي بكرا في الرياض
يا ليت احد يفيدنا وش وضعهم ومقابلتهم وهيك اشياء مشكورين مقدما

كل الي اقدر اقوله لك انها كانت تجربة لاتنسى
جدا جدا استمتعت بالمقابله
ان شاء الله يقبلوني
كون على طبيعتك ولا تحاتي شي
ماابي اقولك كيف كانت المقابله واحرق عليك المفاجئة
بس صدقني راح تنبسط

السلام عليكم ً.

سجلت جديده اعلمكم عن التجربه
ياااا انها تجربه ولا تخطر بالبال
هههههههه
بس لازم تكون انجليزيتكم قويه وتفهمون لان ثلاث ارباع الكلام انجلش واكثر من ثلاث ارباع بعد
اذا قالو لكم عصفورين واربع كلاب كم عدد رجولهم لا تسوون مثلي حسبت رجولهم ويدينهم ههههههه
بس من جد تجربه جدا ممتعه
نسيت اقول لكم
مايبون لا السيره الذاتيه ولا اي شهاده
بيقابلونكم ويحكمون واتمنى يقبلوني انا بعد
وللمعلوميه ترى العالم قاعده تقدم مو شرط يكون داقين عليكم
وبالتوفيق للجميع

يا سلام ليتهم يفتحون فرع بالطائف المدينة المهجورة ههههه
أو على الاقل في مكة
الله يوفقكم

سؤال حيل محيرني !!
ليه اغلب الي شاركو بالموضوع بعد المقابلة يختفون:court:

:c ولا بس انا الي حبيت المقابله والجروب

اخاف من كثر حماسي انحس نفسي :cry:

بنك الخليج الدولي :m:m:m

ان شاء الله يقبلوني"P

اظن ان يوم الثلاثاء الي فات كان اخر يوم

سلام عليكم ،،،
انا سوي مقابلة معاهم في جدة كباين النخيل ،،
كانت جيدة،،
يهمهم الانجليزي
تتكلم عن نفسك ،، عن عملك السابق ،، عن جامعتك زي كذا
ونا قلبتها سواليف مع اللبناني ،،

واخر شي قالوا عندي اختبار انجليزي 10 اسئله اختيارات واسئله سهله ويارب يوفق الجميع

الشي اللي محيرني ماخذوا مني لا سيره ذاتيه ولا صورة البطاقه فتوقعت انهم ماقبلوني ،،
ولمن سويت المقابله ماكتب ولاشي ف اوراقه
واللي حاب اي معلومات يامر امر هذا رقمي :

++++++++++++
ممنوع

السلام عليكم
احد عنده خبر عن الدوام والشفتات يعني من كم الي كم اللي خمنته دوامين من ثمان الى 12 وبعدين من اربع العصر الى ثمان بالليل

اظن الدوام موحد مع باقي البنوك

والله اعلم

بما ان الاجازه خلصت بشرو في احد ردو عليه او وقع معهم

بالنسبة لي لسه ماحد اتصل فيني ،،
الله يسهل الامور يااااارب ،،
ويوفق الجميع..

انا بالنسبه لي دقيت على نفس الرقم الثابت الي دق علي اول مره بعد اسبوع من المقابله وقال يبي لهم شهر من يوم المقابله يعني بعد الاجازه باسبوعين او حوالينها

مهندس مش مش بالله ما خلوكم تقطعون سلطه ههههههههه

ههههههههههههههه،،،
والله لويبوني اطبخ لهم كبسه عشان يقبلوووني
كان شمرت عن يديني وهاتك طبببخ:wa

انا كنت متابع الموضوع من قبل المقابله بس ماكنت مسجل

وبعد المقابله كنت متابع اترقب


بصراحه كانت ابداع المقابله ههههههههههه استانست كثير بالنسبه لي

والسلطه << اهم حاجه

يارب يوفقكم جميعا

وراح اكون متابع ولا تنسونا من الجديد اي احد يصير معه شي جديد لا يبخل علينا

:rolleyes:

احنا ما عجبتهم سلطتنا يقولون لو ناكلها يجينا تسمم من عذرنا معطينا ملعقه بلاستيك السفري ويقولون هاذي سكينه قطعو فيها
ههههههه انا قعدت انتف الخس تقل اقطع اوراق الورده
والله يرزقنا واي مستجدات ابطحوها هنا وانا اي حاجه جديده تحصل سوف اجي فريره ابطح الحدث