السلام عليكم مساكم الله بالخير ، ياجماعة الخير انا عضو جديد في هالمنتدى الطيب

انا فكرت بمشروع دينه ( نقل خضار ) بعد ماقريت احد المواضيع لاخونا ابن الهيلا

وسالت ناس واستشرت واغلبهم ما ايدني

الي يقول طفسه والي يقول ماتسوى الكرف والي يقول السوق مليان دينات ولاحدن طاق لك خبر

فا وش رايكم يالربع انا فكرت اني اجيب منن اللسوق واوزع ع المحلات وفكرت انقل من المزارع

ومب شرط نقل خضار اي شي ثاني وابشرو بدعاوي

ابي هالموضوع مفصل تفصيل الله يرحم والديكم


اسسف ع الإطاله

بالعكس يالحبيب
مشروع ممتاز وبالذات الان
العمال سافروا والنقل باذن الله فيه خير كثير
خاصة اذا عندك وقت ومتفرغ وتسافر بين المدن
استخر ربك وابدأ وجرررب
وباذن الله تلقى خير

مشروع ممتاز بس عليك بالصبر اخوي وبعدين عمل الدينا كثير ممكن تعمل مع موسسات زارعيه ب التواصيل او تعمل لحسابك وهو الافضل من تشتري من المزارع بطاطس او بصل اوبرسيم او تعمل بالسكراب ع العموم العمل كثير بس شف الاصلح لك وعليك بالاستغفار وبرالوالدين وان شاء الله يفتح الله اوسع ابواب الرزق وبالتوفيق

السلام عليكم

اخوي الفكره حلوه واعرف شخص شغال فيها يحمل بطاطس وبصل وينزلها بسوق الخضار ويبيعها

مشاء الله عليه معين خير والحمد الله ونصحني فيها

استخر وتوكل عالله

وان شاء الله الله بيرزقك ويرزق الجميع

فمان الكريم

السلام عليكم اخوي
بافيدك بالي اعرفه واقدر عليه
احد الاصدقاء كان عندها دينه مشتريه بالدين
وجلس يشتغل عليه فتره وكان مبسوط ولاحظت التغير في حاله فلوس وكشخة وجوالات واجهزة وعزائم وحتى اخوانه الصغار صار يصرف عليهم
بس الكرف لازم فيه شوي
الرجال طبعا كان ينقل عفش من مدينه لاخرى وايضا داخل نفس المدن ورقمه انتشر صار اي واحد من الاصدقاء او المعارف يبي نقل يتصل عليه وهو يجيه
جلس عليه فترة ولكن بعدين توظف وظيفه هو يبيه وعاجبته وانشغل , واجر الديانه على عامل كم يوم , بس ما اعجبه وضع التأجير فباعه في الاخير
هذا الي عندي والله يوفقك وييسر لك مافيه الخير

الله يجزاكم خير طيب انا قريت لابن الهيلا موضوع دسم وفيه بيزات الي هو تتفق مع راعي مزرعه وزي هيك وشلون الطريقة ووين احصل مزارع زي كذا بالرياض وخارج الرياض

الله يجزاكم خير جميعاً وماقصرتو ونبي زياده افادات

شف يا أخي الفاضل توكل واستخر ومن عندي لك او شغل وأول زبون بس راسلني ع الخاص وأعطيك التفاصيل

الله يجزاكم خيير جميعاً

بيض الله وجيهكم