|
مشورتكم في فتح مؤسسة مقاولات
السلام عليكم ورحمة الله وبركاته
نظراً لغلاء الأيدي العاملة في مجال البناء فقد قررت فتح مؤسسة مقاولات بحيث أستفيد منهم في إكمال بناء البيت وفي نفس الوقت أستفيد من إجراء العقود في مشاريع أخرى. وهذا تصوري بخصوص بداية فتح المؤسسة وأرغب منكم أخوتي مساعدتي وتقديم المشورة والرأي ولكم مني صالح الدعاء إن شاء الله، مع العلم بأنني ليس لدي أي خبرة في هذا المجال من قبل. 1) أنوي البداية بـ: - مبلط - سباك - كهربائي أعتقد مكتب العمل ما يعطيني إلا ثلاثة أشخاص في البداية 2) سأقوم بكتابة عقد عمل مع زوجتي فهل ذلك مسموح ؟ لأنهم يشترطون توظيف سعودي قبل كل شي. 3) أريد معرفة كيفية استقدام عمالة محترفة 4) أريد معرفة كيف أتفق معهم وكم رواتب السباك والمبلط والكهربائي في العادة، وهل ينصح بأن يكون الاتفاق بالراتب أم بالنسبة ؟ 5) أريد معرفة كافة الالتزامات التي علي تجاه العامل (واجباتي وحقوقي) 6) في حالة الاتفاق بالنسبة وليس بالراتب أكيد بعض واجباتي تجاه العامل ستسقط، ولكن كيف أضمن أنه لن يشتكي ضدي مستقبلاً ؟ وهل يمنع النظام الاتفاق بالنسبة ؟ أنتظر مشورتكم وآرائكم :Thumbs: |
في انتظار تعاونكم ...
|
حياك الله اخوي
اسال الله لك التوفيق وبإنتظار الاخوه يفيدونك |
الله يكتب لك الخير ويرزقك ان شاء الله
بالنسبه لفتح مؤسسة مقاولات يبيلها تعب في البدايه حط في بالك ان خطوات فتح المؤسسه تجلس من شهرين الى 3 اشهر لحد ماتستلم العمال ويبدون الشغل اول شي تبدأ فيه البحث عن محل مساحته لاتقل عن 25 م تستأجره وابحث في الاماكن الرخيصه لانك ماراح تحتاج المكتب وماراح تجلس فيه اول ورقه تبدأ فيها هي عقد الايجار اول ماتدفع ايجار المحل وتستلم عقد ايجار المحل ورخصة فسح بناء من المؤجر اللي كتب لك العقد اطلب منه رخصة فسح بناء لمحلك اللي استأجرته وخذ صوره منها وروح قدم على السجل التجاري واذا انت من مدينة الرياض بترتاح كثير لان اصدار السجل التجاري صار الكتروني يوصلونه لبيتك خلال اسبوعين تقريباً عن طريق فيدكس مقابل 30 ريال تدخل موقع وزارة التجارة والصناعة وتسوي اسم تجاري وتحجزه مثلاً نهضة الاسكان او الاسكان المطور للمقاولات << اذكر ان ما احد حجز الاسامي هذي وتنتظر توصلك رساله موافقه على الايميل لاستكمال بيانات السجل التجاري ويعطونك رقم سداد حساب المؤسسة وتسدد حسب ما انت اخترت مدة السجل السنة بـ 200 ريال تسددهم عن طريق الصراف بعد ماتسدد رسوم السجل يطلبون منك سداد رسوم الغرفة التجاريه 800 ريال حق سنه واحده يعني السجل التجاري بيكلف تقريباً (( 1830 ريال )) * رسوم سجل تجاري مدة خمس سنوات 1000 ريال * اشتراك غرفة تجارية مدة سنة 800 ريال * رسوم توصيل فيدكس 30 ريال اهم شي لما تعبي البيانات في موقع وزارة التجارة بتحصل فراغ مطلوب العنوان المقصود عنوان المركز الرئيسي للمؤسسه الي هو مكتوب في عقد الايجار (( عنوان المحل )) وليس عنوان المنزل اذا استلمت السجل التجاري ومعاك عقد الايجار للمحل + رخصة بناء المحل (( فسح البناء)) تروح تأثث المحل بطاوله وكراسي للزباين والافضل يكون مستعمل ورخيص وطفاية حريق حجم 6 كيلو ولوحه للمحل لايقل حجمها عن 2*1 وخذ فاتورة اللوحه والافضل تكون مختمه من الخطاط تروح للبلدية التابعه للمنطقه المستأجر فيها مثلا محلك في العليا تروح لبلدية العليا وهكذا معك ملف اسود مقاس 45 فيه ملفين لونهم اسود اللي اقصده الملف الصخيف مو العريض الي مقاسه 45 دايما تحصله باستقبال المستشفيات تقريباً عرضه مثل عرض الجوال ابو كشاف << اهم شي الوصف ترفق بالملف الاوراق التاليه : 1- صورة السجل التجاري 2- صورة عقد الايجار 3- صورة رخصة البناء او فسح البناء 4- صورة الهوية 5- صورة فاتورة اللوحه وقبل تروح البلدية رح محلات الاختام واعمل لك ختم للمؤسسة مايكلف 150 ريال والافضل الكرستال اللي حبره منه وفيه وخذ معاك ظرف حط فيه الاصول للاوراق اللي ذكرتها لك فوق وراجع البلدية تعبي استماره عندهم (( طلب رخصة محل )) ويطلعون بعدين يشيكون على محلك ويمترونه ويصدرون لك رخصة المحل بعدها تاخذ رخصة المحل + السجل التجاري + الهوية وتراجع مصلحة الزكاة والدخل لاصدار شهادة زكاة ودخل لمؤسستك بعد ماتاخذ الشهادة ترفق الاوراق سجل تجاري + رخصة محل+ شهادة زكاة ودخل+ الهوية وتروح تفتح ملف في التأمينات الاجتماعية ويقولون لك سجل الموظف السعودي عن طريق الاون لاين وتسجل زوجتك بوظيفة سكرتيره بالمؤسسة بعد ماتسجلها تروح لمكتب العمل تفتح ملف وتراجع قسم الحاسب الالي يفعلون لك يوزرك بمكتب العمل بعدين تراجع قسم الاستقدام بمكتب العمل لاصدار الفيز تقريباً 3 فيز لكن ممكن يتغير في المستقبل القريب من 3 فيز الى 5 ان شاء الله يقولون لك سدد رسوم الفيز كل فيزه بـ الفين عن طريق الصراف بعد ماتسدد الفيز بيومين تراجعهم تستلم الفيز وتستقدم العماله وانصحك تشتغل بـ البلاط واللياسه لان ماوراها مشاكل ومكسبها حلو والله يوفقنا وياك يارب |
اقتباس:
كلامك سليم وبيض الله وجهك |
اقتباس:
كفيت ووفيت الله يعافيك ويكثر من امثالكـ |
بارك الله فيك أخي الغالي مدني
وياليت ألاقي من يجيب على أسئلتي: 2) سأقوم بكتابة عقد عمل مع زوجتي فهل ذلك مسموح ؟ لأنهم يشترطون توظيف سعودي قبل كل شي. 3) أريد معرفة كيفية استقدام عمالة محترفة 4) أريد معرفة كيف أتفق معهم وكم رواتب السباك والمبلط والكهربائي في العادة، وهل ينصح بأن يكون الاتفاق بالراتب أم بالنسبة ؟ 5) أريد معرفة كافة الالتزامات التي علي تجاه العامل (واجباتي وحقوقي) 6) في حالة الاتفاق بالنسبة وليس بالراتب أكيد بعض واجباتي تجاه العامل ستسقط، ولكن كيف أضمن أنه لن يشتكي ضدي مستقبلاً ؟ وهل يمنع النظام الاتفاق بالنسبة ؟ |
أيضاً: هل يمكن أن يقوم بكل تلك الإجراءات شخص آخر غيري (مثلا مكتب خدمات عامة) ؟ وهل لابد من اصدار وكالة ؟
|
متابع بصمت
الموسسات فيها ربح حلو ودي اعرف كم الدخل الشهري والسنوي ؟ وبعد ما افتح المؤوسسه كيف ابدا في المشروع ؟ هل ابحث عن عماير تحت الانشاء وعرض خدماتي او اعلانات اعلقها في منطقه ناشئه او كيف ؟؟ |
أخوي الحر
الله أعلم أنا مبتدئ وليس عندي أي خبرة لذلك كتبت الموضوع وإن شاء الله أهل الخبرة يفيدونا ... |
| الساعة الآن 02:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين