موضوع شامل الحرس الوطني 1435هـ
 

يعطيك الف عافيه ي بو شمر .. انا من الناس اللي انقبلت مبدئي وموعدي يوم الاحد ..ولا ادري وش الطبخه

موضوع ممتاز يامبارك الشمري اشكرك عليه اهم سؤال حاب اوجهه الدورة متى بتنعقد والمدة حقتها والتعيين باي مدينة هل بالرياض ام الاحساء

انا بالنسبة اذا راجعت الحرس يوم الاحد اهم شي اني اعرف وين اتعين فيه اذا قالو نعينك بالرياض اوافق واسوي الطلبات اما اذا رفضو اشتغل اي شغلة اكد فيها على نفسي

شاكرين ع التجمع المفيد


ياليت القى جوااب احد قبلوه من الدبلومات الصحيه ؟؟

واذا قبلوه اي رتبه يحطوه

عادي لو رحت ممكن يقبلوا ملفي

الله يعافيك ,, ومبروك القبول المبدئي ,,

تعليمات الحضور



الطلبات :

1. نسختين من الهوية الوطنية مكبرة وواضحة مع الأصل للمطابقة.
2. نسختين من الشهادات الدراسية و المؤهلات الفنية و شهادة حسن السيرة و السلوك مع الأصل للمطابقة .
3. 6 صور شخصية حديثة مكشوف الرأس و خلفية بيضاء مقاس ( 3 x 4 ).



تعليمات الحضور :
1. التأكد من إحضار كل الطلبات الموضحة أعلاه.
2. الحضور بالوقت المحدد بالزي الوطني .
3. يمنع إصطحاب أي مرافق أثناء الحضور للمقابلة.
4. يمنع إدخال الجوال أثناء المقابلة.


العنوان
إدارة التجنيد - جنوب مبنى وزارة الحرس الوطني - تقاطع الدائري الشرقي مع طريق خريص -مخرج 13


بعد ماتجيهم ,, تروح لصالة القبول والتسجيل ,, وراح تنطق 3 ساعات كاحد آقصى وتخلص كل الاجراءات من تواقيع وتبصيم ع أوراق

وبعدها تاخذ موعد برى الصاله ,, في مبنى خلفهم صغير ,, فيه شباك لحجز موعد الفحص الطبي
راح يعطونك موعد بعد شهرين ( شهر اربعه)



اتمنى أني أفدتك أخوي ,, وترى مافي تدقيق على الطول والوزن ,, الكلام كله ع الكشف الطبي اللي بشهر 4 اذا عديت ضبطت امورك


الأغلب تعيينهم بالاحساء ( لواء الملك عبدالله ) :Thumbs:

جزاك الله خير ع الرد

وتجاوبك

اشكرك عالموضوع الرائع
انا راح اقولكم قصتي من البدايه
قبل اسبوعين تقريبا رحت لادارة التجنيد بالرياض وماكنت اعرف ان فيه تقديم لاصحاب الشهادات الجامعيه المهم وصلت عندهم الساعه 7ونص وكان فيه عيال كثير بس اغلبهم ثانوي ... المهم قال الضابط اللي جاه اتصال منا يجي على جنب يقصد اللي معاه شهادة ثانوي واللي ماجاه اتصال يتوكل على الله ويجينا بعدين ..... المهم راح عيال كثير وبقي اللي جاهم اتصال .... انا قعدت مثل الاطرش بالزفه قال الظابط اش عندك قلت ابد سلامتك جاي اقدم قال ثانوي مافي تقديم قلت انا جامعي قال مرحبا مليون تعاااال نحتاجكم انتم ..... المهم جيت عندهم واعطيتهم صورتين من الشهاده وصورتين من بطاقة الاحوال و5صور شخصيه واخذوا الوزن والطول واعطوني اوراق ابصم عليها واوقع واعطوني استمارة تعيين حقت العمده والشيخ وموعد للكشف يوم 2/27 وقالوا الساعه 4ونص وانت في الادارة والساعه 5 بيحرك الباص
........ المهم وانا طالع قابلت واحد من الشباب اعرفه يشتغل بالحرس سلمت عليه وسالته عن موعد الدورة قال شهر 4 واذا طولت شهر 5 لكن مكان الدورة ماتحدد بعد هل بيكون في الرياض او الاحساء اما من ناحية التعيين قال مليووووون بالميه في الاحساء وسالته من ناحية تقديم الثانووي قال فيه ملفات بس شغل واسطات وقال هم يبون اللواء الجديد هذا يمتلي يقصد لواء الملك عبدالله لان كل يوم فيه انسحاااب


اتمنى انكم استفدتوا شي من اللي قلته والله يوفقنا وياكم وادعوا لي اني اتجاوز الكشف الطبي

ماشاء الله ,, مبروك القبول المبدئي ,, وشكرـآإ على ذكرك لجميع تفاصيل التقديم ,,
(انا قدمت على رتبة رقيب يوم الثلاثاء وخلصت كل الاجراءات)

وبالنسبه لموعد الكشف بعد اسبوعين ,, ان شاء الله تهون وتتسهل امورك ,,
( موعدي 10\4)

الدورة حسب كلامك راح تنعقد بنهاية خلال الشهرين الجايه ,,



انا عطوني على شهادة الجامعة ,, رقيب - كتيبة المشاة الآليه 121 ومادري وش الوضع صراحه ,,

انا عطوني رقيب كاتب في الامداد

كيف عرفت انهم عطوك رقيب كاتب ؟ انا قالو لي بالاحساء , كتيبة المشاة الاليه 121


انا بكالوريوس حاسب آلي ,, تتوقع يكون طبيعة العمل مكتبيه او ميدانيه ؟

ياجماعه انا موعدي الاحد ,, الحين اذا رحت لهم بعلموني تخصصي ؟ ورتبتي ؟
كيف عرفتم انتم

اهم شيء عندي الرتبه
وهل فيه امل يرجعوني للقصيم بعدين؟؟

كيف عرفت اخوي يعني بعد قبولك المبدئي رحت لهم ب الرياض وقالولك

وقت استلمت الكرت حق المراجعه سالت العسكري قالي انت تخصصك رقيب كاتب بالامداد

مساء الخير شباب
أنا كان موعدي الاحد الماضي 12/ 2/ 1435هـ بالرياض ولم أحضر الموعد بسبب الظروف

س1 / هل أستطيع تغيير الموعد ؟ مع أنني حاولت أن اجد للتجنيد إيميل أو رقم فلم أستطع .
س2 / هل هم يدققون على الموعد ( متأخر أسبوع ) ؟
س3 / خريج الكلية التقنية تخصص دعم فني وش يعطونة رتبة ؟

أسأل الله لكم التوفيق في الدارين

اكيد مكتبي تخصصك حاسب

يا اخوان هل اجراءات الادله الجنائيه تطول ووش تسوي عندهم بس تبصم ولا وش السالفه

ومكانهم وين ؟ في شرطة الملز المبنى الكبير

اخوي انا خصلت اوراقي واعدون للكشف ورحت كشف وانتهيت مافيه لا مقابله ولا شي شكلهم طالبين عدد واجد متساهلين

السلام عليكم

اخوي انا قبلوني الحرس واعطوني جندي اول بس التخصص ماعرف

والكشف الطبي 2/27

ابي اعرف وش الكتيبه 123و122؟؟

وشكرا ,,,,,

شباب احصل سكن غرف للايجار قريب من العنوان هذا ماني من اهل الرياض

إدارة التجنيد - جنوب مبنى وزارة الحرس الوطني - تقاطع الدائري الشرقي مع طريق خريص -مخرج 13

يا اخوان انا قدمت بالنت وحتى الان ماجاني شي

اراجعهم ولاشلون

انا بجده اذا براجعهم اراجعهم بجده ولااطلع لهم الرياض !؟

وفني معماري هل التعيين على نفس التخصص او لا؟

وشاكر لكم

انا استاجرت عند مخرج 15 شارع اسمه شارع الميه على يمينك وانت رايح سوق الهم كلها شقق ورخيصه كمان وقريبه من ادارة التجنيد 8 دقايق بالسياره ..... بالتوفيق

ياشباب انا قدمت وماجاني شي هل اروحلهم بملفي والا انتظر الرساله

هل التقديم على النت فقط للجامعيين ومافوق الثانوية العامة

ام هناك تقديم للثانوية العامة ؟

السلام عليكم

ياشباب تكفووون باقي التسجيل بالملفات ولا لا

اذا فيه بروح لهم يوم الأحد

تكفووون اللي يعرف يرد عليي

الله يعطيكم العافية

ايه ي شباب التقديم للي معهم دبلوم او جامعات مازال مفتوح على موقع الحرس الوطني

عزيزي وهل باقي التقديم بالملفات

اعذرني اذا ما عندك علم

هلا بالغالي اذا كان شهادتك ثانوي فما اتوقع لانه انتهى اما شهاده فوق الثانوي جامعه او دبلوم مفتوح بموقعهم

يعطيك العافية يالغالي

انا شهادتي دبلووم إدارة مكتبية

بس طووولي 158 هههههه

السلام عليكم

اول تعليق لي بالمنتدى حبيت اشكر المسؤل عن المنتدى ان جمعنا على شان كلن يستفيد من الثاني
المهم ابقول لكم من اول ماتصلو علي الي ان عطون موعد الكشف الطبي

دقو علي الحرس الوطني ناسي التاريخ بضبط قالو لي انت مأهل بالحرس الوطني بمركز التجنيد برتبت وكيل رقيب اذا صرت تبي الوظيفة تحضر عندنا بمركز التجيد بحي الربوه (طبعا انا ماقدمت على الحرس الوطني )قلت له ماقدمت عليكم انا قال حنا ماخذين اسماء من الكلية التقنية عاد طلعت لم الرياض يوم وصلت عندهم كلمت اقرب عسكري قلت له انتم تصلتوو علي قالي وش شهادتك قلت له كلية تقنية قال اجلس نصوت لك قعدت تقريبا ساعة ثمين قعدوا ينادونا

قالو الي معه تقنيه يطلع صورة من الشهادة وصورة من بطاقة الحوال ويكتب رقم جواله عطيتهم الاوراق
جالسن ننتظر تقريبا من 20 الي 30 دقيقة ثمين قعدو يصوتون بالاسامي يوم جاء اسمي رحت لمهم قالو سجل تخصصك ورقم جوالك وتوكل على الله نتصل عليك عاد بعد اسبوع اتصلو علي قالو جب شهادتك الأصل و 8 صور مكشوفة الراس وصورة من البطاقة
اول مادخلت سمعت اسمي عاد دخلونا من داخل وعطونا اورق تعهد وقسم وتعبي بياناتك عبيناهن وكشف طول وزن ( سريع سريع كشف الطول قااسو طوالي ونا لبس كنادر وشماغي بس طولي المفروض اطول من168 ) وعاد جلسنا ننتظر ساعتين وعطونا ورقة الادلة الجانئية والاحوال وقالو تعالوا يوم الاحد حتى تخذون دفتر التعين وموعد الكشف عاد جيت يوم الاحد وعطون دفتر التعين وموعد الكشف الي هو 2/20

الاسئلة
1- هل الكشف فيه تدقيق بنظر و ربو و عملية زايدة ( شكلي منب ماشي ) هههههه.
2- تخصص مشاة كتيبة مدفعية زين او شين لواء الامير تركي برياض .


ادري اني طولت بالقرق بس تحملونا تكفون جاوب علي مابقى على الفحص كم يوم
الي عنده علم يجاوب

يا اخوان رجاء خاص كم راتب وكيل رقيب

لو سمحتو اللي يعرف لا يبخل علينا نبي نعرف كل شي قبل ماننقبل

[mark=#FF0000]اتمنى احد يرد علي انا عطوني وكيل رقيب [mark=#003399](المدفعية/5)[/mark] وش معناها المدفعية 5[/mark]

بالتووووووفيق لك عزيزي وإن شاء الله يجي من يفيدك

ابسألك يدققون على الطول
انا طولي 158 هههههه ( انا بقدم ملفات )

والله يابعدي مادري كم ادنى طول عندهم 160 او 165 ناسي الصرحة بس الي اذكره 160 بورقه ولله اعلم

بس انا كنت احسبه ممنوع تلبس كنادر وشماغ ونت تبي تقيس الطول والوزن

بس عجلين الصرحه يو يقسون طولي بسرعة لبس كنادر ولا بس شماغ

يعني اذ صار يبون يقسون طولك نفس طريقتنا سريع سريع انصحك تروح لمهم ولا تنسى تلبس كنادر ونت رايح على شان ترتفع شوي والله يوفقك ان شاء :Thumbs:

مشككككككور يالغالي على الرد

وانا بإذن الله رايح لهم يوم الأحد

وإن شاء الله خير ( الواحد ما يأخذ إلا رزقه )


دعواتكم

بالتووووفيق للجميع

للمعلومية القبول المبدئي يمشون الكل بالطول والوزن لكن الكشف الطبي
كلام ثاني
لنهم يشيكون على الطول والوزن بالكشف الطبي

بالتوووووووفيق ياعزيزي

بس هم كاتبين في التقديم بالملفات إلا يقل الطووول عن 155

ما لنا الا نقول الحمد لله على كل شي ء