|
تحذير من نصابه تدّعي التوظيف في هذا المنتدى ومنتديات اخرى
السلام عليكم ورحمة الله وبركاته
حبيت انبهكم من نصابه موجوده بهذا المنتدى واغلب المنتديات كمان القصه كامله للعبره والتنبيه قبل فتره نزلت موضوع سيرتي الذاتيه بقسم السير الذاتيه وجاتني رساله من العضوه دودي الزيزه .. تقولي انها هي واختها وقرابتها توظفوا عن طريق حرمه تشتغل بالوزاره وظائف رسميه وتاخذ مبلغ مقابل كذا استخرت ودورت بالنت لقيت فتوى للشيخ الغيث بجواز ذلك وانه مايدخل بالرشوه .. ارسلت لي رقم جوالها استفسر منها وتحلف انها صادقه وانها توظفني طريقة كلامها ماتشك ابدا بمصداقيتها تعرف كل شي بالوظيفه درجه مستوى راتب مهام كل شي ارسلت لي رقم حسابها بالراجحي وحولت لها مبلغ اربع الاف ريال ووعدتني بالوظيفه بعد اسبوعين بعد اسبوعين اتصلت قالت الرجال اللي معاها يبغى 2000 ريال اذا تبغي الوظيفه بسرعه وحولت لها الفين ريال وبعد تقريبا شهر ونص قالت ارسلت لك ورقة المباشره بزاجل ورحت زاجل ثلاث ايام وانا رايحه جايه عليهم يقولون لي مافي شي باسمك وكلمت ادارة زاجل بالرياض اكدوا لي نفس الشي رجعت كلمتها قالت ورقتك ضاعت لاني شحنت مجموعه كبيره مع ورقتك والرجال رفض يطلع لك ورقة مباشره غير تدفعي الفين او تروح عليك حاولت ادبر المبلغ لاني وثقت بكلامها وحولت لها الفين ريال ... من هذاك الوقت وهي تماطل ايوا ورقتك عندي برسلها لك بفيدكس وارسلي بياناتك كامله ولها الحين شهرين اللي صار قدرت اتواصل مع الوزاره واكدوا لي مافي اي وظيفه باسمي وفوق كذا لقيت حافز نازل لي !! تواصلت معاها ترجع لي فلوسي ارسلت لي تهددي مين ياحقيره !! ارسلت لها رقم حسابي ورجعي لي فلوسي لاني اكيد مابترك حقي تاكله وبترجعه غصب او طيب بحثت عنها بالنت لقيتها ناصبه على كثييير بارقام حسابات مختلفه ومبالغ كبيره ومازالت مستمره جعلها السرطان اللي يهلكها وماتشوف العافيه نكها بالمنتدى دودي الزيزه رقم جوالها 0546562759 رقم الحساب بالراجحي باسم وفاء ظافر عبدالله 365608010666757 اللهم احرمها لذة الراحه واجعل كل المال الذي اخذته مني تعاسه وشقاء ومرض لها اللهم ارني بها عجائب قدرتك واهلكها وخذها اخذ عزيز مقتدر هذه ليست منقوله بل حدثت معي والحمدلله على كل حال .. لذلك حبيت انبه منها ماتتخيلون شكثر الفرحه اللي قتلتها فيني وباهلي شكثر الاحلام والامال اللي بنيتها بداخلي وانا انتظر الفرحه الكذابه يارب ارني بها عجائب قدرتك انك انت القوي العزيز .. |
الله يعوض عليك بصراحة مدري كيف تثقون في ناس ماتعرفون منهم إلا اسم مستعااار
مافكرتي ليش اختارتك أنتِ؟ والمنتدى مليان عاطلات وعاطلين عموما السالفة راحت وماينفع اللوم لكن خليها درس لك عن طريق النت لااااتثقييين في أحد أبدااا مهما كثرت المغريات وأنا بصراحة مدري وش وضع الشيخ اللي أفتى بجواز اللي سويتوه؟؟!! معروف بدون ما نسأل شيخ الحلال بين والحرام بين وأنا أشوف هذي رشوة مافيها شك فلوس عشان توظيف= رشوة أحيانا نقرأ أحكام لبعض الأمور بس تستنكرها قلوبنا لأن معروف وضعها عشان كذا قال الرسول عليه الصلاة والسلام: (استفتِ قلبك ) |
عليكم السلام ورحمة الله وبركاته
الله يعوض عليك تعبنا واحنا نقول انتبهوا من التعامل عبر الخاص واحذروا من النصابين |
حسبي الله عليهااا
|
اللهم ارنا فيها عجائب قدرتك عاجلا غير اجل .
|
الله المستعان
|
لآحول ولآقوة إلا بالله ...
لآ تزعلين مني .. عن نفسي لو ميته جوع لآقدر الله ماا أصصدق أحد بيوظفني بمجرررد إن الشغله فيها فلوس .. والله يعوضك
|
اقتباس:
|
حسبي الله ونعم الوكيل
|
يا اخوان اكيد الاخت اخذت درس وذكرت ذلك من باب أخذ الحيطه والحذر فلماذا العتاب !
يا اختي إلزمي هدي النبي صلى الله عليه وسلم إذ قال : (ولا تقل لو أني فعلت كذا لكان كذا وكذا ولكن قل قدر الله وما شاء فعل) فاصبري واحتسبي فما المال الا حطام دنيا لا يقدم ولا يؤخر شيئا فحال المؤمن دائماً في خير ولاتيأسي فربما تستطيعن ارجاع المبلغ وربما لا يمكنك ولكن لابد من الشكوى لردعها |
حبيبتي الله يعوض عليك
واهي أعمالها ماراح ترفع بالقبر إلا لمن ترد كل ريال نصبت فيه لصاحبه وقتها راح تعرف قيمة كل شي ومقدره موقفك وماراح أعاتبك لكن راح اقولك شغله اي شي ينغزك قلبك فيه لو ششششي بسيط اتركيه وعوضك عند الله يعلم الله تركت شغلات كانت بتكسبني ذهب لكن ما ارتحت لها أو صار في الموضوع غموض أو مماطله أو ادنى شي يخوفك اتركيه . . كلنا عاطلين وكلنا في حاجة الرزق والرزق من الله مهمآ كآن لا تلومي نفسك ولا تتحطمين قولي حسبي الله وكفى ودعوة المظلوم مستجابه وهي ! حسبي الله ونعم الوكيل فيها |
الله يعوض عليك
|
الله يعوضك حبيبتي ويرزقك ويرزقنا بالوظيفه
ماادري شلون الناس اللي كذا ينامون مرتاحين وهم ماكلين من مال حرام 😕😭 |
لاتزعلي انتي كسبانه في الحالتين إن جاتك وظيفة فإنتي كسبانه واذا انضحك عليكي فإنتي كسبانه في الآخره ولاتنسي انه اللي نصب عليكي حيتعذب في الدنيا وفي القبر وفي الاخرة يوم الحساب الواحد فينا يبحث عن اي قطرة حسنة فما بالك لما يوقف السارق امام الله وانتي تاخذي من حسناته إبتسمي ولاتيأسي والله يعوضك خير ويرزق كل العاطلين الوظائف والمال الحلال طبعا انا اولكم خخخخ |
حسبي الله ونعم الوكيل
لاتخافين الله سبحانه قادر أن ينزل بها أشد أنواع العذاب ولاتحسبينها مرتاحه هي وأعوانها صدقيني ربي يمهل ولايهمل لها يوم ان شاء الله وقريب يارب وبخصوص اللي يقولون لاتصدقون وكيف تصدقون قولوا بس الله لايحطنا في موقف كذااا ماقدرت تأخذ الفلوس إلا وهي متمكنه زين وعارفه وش تقول مريت بهذا الموقف مع واحد مصري الله لايوفقه وين ماراح لهم أسلوب يخليك تشك في نفسك ولافيهم الله يكفينا شرهم ياحي ياقيوم والله حسيبها وين ماراحت أبشري باللي يدعي عليها في المسجد النبوي هي وكل واحد ووحده يستغل حاجة المسلمين حسبي الله عليهم مادري كيف يرتاح ضميرهم عساهم البلاء اللي مايلقون له دواء |
الله يسعدكم على الردود فعلا يكفي دعاؤعكم
اللي كمان يقهر اتصلت عليها وقت فتح القدرات قالت لاتسجلي وظيفتك موجوده ! وماسجلت وراح علي حسبي الله عليها اللهم لا تجعل لها طب ولا علاج ولا راحه واهلكها مرض وشقاء انك على كل شيء قدير اكيد هي تقرا بالمنتدى وتشوف المكتوب لكن والله مااسامحها لو كانت على باب الجنه لين ترجع الحق لي ولاصحابه |
اصلآ للاسف شعبنا غبي جدآ لأن مستحيييل اصدق فكرة التوظيف بهذي الصوره كبرو عقولكم لأن الحراميه يستغلوننا من جميع الجوانب ت
|
بسم الله الرحمن الرحيم
اول شي الله يوفقك ويعطيك ع قد نيتك .. ثاني شي حسبي الله على كل شخص يعمل مثلها .. ثالث شي الموارد البشرية .. تقول لكم ي ناس عندي وظايف بالهبل .. تعالوا بس وشكراً |
اقتباس:
وين وظائف بالهبل ؟! :cry: أكثر انسانه أرسلت سيرتها الذاتيه وطقيت كل المدارس والأماكن مافيه إلا بالسسسسسسسسسسسوق :Thumbs_down: مافيه مكان نسائي في المدينة وولو فيه دليني لو شفتين + عمل عن بعد + استلام الراتب آخر نفر في المقر موافقة ماعندي مانع بس وين :q .. |
اقتباس:
عندك مدارس + وشركات + اسوق .. يحولون عليها لما تروحين لمهم يعرضون عليك عدده شركات ومسميات وانتِ اختاري اللي بدك وبوه طريقه ثانيه .. بشرحها الاسبوع الجاي ان شاء الله فديو + صور وانتِ بيتكم ارفعي السماعه وكلميهم .. وشكراً |
جعله زقوم لها ولأعوانها ولأشباهها
واضحه طريقة النصابين من يقولون عطيني فلوس وبسوي وبجيب وبأفعل اعرفي على طوووووووول انها نصب لأن الصادق بيوظفك بعدين بيطلب فلوس لانه واثق من مصداقيته كل دقه بتعليمه والحمدلله بصحتك وبعافيتك ودرس نتعلم منه ولانكرره |
اشتكيها للشرطة عندك حسابها وجولاتها لاتسكتين عن حقك تلاقينها من هالاجانب اللي ماليين البلد تجمع لها فلوس من سذاجتنا وطيبتنا كشعب
|
ووش سويتي بعد ذلك؟ بس تدعين؟ مايكفي!
تعاوني مع الوزارة وبلغي عنها عندك دلائل تثبت تسحبين ورقة من البنك بالحوالات السابقة. خليها تتعاقب. وبعدين لاتحللين شيء. إنك تدفعين مقابل تاخذين وظيفة بارد مبرد مايجوز. بأي حق؟ يعني المسكين اللي مايقدر يدفع يسرق ولا مايتوظف؟ < إذا مشينا على المبدأ اللي تقولين إنه عادي. شكرا للتنبيه. |
حسبي الله ونعم الوكيل
|
اقتباس:
البحث الجنائي يجبونها ويجيبو أشكالها بس بعقل لو دفعتي مره نمشيها انتي دفعت أكثر من مره كانها سحرتك>>سوالف حريم :d المهم لاتسكتين وتلطمين هنا في منتدي اشتكى.. |
يا اخوان هذا الاسم معروف و سبق شفته في موقع مخصص لفضح النصابين و يحذر منه زوجها عسكري مفصول من العسكرية لانه حرامي وهذا حساب زوجته يستغله في النصب بصراحة انا استغرب لما الوحدة ترسل فلوس من خلال مكالمة هاتفيه او من ورا الشاشة .. انتي اخذي رقم الحساب و الاسم و اشتكي عند المباحث راح يجيبون رأسها هي و زوجها النصاب.... بس مدري اذا كان الاسم الاخير حقها .. الشهري...؟
|
الله يكفينا الشر :(
|
الله يعوضك ان شاء الله
لكن انتي غلطانة المفروض لما توقعي مباشرتك تعطينها ضمان لك من النصب يالله ربي يرزقك الوظيفة اللي تسر قلبك وخاطرك |
حبيبتي وكلي محامي انتي والبنات اللي بالمنتديات راسليهم وترجع لك فلوسك زي الحلاوة ..
وجيبي برنت من البنك بالتحويلات ويجيبوها .. هيا عبالها الدنيا سايبه .. |
حسبى الله ونعم الوكيل فيها هالحراميه
بس ماتقدري تروحي البنك وتشتكي عليها روحي الشرطه يختي ماخدة منك حول 8 الالف جعلها السم |
على العموم يا اختي ما ينفع اللوم
بس اتمنى من كل اخواتي واخواني الي هم بحاجة للوظيفة عدم الانسياق ورى المخادعين والاعلانات الوهمية والكلمات الرنانة خصوصا اذا كان هناك مبالغ مالية شرط الحصول على وظيفة .. بخصوص هذه النصابة ، يمكنك اختي التقدم ببلاغ عند الشرطة الشغلة ماهي فوضى يوجد نظام مختص بمكافحة جرائم المعلوماتية الالكترونية وعندك كل البيانات الي تثبت تعرضك للنصب ـ ورح يرجع لك حقك بإذن الله عاجلا غير آجل موفقة |
أسال الله ان يرزقك الرزق الحلال ويعوضك خير
|
باذن الله ابشركم وهي تتسكع بالسجن النصابه
|
السلام عليكم ورحمه الله وبركاته
أولا اختي الله يعوض عليك , ويرزقك بالوظيفة اللي ترضيك انتي وجميع العاطلين ,, اختي اولأ ما ينفع الندم ابدآ ولا تنفع الدعاوي قولي بس حسبي الله ونعم الوكيل وأوول خطوه روحي الى البنك طلعي برنت منهم وبعدها توجهي الى اداره المباحث العامه وقدمي بلاغ شكوى وخلي شكواك تكون بقوة وبدون تهاون عشان يشوفوا الجدية ولا تقولي انها تنصب كثير و و الخ لأن بتشعبيهم بمواضيع تدخلي بمتاهات بيقولوا دامك عارفه ليه وثقتي وكدا ’,, نكتفي بالشكوى ضضدها رسميآ والبرنت معاك يثبت وجوالها معاك والباقي يجيبوه هم بطريقتهم مثل برنت من الاتصالات عن كامل معلوماتها ومراقبه اتصالاتها ومراقبه حسابها وصدقيني اسبوعين او اقل ,, ويجيك الخبر المفرح ,, انا حصلت معي بسرقة جوال وبلغت عنه بأشياء تثبت انه جوالي مثل الضمان الكرتون وجابوه بعد اسبوعين من شخص شاريه من محل ,, بس المهم رجع لي ,,, الله يوفقنا وأياك ويرزقنا ويرزقك من حيث لا نحتسب ,, اسف على الاطاله ولكن فيني من الحره مثل اللي فيكم وشكرآ |
يعطيك العافيه اخ عادل ماقصرت وفعلا حسبي الله ونعم الوكيل فيها
|
انا استغرب للحين في ناس تصدق مثل هالأشياء ادفع لي ونا اوظفك
لو محتاج الفلوس اللي بتعطيها الشخص ذا ابدا فيها مشروع صغير على قدك محل خضار شراكه مع شخص ثقه اما طب على شخص ماتعرفه وتعطيه دراهم سلامات الله يعوضك خير هذا اللي اقدر اقوله وكل دقه بتعليمه بس البعض مو دقه الا صدم ولا يتعلم ههههههههه |
اقتباس:
والله صادق انت معليش اختي اسمحي لي اقولك تستاهلين حولتي لها فلوس حول 10 الاف ولا فكرتي ولو ثانيه بالموضوع لكن نقول من طيبك وحاجتك صدقتي لذلك الله يعوض عليك |
حسبي الله ونعم الوكيل
النصااابين كثرو هذي الفترة مستغلين حاجاتنا للوظيفه لكن أحب أذكرهم أن الله يمهل ولايهمل وأن مايأخذ في الدنيا بالنصب والحيله سوف يعيده الله إلينا يوم البعث يوم لاينفع مال ولا بنون إلا من أتى الله بقلب سليم |
اشكرك الفارسه ع الرد فعلا كلامك سليم حسبي الله ونعم الوكيل
|
يوجد اشخاص يدعون انهم من مكاتب التجنيد واو وسيط له او من الوزارة و القيادة ويتم اخذ فلوس على إخواننا العاطلين ويتم استغلال اسماء موجوده في مكتب التجنيد انه يدعوان انه فلان ابن فلان وهذا الشخص لا يعلم يتم السؤال عنه ويتضح ان الاسم موجود فيطمئن ويتم دفع مبالغ بحجة التوظيف وبعضهم حتى يتم تفصيل لوحة اسم باسم الشخص ونفس الزي وهم شبكة متشره وبكثر في الرياض وانا أحد الاشخاص الذي حصل معة الموقف وتأكد انها حركة نصب حصل معي في وزارة الحرس الوطني واي شخص موجود في وزارة الحرس او مكتب التجنيد يمكن يتواصل معي على الخاص لكي اعطية معلومة يعمله كمين ويتم القبض على الشخص الذي يدعي انه موظف في مكتب التجنيد في الحرس الوطني
|
| الساعة الآن 01:40 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين