بخصوص التسجيل في الحرس الوطني بالرياض والى شفته في لجنة التسجيل لهذا الأسبوع
 

بسم الله الرحمن الرحيم

السلام عليكم ورحمة الله وبركاتة



الكل يعرف ان تسجيل الحرس الوطني فاتح التسجيل من مدة طويلة من شهر 2 وحتى الان فاتح التسجيل

بداية الكلام اوجه كلامي للمتحطمين والى فاقدين الأمل

( ياجماعة احرصو كل الحرص ان قلوبكم ماتفقد الأمل بالله سبحانه وتعالى في كل حاجة حتى في المصايب )

الى عمره كبير ياشباب يروح الى عمره فوق الثلاثين يروح يشهد الله انا عمري فوق الثلاثين وقبلوني قبول مبدئي وأنتظر الكشف الطبي والله يوفق ان شاء الله

مشاء الله تبارك الله



والله يشهد على أني مو واسطه ولا شي بس الى شفته مايردون أحد

وأعرف نأس من اخوياي اعمارهم فوق الثلاثين وراحو في شهر 2 الى فأت وسجلو وقبلوهم وينتظرون الدورة

الى شهادتة ثانوي يروح في نأس قبلوهم والله ثم والله عندي واحد من اخوياي شهادتة ثانوية وعمره فوق الثلاثين وقبلوه وينتظر دورته

أقسم بالله الشخص هذا اعرفه معرفة شخصية يحلف لي يقول ماعندي واسطة رحت وجلست فوق روسهم كلمتهم وما مشيت من عندهم الا قابلين اوراقي وقالو لي رح ويجيك اتصال

هذا الكلام في شهر 2 محرم الى فات والحين خويي هذا فحص الكشف الطبي في شهر 4 وتم قبوله وينتظر الدورة الله يوفقه ويوفقنا ان شاء الله جميعاً




اما قصتي انا

انا ( وأعوذ بالله من كلمة انا ) رحت لهم قبل 4 اسابيع الرياض في مبنى التجنيد مبنى رقم 21 اي شخص يركب تكسي يقوله مبنى 21 الحرس الوطني التجنيد خلف مبنى وزارة الحرس الوطني

والى شفته من قبل 4 أسابيع في لجنة التجنيدالى عنده جامعة وكلية تقنية يأخذون شهادته على طول مع صورة من بطاقة الاحوال ويسجلون تحت صورة الاحوال رقم الجوال

ويقولون لك رح توكل على الله وراح نتصل عليك


وجلست أنتظر ( أملي في الله اولاً واخيراً ) وفي اتصال يجيني منهم او رسالة قبول مبدئي

بعد الانتظار لمدة 3 أسابيع ونص او 4 أسابيع قلت خلني اروح اراجع ماني خسران شي وهذي وظيفة ورزق وربي ماينسى عبادة سبحانة


هذا الاسبوع يوم الاحد الى فأت تاريخ 1435/5/22رحت لهم اراجع وكلمة الى في الاستقبال قالو ماندري شوف الضابط شفت ضابط مطوع ملتحى مشاء الله عليه قلت له موضوعي كذا وكذا

قالي جيب اوراقك وابد قالي رتبتك كذا وكذا وتعينك كذا وروح خذ اوراقك من شباك التعيين وكشف المستشفى والعمدة وبرنت المرور الخ الخ

يعني على طول قبول مبدئي يا شباب ربي لك الحمد وان شاء الله القبول النهائي




الكلام هذا لكل الموجودين الى جاين يسجلون على طول يعطونهم الاوراق كلها والرتبه واوراق العمدة وموعد الكشف الطبي وكل شي يعطونك ايه مره وحده

يعني انا مو واسطة وحتى الى جاين مو واسطة كلنا تعاملو معنا زي كذا والله يا شباب عددنا قليل محنا كثير

انا اتكلم عن الى جايين الساعه 10.45 الى شفتهم في هالوقت يمكن احنا مانتعدى 15 شخص وكثير بعد

وفي نأس سألتهم قالو متصلين عليهم يجون يأخذون الاوراق قبول مبدئي

وكان واحد بجنبي في التسجيل سالته توك جاي تسجل يقولي ايه وعطوه مثلي الاوراق كلها

اظاهر انهم خلاص قرب التسجيل يسكر عشأن كذا اي واحد يجي يعطونه اوراق القبول المبدئي على طول وكل الاوراق يعطونك ايها ومع موعد للكشف الطبي



نصيحة لوجه الله يا اخوان روحو الرياض سجلو

شفت نأس قصار في الطول وشهادتهم ثانوي وخذوهم أهم شي ان الواحد مايمشي من عندهم اجلس كلم المسؤالين هناك خاصه المطوع هذا وقوله انك جاي من مكان بعيد وتبي الرزق وماجيت الا عشأن الرزق

اما اذا شهادتك كلية تقنية او جامعة على طول راح يأخذونك ونأس شهادتهم ثانوي وخذوهم على طول


يشهد الله يا اخوان مقر التسجيل الى في الرياض رحت لهم في المرتين هذي الساعه 10 و الثانية الساعه 10.45

والله يا اخوان مبنى التسجيل شبه فاضي ولا يردون احد

يشهد الله في هالمرتين الى رحت لهم شفت عدد الناس الى جايه تسجل تقريباً من 15 شخص الى 20 شخص ويوم جاء وقت صلاة الظهر يمكن الى جاين يسجلون كم شخص فقط



انا من الشرقيه وشفت ناس من المدينة المنورة وناس من الباحة

يا اخوان روحو جربو حظكم التسجيل مفتوح والى شفته منهم مايردون احد

أعيد واكرر الى شهادته ثانوي لا يمشي ويسكت يكلم المسؤوال خاصة واحد مطوع مليان شوية بيض الله وجهه دنيا واخره مايرد احد



( الى يشكون فيه انه مو من الجماعة يقولهم انه من الجماعة يعني سني وحتى لو ماشكو فيك قولهم كذا لنا في نأس ماقبلوهم لنا كانو شاكين فيهم )



واخيراً سأمحوني على الاطألة

بس حبيت اذكر كل شي بالتفصيل الممل لأني محب أعيد وأكرر في الكلام :d

ماشاء الله تبارك الله الله يتمم لك على خير الوظيفه

بيض الله وجهك والله العظيم انك كفو وتحب لاخيك ماتحب لنفسك والله يعطيك حتى يرضيك دنيا واخره

انشهد انك رجل كفو مادري يقبلون متوسطه

اللهم أمين والله يسمع منك ان شاء الله


والله ياخوي بالنسبة لشهادة متوسط ما اتوقع وحتى لو راح تنقبل في أمل والأمل بالله كبير

ليه في أمل لنا يبون دفعات كثيرة ولاتنسى ان الحرس الوطني مامره فتح التسجيل زي كذا الا ايأم التسعينات

ايأم حرب الخليج وبعد حرب الخليج وبعدها ماصرنا نسمع ونشوف تسجيل في الحرس الوطني الا بأرقام و واسطة


في أمل لك بأذن الله بس يبيلك واسطة اوانك تجرب حضك وتروح الرياض وتكلم المسؤال المطوع هذا

الله ينور عليه دربه ودرب جميع المسلمين ان شاء الله



صدقني فيه متوسطة تقدر تدخل لأني كلمة موظف في الحرس قديم قالي فيه متوسطةبس يبيلها واسطة او على نهاية التسجيل وما اكتمل العدد

لنا لواء الملك عبدالله في الاحساء يبون يملونه وفي لواء في الرياض وفي بعض مناطق الاخرى


المختصر من الكلام الحرس الان مفقوع التسجيل ويمكن تمشي معك سواء بواسطة او تروح لهم



في وظائف مدنية في موقع الحرس الوطني على الرابط التالي

http://job.sang.gov.sa/esang/

يبون شهادة متوسط لمن تدخل على رابط الوظائف المدنية راح تشوف شروط الوظيفة والشهادة المطلوبة


بالتوفيق ان شاء الله

في تقديم القطاع الغربي اللي فتح قبل يومين .. قدمت فيه .. طبعا طالبين 165 .. وانا طولي 162
مدري يمشون والا لازم واسطة :(
سمعت انهم في تقديم القطاع الشرقي والرياض ناس طولهم 160 وقبلوهم
مدري القطاع الغربي مثله والا لا ؟ .. من جدة انا طبعا

تقديم القطاع الشرقي سكر واعلنو عن المقبولين


وتقدر تتأكد من موقع الحرس على الرابط التالي

http://job.sang.gov.sa/esang/

على فكرة في وظائف مدنية في الحرس الوطني عن طريق الموقع الى شهادة متوسط


القطاع الغربي مفتوح التسجيل لحد الان

شوف اختصر عليك هذي عسكرية والتسجيل في الموقع اكيد بيحطون لك شروط

واذا يقبلون بملفات اكيد راح يتقيدون بالشروط واذا في مجال مايتقيدون فيها راح يسون هالشي


مثل تقديم الرياض عندهم مجال وعدد كبير جداً فعشأن كذا قبلو نأس اعمارهم فوق الثلاثين وناس طولهم قصير وناس شهاداتهم ثانوية

تقديم الرياض التعيين الاحساء والرياض وطبعاً تقدر تنقل بعدين

وفي الأول والاخير الواحد يؤمن بقضاء الله وقدرة في كل شي

وأهم شي انك تسعى وربي معك


بالتوفيق

كنت موجود واغلب الموجودين شهادتهم التقنيه يوم خلصوا سئلو عن الثانويه وسئلوهم جتهم رسايل ولا لا وبعده طلعت انا مادري وش صار عقبه

الله يجزاك خير وانا اخوك الامل بالله ان شاء الله

الله يوفقك اخوي وماقصرت وادعلي بالتوفيق اخو مقبول بالدفاع الجوي ودورتي يوم 5من الشهر الجاي

جزاك الله خير

لايؤمن احدكم حتى يحب لاخيه مايحب لنفسه
اشكررررررررررررررررررررررررك الله يكتبلك الخير بكل خطوه زي ما انت حريص على اخوانك

لا شكر على واجب يا اخوان

وبالعكس انا ماسويت شي يذكر كل الى سويته ذكرت الى صار معي بالتفصيل عشان اي احد عنده سؤال عن التسجيل الى في الرياض يلقي جواب لسؤاله


بالتوفيق للجميع ان شاء الله

بالتوفيق الله ييسر امورك

خريحي الكلية التقنية
وش يعطونهم رتبة

ياشباب كلام الاخ بعالية صحيح انا عمري فوق الثلاثين وقبلوني قبول مبدئي وخلصت اوراقي وانتظر الاتصال الاخير منهم ......الامور كلها سهالة والله يوفق الجميع محبكم الواصل من منطقة مكة المكرمة

خريج كلية تقنية يعطونة رتبة وكيل رقيب على الاحساء .. والنسبة للرياض رتبة عريف

موعد فحصي الطبي في تاريخ 1435/6/28


اذا شهادتك جامعيه راح يعطونك رتبة رقيب واذا مافي ارقام بالمره بالمره بالمره لرتبة رقيب

راح يعطونك وكيل رقيب

يعني راتبك مايقل عن 8000 ومافوق بأذن الله والحمد لله طبعاً في كل الاحوال


على حسبب تخصصك والشواغر الموجوده يعني لو تخصصك مطلوب في الادارة راح يوظفونك عليه اذا تخصصك خلاص مافيه له ارقام واكتفو راح يوظفونك في اي تخصص اخر

مثل ماقلت لك على حسب تخصصك وصدقني مافي واسطة ولا شي



يشوفون شهادتك وتخصصك ويدخل اوراقك داخل ويشوف تخصصك هذا فيه له رقم شأغر عطاك ايه

مافي له رقم شأغر شافلك اي شي ثاني وراح يقولك روح لشباك التعيين

وشبأك التعيين هذا راح يرتب اوراقك ويشوفلك رقم شأغر وراح يكتب رتبتك ويضبط لك اوراقك كلها عشأن يسلمك ايها

وراح ينادي بأسمك موظف شباك التعيين وتروح له وتستلم منه كل شي وفيه اوراق راح تكتب فيها اسمك وتوقع وتبصم


لاتفكر اخوي كثير في مكان التعيين و وين يعينونك بالضبط خليها على ربك وصدقني تتسهل وانت جامعة توظف في الأول وبأذن الله راح تضبط لك احسن مكان في الحرس بس أهم شي انت لاتعقدها على نفسك وتفكر في التعيين

يعني لاتفكر راح يحطونك فوق دبابة وتتحطم والا حراسات وتقول انا جامعي مابي كذا هههههههههههه

انت ادخل في الأول وصدقني انت جامعة راح تضبط امورك سواء في بداية التعيين او بعدين

وان الله مع الصأبرين



لاتجلس اخوي وتنتظر روح الاحد الجاي توكل على الله

بالتوفيق



الكلام للجميع

اتركو عنكم التسجيل عن طريق الموقع

روحو الرياض وتخلص اموركم على طول في ظرف 10 الى 15 دقيقة بأذن الله كل شي خالص وفوق كذا يعطونكم موعد للفحص الطبي

الى شفته في مبنى التجنيد من الساعة 10.30 الى بعد صلاة الظهر والظهرية كلها التسجيل في هذا الوقت مايأخذ لك الا 10 دقايق وانت خألص مافي أحد مافي الا قليل


والله يوفق الجميع ان شاء الله

اللهم أمين

ومشكور اخوي والله يسرها علينا وعليك وعلى جميع المسلمين

الله يسهلها عليك وعلينا وعلى جميع المسلمين ان شاء الله

وان شاء الله القبول النهائي


وهاه هذا واحد عمره فوق الثلاثين وربي يسهلها عليه وعلينا ان شاء الله

روحو يا شباب لاتجلسون روحو الرياض لمبنى التجنيد رقم 21

الله يوفقك ان شاءالله ويسهله لكك
وعقبال قبول نههائي و دوره الف مبروك

على حسب شهادتك وتخصصك اذا فيه له رقم يعطونك وكيل رقيب اذا مافي ارقام راح يعطونك عريف


انا ( واعوذ بالله من كلمة انا ) عطوني عريف على الاحساء

وانا من سكان الاحساء ماهمني وكيل رقيب او عريف

يعني اذا الله كتب لي ان شاء الله القبول النهائي بأذن الله

ماراح ادفع اجار شقة الخ الخ وبكذا هذي تعتبر نعمة من الله اني ما اخذت وكيل رقيب

لنا ربي عوضني عن الرتبة هذي اني عند أهلي


وان شاء الله أعدي الفحص الطبي و الله يكتب لي القبول النهائي ولكم جميعاً ان شاء الله

اللهم أمين ياخوي

وان شاء الله نعدي الفحص الطبي والقبول النهائي ان شاء الله ولجميع الاخوان


ومبروك عليك القبول النهائي والله يسهل عليك دورتك وتطلع منها مبسوط ان شاء الله

جزاك الله خير على نقل الخبر

يور ولكم

بالتوفيق

يوفق الجميع ان شاء الله

up
up

أروع ما أقول الا الله يجزاك بالخير

لو لا الله ثم انت مارحت وخلصت الأجراءات

شكرا لك

الفضل لله وحده والله يستر عليك وعلينا وعلى جميع المسلمين

وان شاء الله يكتب لنا مافيه الخير

ولا شكر على واجب اخوي

الله يجزاك خير اخوي
التقديم الى الان مفتوح؟ لاني من المدينه تنصحني اروح ولا انتظر التقديم بالنت

شهر 2هالسنه قدمت عن طريق النت وأرسلوا لي رسالة وماسافرت الرياض علشان الطول 165 وطولي أقل من المطلوب وسافرت معى خوي ﻷانهم أتصلوا عليه وقلت أقدم ماني خسران وسألت قالوا فيه تقديم واخذوا مني الملف وقدمت بشهادة التقنية والطول سبحان الله أقل شيء 160 فلاتضيع الفرصه وقدم منت خسران وتعاملهم كان حلو ولا في أي زحمه دعواتك

وفي نفس اليوم أعطونى أوراق االعمده والأدلة والجنايئه إلخخخخخخ بالتوفيق

أفصد الأدلة الجنائية

طيب يعني اللي مافهمته وش كتيبه مشاة 122 زي كتيبه مشاة 83 يعني مكافحة شغب أفيدوني

:b
محد يعرف

ولي مقدم شهداتة ثانوية عامة تاريخ 29\10\1435 كيف وضعة

السلام عليكم

ما اقول لك الا الله يجزاك الف خير ويعطيك على قد نيتك

طرح ممتاز

---

استفسار بسيط بارك الله فيكم

انا خلصت الكشف الطبي وجاتي رساله بخصوص المراجعه اللي بعد الكشف الطبي والحمد لله لائق طبياً

المهم رحت لهم على طلبهم بتاريخ 29/03/1435 هـ

وسلمتهم جميع الاوراق بصمات وبرنت الاحوال والملف حق العمده وقالوا خليك على الاتصال او رساله الى الان ما صار شي احد عنده خبر

طبعاً انا من جدة والتقديم بالرياض والتعين بالحساء على كلامهم والرتبه عريف

اتمنى الرد وشاكر لكم جميعاً

يمكن مايجيك إتصال منهم أورساله أحسن تراجعهم لا أنووو فيه ناس مايجيهم إتصال أو رسالة وبعدين راحوا التجنيد وحددوا لهم الدوره فالك التوفيق الله يفرجها وبسر أمورك

شكراً شكراً لك واللهم امين

اللي يعرف رقم التجنيد بالرياض يعطيني هوه الله يوفقكم

الرياض، هاتف مباشر 49336200 011أو 4912222 011تحويله 28004 الله يسر أمورك بالتوفيق دعواتك

اللهم اميييين

جزاك الله الف خير

شاكر لكم