وظائف حاملات الماجستير بجداره 24-6-1435
السلام عليكم ورحمة الله وبركاته
ياليت كل حاملات الماجستير يشاركو بهالموضوع لان التقديم باذن الله بعد بكرا ((التخصص + الوظائف المتاحه بجداره لتخصصك+ نقاطك) انا تربيه خاصه بالنسبه للوظائف مو عارفه فتحت التصنيف وماعرفت كيف اعرف الوظائف وعددها..الخ النقاط 64 |
اذا جاء وقت التسجيل ودخلتي حسابك بجداره بيطلع لك كل الوظائف المناسبه لمؤهلك
|
اقتباس:
مشكوره صريحه |
انتظري يومين وجداره راح تظهر لك الوظائف ومناطقها في صفحتك في التقديم ..
مايحتاج بحث او تفكير :D |
اقتباس:
مايحتاج بحث او تفكير ادري بس وينكم مختفيات (لو انك من الماجستير) ^_^ ودنا بتجمع اشوف كل الناس متجمعين ههههههه |
انا انا بكالريوس الخدمة الاجتماعية .. وقدمت خلاص ..
لهذا السبب ماجاوبتك على سؤالك :D وانا اقصد في التفكير والبحث .. انه الوظائف اصلاً بتكون جاهزه لك في التقديم .. على فكرة تخصص التربية الخاصة مجاله الاول في التعليم ثم الصحة . فاحتمال انه فرصك اقل في التقديم الحالي وفيه اسئلة في الايام الماضية هل التقديم على الاداري يمنع من التقديم على التعليمي . تأكدي كمان من هذي المعلومه لو تتصلين على الخدمه المدنيه |
اقتباس:
اقل او اكثر الانسان ماياخذ الا رزقه ونصيبه لو لي نصيب فيها حاخذه ولو مالي لو المتقدمه الوحيده.. بالنسبه للتعليم مااختبرت كفايات فمراح ادخل مفاضلة التعليمي للاسف .. ويارب كلنا نتوظف لان طفشنا بطاله .. |
موفقه ي رب
وكل الماستر والبكالوريا موفقين ي رب ب الوظائف الادارية والله يكتب لكم اللي فيه الخير |
ماستر اداره عامه نقاطي قريب من 69
|
اقتباس:
امييييييييييييييين يارب |
اقتباس:
بالتوفيق دفا الكون ماعندك خلفيه عن الوظايف وعددها لكل تخصص؟ اختبرتي كفايات؟ |
[QUOTE=دفا الكون;8029868]ماستر اداره عامه نقاطي قريب من 69
ماشاء الله تبارك الله تخصص مطلوب ونقاط طيبة . على التخصص والنقاط العالية بإذن الله تعالى التعيين مضمون. |
انا ماجستير ومتخرجة العام كيف اعرف كم نقاطــــــــــــــــــي....
|
اقتباس:
فيه موضوع مثبت فيه برنامج لحساب النقاط ايضا بعض الاخوان بالمواضيع ممكن يساعدوك بمعرفه نقاطك.. والتخصص ايش؟ |
انا محتاره معي ماجستير علم اجتماع بتقدير ممتاز لكن سجلت بالبكالوريوس تخصص خدمة اجتماعية و لا أعلم وش الأفضل , مشكلة جدارة التسجيل بشهادة وحده
بالنسبة لك ثواني الوقت نفس تخصصي وش قدمت عليه ؟؟ |
مرحبا .. انا ماجستير متخرجة شهر 1\1435 ونقاطي 70
و البكالريوس نقاطي فيه 82 , وفي جدارة مسجلة انا بالبكالريوس وبقدم فيه لعل تصيب هذه المرة واتعين وارتااااح ... الله لايضيع تعب لااحد بس . |
اقتباس:
انا ما فهمت لكن اذا قصدك إنك تبغين تضيفين البكالريوس والماجستير كلهن سواء _ فـ هذا ما يجي لانك حين ما تسجلين بـ الماجستير بيعرفون إن معك البكالريوس و طبيعي بيكون التسجيل بـشهادهـ وحدهـ __ وتكون آخر مؤهل حصل عليه المتقدم |
مكررر....
|
اقتباس:
انا قدمت بالمفاضلة قبل ايام . العدد الاجمالي كله 115 وظيفة في التخصص الخدمة الاجتماعية - علم الاجتماع 100 وظيفة باحث اجتماعي ومراقب اجتماعي وباحث ضمان اجتماعي ومشرف اجتماعي بالنسبة لكم ماعندي أي علم . الوظائف المتاحة لك راح تظهر في صفحتك في جدارة مباشرة . |
ثواني الوقت...هل طلعت لكم الوظائف بعد الساعه 12 الليل على اساس بدء اليوم 24-6
ولا تطلع الصبح؟ |
اقتباس:
ووقت المفاضله تأشير صح للمؤهل الي بيقدم عليه... يلا الحمد لله والله يكتب لنا جميعا الخير... انا كنت مخططه اقدم بالبكالريوس مثلك خاصه نقاطي عاليه بعد مايئست من الماستر بس قلت اجرب هالمره.. |
ما اذكر والله . لكن اتوقع راح تفتح على اوقات دوامهم .
لكن عشر ايام راح تكفي وتزيد :D |
اقتباس:
اهاااا شكرا الله يعطيك العافيه أي تكفي بس متحمسه اشوف ايش الوظائف |
ان شاءالله خير
ماشفتي شي . قدامنا شهر كامل لين تطلع نتائج المفاضلة :D |
الله يعين وييسر للجميع يارب
|
الله يبشركم بما يسركم
بالنسبه للوظائف بما ان الثامنه قليل فمسكت كل مسمى وظيفه ودخلت على التصنيف بالخدمه المدنيه وشفت هل مطلوب تخصصي بهالوظيفة او لا ابيخ حركه سووها انك تدخلين مؤهل واحد. |
الحمدلله حصلت مثلي كثير سجلوا بالبكالوريوس
بس انا مشكلتي انه تخصص البكالوريوس احياء نبات والماستر ادارة تربوية وكل مره اسجل بالماستر ولا تتنزل وظايف قلت هالمره اجرب حظي في البكالوريوس بما انه نقاطي فيه عاليه اللي محيرني الحين هل اقدر اغير المؤهل ولا لا ؟؟ لانه تقريبا تخصص البكالوريوس ماله وظائف نازله بس تخصص الماستر ممكن لو مساعد اداري احترنا معاهم والله الله يرزقنا مانتمنى |
نزلت الوظايف يابنات
بس وظيفتين نزلت لي الله يقسم لي ولكم الخيره والرزق فيها |
^
قصدك اربعة.. وظيفة مساعد اداري على المرتبة الثامنة . في هيئة حقوق الانسان واحدة في جدة في وزارة العمل ثلاثة في الرياض. |
اقتباس:
مساعد ادراي بوزاره العمل بالرياض ومساعد اداري في حقوق الانسان بالدمام مافي بجده مو كاتبين عددهم؟ كيف عرفت ان وزارة العمل طالبه ثلاث؟ يارب يفرح قلبك والله فرحتني اربع احسن من اثنين |
وياك يارب :D
في جدارة ينزل لك الوظيفة لكن في نفس الوظيفة فيه شواغر . في وزارة العمل طالبين ثلاث مساعد اداري المرتبة الثامنة . ممكن لو تحملين جدول الوظائف للنساء من الخدمة بتحصليها تحصلين الملف باسفل الصفحة . http://www.mcs.gov.sa/InformationCen...4350610-1.aspx |
اقتباس:
اهاااا الف شكر طيب سؤال ثاني وسوري بزعجك هل فيه موقع او صفحه اعرف مهام هالوظايف الي جتني مساعد اداري بوزاره العمل وبحقوق الانسان |
هل من الضروره طباعة ملخص للطلب ؟؟
|
اقتباس:
أي ضروري لكن ممكن تحتفظي بالطلب وطباعته لاحقا 1-اضغطي على كلمة طباعه 2-اضغطي كلمة تغيير 3- بيجيك حفظ الملف واحفظيه واطبعيه لاحقا.. |
اقتباس:
لا عادي مافيه ازعاج ولا شي :D تفضلي.. https://eservices.mcs.gov.sa/rmcs/fu...px?chnid=40008 بخصوص العمل في نفس الجهة ماعندي معلومه... لكن واضح من الكلام ان الادوار مختلفه . والوضع يعتمد على القسم والمكان اللي يتم التعيين عليه .. |
اقتباس:
الله يعطيك العافيه ويسعدك الف شكر |
اقتباس:
|
اقتباس:
امييين وياك وجميع المسلمين:w |
مرحبا حبيباتي ,,, بما ان اليوم فتح التقديم وانا كلي حماس وامل في التقديم عليه ,, وكنت مقررة مليون في المية اني بقدم بالبكالريوس ,, بس الي صار اني كل ماادخل تخصصي بالبكالريوس يقولي لايوجد وظائف تناسب تخصصك ,, ياربي انفقعت مرارتي من ذي العبارة وارتفع ضغطي وبعددددين وابتدا يشتغل عندي العصف الذهني خخخخ ,,, وفي خلال ساعة قررت اني اروح اغير التخصص والشهادة الي كنت مقدمة فيها بالبكالريوس في جدارة لاني قدمت بالبكالروس على الماستر قلت لعل تطلع لي وظيفة حسب اقدمية البكالريوس ...
المهم واروح اعيد تقديم الطلب حقي واعدل الشهادة العلمية واحولها للماستر واقدم الطلب من جديد ,, وقبل هذا كله وكلت امري لله في تيسير امري ,, ( لاني عارفتهم بالتدقيق ليلهم طوووويل ) ولله الحمد كلها ثلاث ساعات ويجيني الرد بانه تم تدقيق الطلب و الانتها منه ويمكنك التقدم للوظائف المتاحة ,,, وكان انا اقرا ذي العبارة وهووووووبة طيارة على اللاب ماانلام فقعت قلبي البطالة ههه واقدم وتطلع لي الوظائف المتاحة لتخصصي مساعد اداري بوزارة العمل بالرياض 8 ,, ومساعد اداري بحقوق الانسان بالدمام .. ووكلت امري لله وقدمت على وزارة العمل بالرياض ... بس حرااام عليهم كل الي بيقدموا ماستر على ثمان وظايف بس في الرياض ,,, مااقول الا ربي يرزقنا من حيث لانحتسب ولايضيع لنا تعب يااارب .... وووووووو بس خلصت قصة حياتي لليوم خخخ |
وحيدة بمشاعري
الله يفرح قلبك مثل مافرحتيني قولي امين انا مثلك بالضبط كل مره اقدم بالماستر ومايطلع وظايف قلت اجرب هالمره بالبكالوريوس وحصلي مثلك وضاق صدري بس خفت اعدل وتنتهي مرحلة التقديم لانهم كتبوا لي انه التعديل قد لايمكنك من الدخول في هذه المرحلة من التقديم هل طلعت لك نفس عبارة التهديد يوم جيتي تعدلين ؟؟؟ فوقفت اي تعديل وكلمت على خدمة امر وقلت لهم قالوا بيعدلون لي ويردون علي وربي ييسر امري مثل ماتيسرت لك ويرزقنا جميعا مانتمنى طيب ياليت كل اللي طلعت لهم وظايف بالماستر يحددون تخصصهم والوظيفة اللي طلعت لهم لانه الحين هنا ناس يقولون طلعت لهم وظيفتين وناس ٤ وناس ٨ |
الساعة الآن 05:13 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين