السلام عليكم ورحمة الله وبركاته
كيف حال كل واحد باسمه
انا يا جماعة الخير قررت اني افتح محل واسترزق الله
والحقيقة انا فريت المنتدى قبل ما اكتب موضوعي وما لقيت جواب كافي
ابغى يا جماعة الخير احد يشرح لي خطوه بخطوه الاجرائات الرسميه من يوم استاجر محل لين الفيز وكيف الحصول على العماله بعد ما اخذ الفيز هل فيه مكتب يجيب ؟؟ او وش الطريقه
تراني ماني فاهم اي شي
وما فيه احد ولد متعلم
الله يجزا خير كل من فزع لي ودعوا له بظهر الغيب

تكفون يا اهل الخبره نوروني

74 مشاهده

سبحان الله وبحمدة

اذا انت بالشرقية اقدر اساعدك راسلني بالاجراءات اذا بعيد روح اي مكتب

صباح الخير
اولاً الله يرزقك الرزق الحلال

ثانياً

الاجراءات اللي انا سويتها عاد اذا تختلف من مكان لمكان ما ادري والله
أول شي تاخذ صورة العقد وبعدها تروح للغرفة التجارية وتصدق الصورة
وبعدها تروح للبلدية تعطيهم الاوراق عشان يعاينون المحل
للازمم المحل يكون عليه لوحة متر * متر عشان الموظف اللي يطلع يشوف المحل
وبعدها يرسلونك على الدفاع المدني ويطلبون منك فواتير عشان طفايات الحريق
وبعدها ترجع للغرفة التجارية وبعدها مكتب العمل

هذا والله واعلم

واذا الاجراءات اللي كتبتها ناقصه
ينورنا اللي يعرفها كويس

طبعاً فيه مكاتب يخلصون لك الأوراق
لكن بعض الاجراءات انت يمديك تخلصها
اذا وصلت لمكتب العمل وكل مكتب هو يخلص لك الاوراق 500 ريال

ان شاء الله اني افدتك بشي

الله يحرم وجيهكم عن النار
طيب اذا استاجرت محل باسمي سمعت انه مب ضروري اروح للغرفه التجاريه الا اذا كان عندي سجل تجاري
هل في البدايه اركب لوحه بعدين اروح للبلدية او من اول ما استاجر المحل اروح للبلدية بعدين لوحة؟؟
وبعد هذي اشتري طفاية واروح لدفاع المدني والا وش النظام ؟
معليش تحملوني

استغفر الله


اتمنى ان لا يبخل علينا احد بخبرته

الله يوفقك