السلام عليكم ورحمة الله وبركاته

وأسعد الله جميع أوقاتكم

الكتاب باين من عنوانه

اللي يشوفني يقول وش ذا الكاش البطران ، وأنا هنا لأجل هذا الموضوع

بزنس مان إلا تكة

والتكة هذي هي من بنات أفكاركم

عندي رأس مال طيب (مليون ريال) وممكن يكون مليون ونصف بدخول شركاء مساهمين (اخواني)

وطبعاً هي مغامرة لأن هذا هو كل ما أملك لا تقولون هذا كاش وجاي يستعرض
لا والله وتالله وبالله هي من تعب سنوات ، لكن احتاج إلا فكرة جهنمية مدروسة لمضاعفة هذا المبلغ في أقصر

ومقابل هذه الفكرة مبلغ كاش + نسبة (1%) عن كل نصف مليون أرباح لمدة خمس سنوات ، والله على ما أقول شهيد

والعقار الآن وصل الى قمته لا ربح فيه ، لأن لا أحد يستطيع الشراء بهذه الأسعار .
والتقسيط طيب إلى حد ما لكن تنظيمات الحكومة الجديدة أقفلت هذا الباب إلا لمن يمتلك رخصة

انتظر تغريداتكم بارك الله فيكم وبارك لنا في أفكاركم

مشاء الله ...
اولا/ مانبي نسبة نبي نشتغل في مشروعك
انا فكرتي (عماره تجارية او كفي في احد المحطات )
لاني اول مشاركه بموضوعك لي نسبة من الان اقولك

[align=center][/align]الله يعطيك خيرها و يكفيك شرها

بس على حسب بحثي بقوقل و غيره ان المدارس الخاصه تدر ذهب و ممكن فلوسك تناسب هالمشروع

و كمان مع تطور التعليم يلزم بدراسة الروضه اشوف هالمشروع مربح اكثر من السابق

و بالتوفيق و لا تنسى نسبتي من الارباح ��

وانا انصحك عمارة تجاااارية ( في تجربة اكدت لي هالشي )

طيب مشغل نسائي وانا المديرة هههههههه

جد والله في افكار كثيرة بسرد لك اللي جاء في بالي واحسه ماشي

1/ محل تجاري (حلاق +بقاله +محل خضار +محامص+حلويات )
2/ مشغل نسائي راقي
3/ مستوصف خاص
4/مكتبة (خدمات طالب )


طبعا كل فكرة من اللي عرضتهم معروفه من قبل بس دراسة المشروع لابد ان تكون صحيحه وفيها بعض الافكار

على سبيل المثال (اتذكر لما كنت في مستشفى اتدرب كان في محل اسمه (قهوة الكيف ) يوصلون لنا (قهوة عربية +معمول +نعناع +حليب ............ الخ )
للدوام ولما يجي نهاية الدوام ننزل له الثلاجات عند السكيورتي واشوف ثلاجات كثير يعني محلهم ماشي مشاء الله
وكانت الثلاجه الوحده ب20 ريال يعني اتوقع المشروع ذا بيكون ناجح لو اندرس صح
واهم شي اذا اعتمدت هالمشروع انا القهوة توصلني مجانا مابي نسبة من الارباح ههههه
وبالتوفيق ,,,

بالنسبة للمشاغل والله على حسب السمعه يعني شغلهم كويس لو كان بعيد نروح له وبعدين من قال مناسبات واعياد بالعكس لازم المشغل بين فترة وفترة