للسعوديين فقط (رجال) وظائف بمطار الملك خالد الدولي بالرياض (الصالات الدولية).
 

تعلن شركة إمداد التابعة لشركة علم لأمن المعلومات عن وظائف بمسمى (مسئول خدمة عملاء).

.

.

.
.
.

الشروط:

· التحدث باللغة الإنقليزية بمستوى جيد.
· ان يكون غير موظف او مسجل بالتأمينات.
· الحضور بالزي الرسمي.
· إحضار صورة وأصل الهوية الوطنية.
· إحضار السيرة الذاتية وصور من الشهادات.
· ان لايزيد عمر المتقدم عن 35 سنة.

.
.
.
.

شكراً لك

واللي معاه خبره خطوط سعوديه

وخدمة عملاء

لكن شهادته متوسطه

ماتقبلونه !

يعطيك العافية يا مستشار :)

لا أعتقد بأن ما ذكر بالإعلان صحيح من ناحية هذه النقطة :
الراتب: يبدأ من 7000 ريال ويصل لـ 9000 ريال.

عند اتصال شركة إمداد قاموا الإخوان مشكورين بإعطائي العرض الوظيفي ولا أجده محفز لخوض المشقة إلى المطار :)

اخي العزيز أؤكد لك الرواتب كما ذكرت من 7000 حتى 9000 ريال ويحدد بالظبط حسب الخبرات والمؤهل وبعد اجراء المقابلة الشخصية وفي كل الأحوال لن يقل عن الحد الأدنى وهو 7000 ريال وفي حال اختلف العرض المقدم لك بعد قبولك عن ماهو معلن عنه يحق لك الرفض.

تحياتي,,

السلام عليك ..
هل لديكم وظائف نسائية يفضل مطار القيصومه او الرياض او الدمام

انا اشتغلت بالراجحي خدمة عملاء 3 شهور هل تحسبوها لي خبرة ؟؟
ادري سؤالي شاطح بس تحملوني :k هههههههههه

حياك الله مرةً أخرى , أجريت المقابلة في نفس الشركة الأم ومن بعدها إختبار اللغة الإنجليزية ثم بعد ذلك تم قبولي وعرضوا الراتب وهو أقل من 7000 ريال , فلذلك كتبت ردي السابق عما حدث معي :)


لا يوجد لدي أدنى شك بأنكم تقومون بعمل وجهد لتوظيف الباحثين عن عمل ولكن الشركات الطالبة عليها حركات أونطه :)

لو خبرتك يوم واحد أعقلها وتوكل على الله على أي وظيفة حاب تقدم عليها سواء مشروع المطار أو غيره :)

شروط سهله وميسره واهم شي الرجل المناسب في المكان المناسب بالتوفيق للجميع ان شاء الله

مستشار طاقات انا كنت مقدم على نفس الوظيفه هاذي بشركة علم نفسها بس من طرفكم وسويت مقابله شخصيه واختبار انجليزي وجاني من شهر مسج اني اجتزت المقابله هل اجي مره ثانيه اقدم ولا خلاص

الاستاذ / مستشار طاقات
السلام عليكم ورحمة الله وبركاته
انا موظف حاليا بوظيفة سكرتير المدير العام ومسجل في التامينات الاجتماعية ولدي رغبة في العمل لديكم .
فهل شرطكم عدم التسجيل في التامينات اجباري او انه يمكن التغاضي عنه .(مع العلم ان خبرتي الادارية اكثر من 7 سنوات)

مالمقصود بالزي الرسمي !!

الزي الرسمي هو الثوب والشماغ

انا كلموني نفس الشركة اليوم شركة امداد وعطوني عرض الوظيفه لاني اجتزت المقابله الشخصيه والاختبار الانجليزي والعرض حقهم كان 5800 ريال مو 7000 فما ادري ليش كذا ؟:tsfiq:

من المفروض الرواتب ان لاتقل عن 8000 للثانوي لان مسافه المطار جداا بعيد وايضا مميزات شركه امداد ليست مثل مميزات شركه علم

الله يجزاك يا غالي
وين موقعكم بالرياض بالضبط

هههههههههههههههه
خلي الجامعي ياخذ 7000 ريال في الاول

انا قدمت عليهم تقريبا من شهرين .. كان في اعلان من شركة علم نفسها ان في وظائف بمشروع المطار الملك خالد براتب يبدأء من 7000 ريال مثل مو كاتبين اللحين وقدمت عليهم وكلموني علم ورحت عندهم اول مره مرسم وكل شي وسويت مقابله عاديه اسأله عاديه وتكلم عن نفسك بالعربي والانجليزي وكذا وبعد ما تخلص المقابله يقولولك جهز نفسك للاختبار الانجليزي بعدها باسبوع ويحددولك موعد لاختبار الانجليزي وتختبر كمبيوتر 45 سؤال وبعدها لو نجحت يرسلولك مسج انا نجحت وجاني قبول من شركة علم وفجاءه اليوم اتصلو علي شركة امداد قالو انت مقدم لشركة علم قلت ايه قالو احنا شركة تابعه لهم وعندنا عرض وظيفي لك براتب 5800 ريال تبي الموافقه ولا لا .. قلتلهم اوك احسن من ولا شي

حياك الله اخوي

الموقع: مدينة الرياض - طريق الدائري الغربي تقاطع طريق المدينة المنورة - مخرج 28 - بجانب وكالة هونداي القحطاني

تحياتي,,

اغلب الشركات اعلاناتها فقط للجذب بس الواقع يختلف

جزاك الله خير على هالمعلومة يعني هي بالأصل شركة واحده يعلن بإسم برواتب كبيرة
ويتصل عليك من الاخرى يعطيك عرض أقل طبعا انت مجبر بقبول العرض شي أحسن من لاشي
وبالطبع هم عارفين وضع الشباب السعودي مافيه وظايف يعني غصب يوافق على العرض

إن شاء الله ماتكون كذا

هو بصراحه العرض مو سيء 5800 ريال بس المشكله انهم يكتبون يبداء من 7000 وين السبعه ما شفتها ولما كلمتهم انا لشركة امداد وسألتهم ان كيف تقولي راتبك خمسه وانا شفت الاعلان الراتب يبداء من سبعه رد علي وقالي لي هذا اعلان وهمي وكاذب احنا رواتبنا كذا وحتى للي معاهم شهادات ثانويه نعطيهم اقل من خمسه بس انا لان شهادتي دبلوم بس مدري هل ممكن للبكالوريوس يعطون سبعه الله واعلم

وعلى فكره شباب لو احد يبي رقم شركة امداد عشان يكلمهم ويستفسر هو بنفسه يطلبه مني انا بس اقدر اعطيكم رقم التلفون اللي اتصلو مني عليه لما عطوني العرض الوظيفي فيكم انتم تسألون بنفسكم

خذ لك على سبيل المثال ما حصل معي :


شركة جديدة راح تفتح في الخرج , متعاقدة مع دائرة حكومية مهمة , إعلانهم الرواتب لا تقل عن 5500 ريال , رحت لباب رزق جميل فرع الرياض , سويت المقابلة الشخصية , صدمني بعرض الراتب , 4000 ريال و مع خصم التأمينات تقريباً يصير بحدود 3700 و شوي , سألته عن الإعلان و الراتب 5500 قال ذا ع حسب شغلك ( يقصد خارج الدوام ( الأوفر تايم ) ) , قلت له طيب اكتبوا كذا في إعلاناتكم التوظيفية , حتى يكون عند المتقدمين خبر , قال مهمتنا نسوي المقابلات للمتقدمين و بس .




أعتذر عن الإطالة ..

يا شباب انا قبلوني واحتمال ابداء معاهم يوم الاحد بس براتب اقل شوي بس انصحكم تقدمون فيها لانها وظيفه راقيه والبيئه كويسه وشركة علم شركة مره محترمه وشركة كويسه انا اعرف واحد شغال فيها ويمدح فيها ورواتبها احسن من غيرها يعني حتى لو الراتب خمسه ونص احسن من غيرها معظم الاماكن تقول اربعه وثلاثه هنا دوامهم 8 ساعات واجازه يومين ودوام بالمطار تستانس مع الناس والمسافرين وكل شي فانصحكم تقدمووووووون

أهم شيء الراحة النفسية وبيئه العمل والله يوفقكم جميع

الله يعطيك العافية
لكن بسالك الاختبار الانجليزي ايش كان عنه بالضبط يعني اسالة عامة
وكم جلست تنتظر الرد بالقبول
وشكرا لك
:h

حبيبي اختبار الانجليزي سهل مو صعب لشخص متوسط بالانجليزي بس لو واحد مبتدأ او ما عنده اي سالفه بالانجليزي اكيد ما بينجح .. هو عباره عن 45 سؤال كلهم خيارات ما بين القواعد والاستماع والقراء لقطعه معينه وانت تختار بين الخيارات .. بالنسبه للرد يجيك رساله من شركة علم يا مقبول يا مرفوض ولو جاك قبول بتحتريهم اسبوعين لين ما يظبطون اوراقك بعدين يكلموك عشان تجي توقع عقد وتختار اي وقت مناسب لك تجي تبدأ عندهم بس انا ببدء معاهم بأسرع وقت لاني طفشت من جلسة البيت وبعدين دوام المطار مره وناسه وفله ووظيفه مره الناس تمدح فيها وعلى فكره شركة علم من اكبر الشركات الحكوميه بالسعوديه ومعاملاتها مره كويسه والسعوده فيها ميه بالميه انا انصحكم لا تفوتونها وظيفه مارح تلاقون مثلها

انا رحت لهم اليوم اساعة 11 قالو خلاص ما نستقبل العدد وصل 100 تعال الاسبوع الجاي الله يستر

هلا بك يا غالي
وانا بعد رحت لهم امس وقالوا العدد اكتمل تعال لنا الاسبوع الجاااااى

اخي الكريم مستشار طاقات

اشكرك على جهودك لتوطين الوظائف لشباب الوطن والله يوفقك

لطفا لدي خبرة تسع سنوات في خدمة العملاء في شركة من اكبر شركات الاتصالات العاملة في المملكة ولغتي الانجليزية ممتازة الحمد لله
هل استطيع التقدم علما اني من مدينة جدة؟ومتى اقدم لاني بجي من سفر من جدة واذا كان لديك وظيفة مناسبة لخبرتي في جدة او اي مكان اخر اكون شاكر لك

تحياتي لك

ولله شكلي بتحمس انتظرهم بس الله يستر من اللغه هي المشكلة
عموما يعطيك العافية:m

اشكرك الاعضاء الطيبيين على طرح تجاربهم ..

اعزائي اعضاء المنتدي

للامانة ساقولك لكم ماحصل معي

انا تقدمت لهذه الوظيفة وعملت المقابله وتحدثت معهم عن الراتب وطبعا انا حاليا راتبي اكثر من 8 ووعدوني براتب اعلى واتفاجا باتصال الموظف يقول لي الراتب 6800 طبعا بعد خصم التامنيات شوف كم يصير 6100 ريال علما باني دبلوم وخبرة 9 سنوات فاكيد مافيه انسان بيطلع براتب اقل الا اذا كان لدية مشكلة في شركتة

للتوضيح فقط ...ودعواتي للجميع بالتوفيق