بنك البلاد
 

انا وصلتني رسالة ايداع من حافز ولما رحت اسحبها ما لقيت شي بليييييز اللي يعرف حل يقولي المشكلة من البنك ولا حافز :c

هي وحده من الثنتين يا الصراف مافيه فلوس يا واحد من اخوانك ساحبها. لنئ اذا اودعت بحسابك تنزل لك

انا الشهر الماضي جتني رسالتين من الموارد نزل لي 1500 و1500 يعني اودعو حافز مرتين المهم رحت للسوق وشفت حسابي 3000 وسويت نفسي عندي ذمه وضمير وفلوس مو لي ماابيه واسحب بس 1500 واتسوق واول ماخلصت فلوسي بدى ابليس يوسوس لي اعوذ بالله منه قال حلال واعتبريه قيمه فلوسكم يوم عندهم وهذه قيمه انتظاركم والسوق يهبل وتخفيضات وانطلق للصرافه واسحبه على طول واشتري فيها وتطير بثواني مافيه بركه واجلس مع تانيب الضمير شهر كامل وتجيني رساله اليوم الفجر اودعو حافز وارسل زوجي للصرافه اسحبه قبل لايدرون اني سارقتهم الشهر الماضي ويروح ويلقى الرصيد صفر قال مافي دراهم قلت استاهل يوم اسرفهم بس ياخوفي يخصمون الشهر الجاي يقولي زوجي والله مايخلونك كل شهر يخصمون :m

وعلى فكره انا بنك البلاد وكل الي جاهم دبل من بنك البلاد

اقول قولي لزوجك عطني ورقة كشف حساب مختصر من الصرافة لا يكون هو اللي يخصم ليس ذالك سوء ظن بزوجك ولكن ليطمئن قلبك

دام وصلتك تم ايداع يعني رساله من البنك ، معناتها نزلت لك بحسابك لو حافز مانزلوا لك شيء ماتوصلك رساله من البنك .. انا ما اشكك بزوجك بس زي ماقالت الاخت فرافيرو اطلبي كشف الحساب او شوفيه انتي بالاون لاين او روحي للفرع ، بالنسبه للخصم مايجيك خصم كذا الا اذا ماحدثتي وكملتي الدورات

حتى انا اختي في بنك البلاد جاتها رساله 4.5 دقايق الفجر
و4.8 دقايق الفجر مرتين
والمشكلة الباسورد تبع البطاقة مضيعينه واليوم رحنا قالوا لازم معرف
عاد شكله 3000 حقت شهرين نزلت في شهر واحد عادي أتمنى أنهم يغلطون ويعطونيها كامله
يعفوني من التحديث والتدريب

معليش ماقدر اشك بزوجي صرافته وصرافتي وحده هذا اولا ثانيا لو يسحب هلله تجيني رساله على الجوال وانا متاكده هم اسحبوه لنهم نزلو حافز لي مرتين الشهر الماضي وكثير الي نزل لهم دبل غيري نزل له 6000 ودي الي جاهم دبل الشهر الماضي يقولون لنا هل خصمو عليهم هل جتهم رساله ايداع ولقو حسابهم سالب ودي اعرف ولحد يشككني بزوجي مادرى عني ولا عن صرافتي الله منعم عليه ومايحب عيشه الحرمه لاني انشب بحلقه واخليه يلعن الساعه الي فكر ياخذ ريال مني صدق حريم منانات :i

انا نزلت لي 4000 الف ريال ف الراجحي امس

لحد لحين ما صرفت شي منها ابدد

قلت ي وحدهه من ثنتين ي انها فيهه حاواله بالغلط ولا حافز عطيني شهرين !!

انا كذلك حصلت الشهر الا فات 3000
وايوم ارسلو لي تم الايداع 1500 وبصرفها استعلم طلع صفر