حلول البطالة Unemployment Solutions - شركات التوظيف بين الحقيقة .... والوهم

حلول البطالة Unemployment Solutions (https://www.btalah.com/index.php)

- الفساد والجــريمة (https://www.btalah.com/f23.html)

شركات التوظيف بين الحقيقة .... والوهم

*شركات التوظيف ..بين الحقيقة والوهم

بسم الله الرحمن الرحيم

دائماً إعلانات الشركات تكون واضحه حيث يكون*
التقديم لها عن طريق إيميل شركة أو رقم فاكس مع رقم ثابت فيه سنترال.
الإعلانات اللي تجي بارقام جوالات أو إيملات هوت ميل او غيره غالباً تكون من صائدين الوظائف (نصابين، مؤسسات أو شركات توظيف هابطة ونصابه)هناك تفصيل لهم:
1. النصابين: قبل فتره قريبه اصدرت وزارة الداخليه تحذير هام جداً جداً بخصوصهم فكثير منهم يستفيدون من معلومات الناس بامور كثيره وخصوصاً الموجودة بالسيرة الذاتية. وشبابنا للأسف غير مثقف وطيب مره و على نيته من جد. هناك سير ذاتية*أكثرها لسيدات وبعضها فيها صورهم وبياناتهم كامله*هذا الجهل وعدم الحس بالمسئولية وعدم الإحتياط
2. المؤسسات و شركات التوظيف النصابة و الوهمية: للأسف فيه كثير من الجهات هذه متفقه مع الشركات على أساس التوظيف مقابل المادة (الفلوس) فيتم الإعلان ويجون الناس يتقدمون و يواعدوهم ويدفع المتقدم من*30إلى*50*ريال حق تقديم الطلب وبعدين يدفع100*ريال رسوم إدارية لإجراء المقابلة وبعد ما يتوظف يدفع من*200*إلى*500*ريال و يأخذون من*15% إلى*20% من إجمالي رواتب الموظف لمدة عام من الشركة اللي وظفوا فيها
وفي حاله ما توظف الشخص ما يرجعون له اللي دفعة*
ويعرضون عليه وظائف ثانيه وبيدفع مره ثانيه عشان يسوي*
مقابله أو لما يتوظف.

وش رايكم نحسبها بطريقة عمليه بأقل التكاليف
لو شركة طالبين*400*موظف
تخيل لو يخذون شركات النصب رسوم تقديم فقط وقدرها*100*ريال فقط فكم راح يكون المجموع احسبوها
يصير المجموع*40000*الف ريال
في أقل من*3*أيام عمل
فتخيل لو كان عندنا عدد كبير من الشركات وياخذون رسوم من المتقدمين فقط من دون ما ياخذون أي شيء من الشركات
راح يوصل للملايين في أقل من شهر واحد
هناك شركات مثل باب رزق جميل ما يأخذ أي رسوم على الناس نهائياً عشان يلاقي حل لهذه القضيه و عشان يحاربون هالشركات الهبطة النصابه
شعار باب رزق (نساعدك في سعيك للرزق)
و المصيبة وزارة العمل تحارب هالشركات الوهمية
لكن هالشركات صارت توقع عقود مع الشباب و المصيبه ان الشباب أغبياء
ولما يروحون يشتكون لمكتب العمل ينصدمون ببنود العقد.

لذلك وجب الحذر والتنبية ..
للأمانة : منقول:Thumbs:
أنا نزلت هذا الموضوع ﻵني سبق وتضررت من إحدى شركات التوظيف
أستغلوني إستغلال سئ و كانت معاملتهم لي سيئة جدا حتى أنني لم أستطع إكمال 3 اشهر لديهم لن أذكر جميع التفاصيل هنا ولكن أردت فقط التحذير و التنبيه لعدم التعامل معهم
وأطلب أن يصل صوتي لوزارة العمل لكي يسحبو من هذه الشركات التي تتاجر بأحلام الفتيات و الشباب بأن يسحبو تراخيص العمل منهم

اقتباس:

المشاركة الأصلية كتبت بواسطة نجمة النجوم (المشاركة 8167540)

دائماً إعلانات الشركات تكون واضحه حيث يكون*
التقديم لها عن طريق إيميل شركة أو رقم فاكس مع رقم ثابت فيه سنترال.
الإعلانات اللي تجي بارقام جوالات أو إيملات هوت ميل او غيره غالباً تكون من صائدين الوظائف

صدقت

إعلاناتهم تكون فيها وسائل الاتصال أما جوال أو ايميل هوت ميل او جي ميل او ياهو ( بمعنى انه ايميل غير رسمي لموقعهم )

لذلك الحذر ثم الحذر

ﻻ حول وﻻ قوة إلا بالله

ينقل الى قسم الجريمة ---- وشكراااا على التحذير جعلها الله فى ميزان حسناتك

حسبي الله ونعم الوكيل

أغلبية الشركات التي تسعى للتوظيف هي بالأصح تسعى للحصول على مبالغ تقديم النماذج فقط

بارك الله فيك

والله لو يفتحون الآدارات الحكومية حق الجميع كان حنا بخير

وشركة جسور للتوظيف اللي طرحتها حافز وش وضعها؟

اقتباس:

المشاركة الأصلية كتبت بواسطة فضل (المشاركة 8167803)

وانتم يالمشرفين وينكم ؟؟ كل ردودكم جزاك الله خير وتمشي
:z

والله هالايام الواحد لايعتمد على مكاتب التوظيف يعتمد على نفسه قل وشلون
الواحد لازم باقصى شي انه يحصل على مؤهل بكالوريوس سواء انتظام او انتساب
عشان القطاع الخاص يحترمك انا توظفت باحد البنوك طبعاً مؤهلي دبلوم ويعاملونك كاثانوي
يعني يطلبون منك تحقيق ارباح (تسويق فيزا قروض شخصية او عقارية) واذا ماحققت نعطيك انذار فصل
واذا جتك شكوى من احد العملاء ياوووووووووويلك من الادارة ومديرك المباشر تهديد لمدة اسبوع بالفصل واما اذا كانك جامعي مدير المنطقة يحترمك حتى لو تمشكلت مع عملاء بيقولك وش سالفتك مع العميل واذا قال الجامعي الاسباب يصمت مدير المنطقة لان مدير المنطقة عارف ان الجامعي بامكانه يحصل وظيفة باي مكان سواء حكومي او قطاع خاص انا اتكلم عن الرجال فقط اما النساء مادري
وهذا استقلت من البنك وفرغت نفسي لدراسة البكالوريوس الانتساب لان الانتظام مافيه احد قبلني بسبب ان الثانوية عدت 5 سنوات ودعواتكم لي بالتوفيق والحصول على البكالوريوس الي تجعلني كالسيف لمحاربة المدراء الفساد والرد عليهم بمؤهلي الجامعي واي واحد ينقز ويقول معد فيه وظايف بالجامعه معليش اقولك انت كذاب وهذا والله اعلم.<<< يتكلم بحرقه

حسبى الله ونعم الوكيل

صدقت

سكرا لك

-
جزيت كل خير على التنبيه
المفروض تردعهم الوزارة بعقوبات وتشهير عشان يبطلون استغلال لأبناء البلد
ومن جهة ثانية ضروري كل متقدم على وظيفة انه يعرف نظام العمل وحقوقه وبالذات النساء
الله يكافينا شرهم ..

[align=center]
السلام عليكم ورحمة الله وبركاته

اخي الكريم الكلام اللي تقوله تخويف لمن لديهم شهادة الثانوية العامة والدبلوم ممكن مدير قسمك جاهل اداريا لاكن اذا انت تشوف انك ع حق عندك مكتب العمل يأخذ حقك وينصفك جهلنا بالقوانين وتوقيع العقد هو اللي يضرنا لازم الواحد قبل لا يوقع عقده يقراه قرائه تامة ودقيقه واذا كان هناك أي شي بالعقد تقدر تحاجهم قبل ان توقع العقد الخطا اللي نقع فيه بعد توقيع العقد دائما نكتشف انه البند هذا موجود في العقد

انا معي شهادة ثانوية وتوظفت بعدة شركات وقائم بشغلي ع اكمل وجه والحمد لله ما واجهت ايت مشاكل مع الشركات لأنه اعرف اوقع ع ايش والحمد لله انا الان مدير مركز للتدريب وشهادتي ثانوية

كلامك صحيح انه الشهادة الجامعية ظرورية لحياة عملية افضل وانا معاك بالكلام هذا

نصيحة لكل من يعمل احب عملك لكي تنجح فيه العمل والمواظبة سر نجاح الموظف ولاتخلي أي شي يفتح العين عليك مثل الحظور والانصراف والغياب واسال الله التوفيق لكل مجتهد

آسف ع الاطالة تقبل نقدي وشكرا

الكلام موجه للاخ زاحف الليل وشكرا
[/align]

ماشاء الله لاقوة الا بالله

لاحول ولا قوة الا بالله

جزاك الله خير

الله يكتب لك الي فيه الخير .. ويرزقك من واسع فضله ..

بعض الاوقات الشخص يصبح لديه حل واحد فقط وهو التوجه لشركات التوظيف

خاصه بعد ان يجلس شهور يراسل الشركات اللي تنزل اعلان بالمنتدى و مواقع التوظيف
ويرسل سيرته الذاتيه لهم ورسائل لا تعد و لا تحصى و اخرتها ولا اتصال واحد يجيه

فهنا يكون مضطر التوجه لشركات التوظيف

في النهايه شكراً لك على التحذير و الله يجعلنا نتوظف بدون شركات التوظيف وجميع العاطلين

للاسف الشديد الشركات الوهمية والجرائم الالكترونية انتشرت بشكل كبير في اخر 5 سنوات.

الله يعين يا رب

ياكثر الشركات النصابه ، واكثر منها الوهميه

انا اشوف ان ظهور هذي الشركات النصابة وحتى الشركات المعروفة بايميلات رسمية للشركة مثل الفيصل والحلول ووالجوهروغيرهم كثير
ليه ياخذون فلوس والمشكلة من هذي الشركات مرتبط بموقع التوظيف التابع لحافز يعني الحكومة موافقة عليها؟ وتدعمها!؟
مااقول الا ربي يكشفهم ويكفينا شرهم
عني اي شركة تطلب فلوس ارفض اقبل منهم وظيفة

الشركات الوهمية للاسف انتشرت بشكل كبير من المسؤول؟!

اغلب شركات التوظيف ليس لديهم مصداقية من تجربة معهم .

جزاك الله خير

سلام عليكم
انا جاولت اكتب موضوع مستقل
ولكن ماقدرت مردي ليه

القصى الي صارت
انا ابحث عن وظيفة
دخلت طاقات وبحثت
طبعا بحثت في الشرقيه فقط
انا من الاحساء

اخترت المنطقة الشرقية
اللي بالاحساء اقدم عليهم

شفت اعلانات وقدمت
من بينها شركة الاساس الطبي
وظيفة محاسبة وهذا تخصصي وقدمات
كذا مرة ادخل وارسل لهم

هذا اعلانهم ومكتوب المبرز الاحسا

المهم انا قدمت الاثنين

جاني اتصال
نفس اليوم
المغرب وقت الاذان
من رقم جوال
مارديت
بحثت عن اسم الرقم
طلع دكتور ومعروف
فاطمنت ان مارح يتلاعب

كلمته وتس
قلت مين
قال مقدمة وظايف قلت اي
من انت
قال فلان
اسم الدكتور نفسه
وعطينا تفاصيل عنك

قلت له روح شوف السي في

قال السي فيه فيه فقط رقمك وايميلك واسمك
لانه من طاقات

وبكرا المقابله
والوظيفة هي استقبال في المركز

قلت له ماقدر خليها الخميس

اجي افتح الايميل يوم الخميس
القى منه رساله تحذير ان لا تردون ع اي جوال

طيب بعد ايش الكلام هذا ؟؟؟

الاتصال الاثنين
والرساله الاربعاء !!!!!!!!!

كلمتهم
قالو الجوال مسروق
من سبوع

طيب اول مانسرق كان ارسلتم تحذير

فرضا انا رحت المقابله الثلاثا
وتحذيرهم الاربعا
ايش حستفيد ؟؟؟؟

كلمتهم
من انت قال المدير
قلت وين الدكتور الفني
قال هذا استقال من 8 شهور
وراح للعلاج من 5 اسابيع !!!

طيب مفروض جوال المركز باسم المركز

والايميل ايضا باسم العمل

وليس باسم الشخص

انا اعرف ان هالقصص تصير

لكن من طاااقااات ماتوقعتهااااا ابدددددددد

يفترض هم موقع مسووول
يتاكد اول قبل يعلن

ماحنا في تويتر وخبصه

ثانيا وال العمل يكون
بو لمبه

فكيف هو دخل من موقع شركته لطاقات وخذ ارقام اللي قدموه عليهم

كيف كيف كيف ؟؟؟؟

ثانيا الصوت اللي كلمني اول مرة

هو اللي رد علي الخميس
وسكر بوجهي

احذرو من طاقات

وللحين ماعرفت الحقيقة انا

هل هي شركة وهميه
او فعلا جوال مسروق

من اللي لعب

والدكتور باسل بحراني وينه مدري
هل هو الي لعب
او فعلا استقال منهم

ايش الحقيقه مدري

_________
حبيت ادرج نقاط مهمه
1- اي اتصال من جوال عشان شغل لا تصدقوون
2- حتى لو ثابت بحثو وتحققوو قبل ولا تروحون الا بعد يومين عشان تبحثون صح
3- خذو رجال معاكم يالبنات واذا المكان مشبوه فيه تركوه لا تدخلون
سالون عنه زييين

وسلام
Like

ألوزارات المعنية لتوظيف المواطنين والمواطنات هم شركاء حقيقين لمثل هذا الإجرام والنصب والحقيقة هناك الكثير من رجال الاعمال وموظفي اللدولة أيااديهم ممدودة لمثل هذه الإحتيالات لما فيها من كسب للمال . .
ومع الأسف أصبح مجتمعنا ضحكة والهوامير شوكة في نحر المجتمع وطالبي العمل بشكل خاص.

يابلادي واصلي . .
الله معاكي . . واصلي . .

كثير يجي تنبيه من الاداره يحذرون من ارقام الجوال ولإيميلات الغير رسميه
والعاقل خصيم نفسه

لاحول ولاقوة الا بالله

اقتباس:

المشاركة الأصلية كتبت بواسطة طفشت جالس بالبيت (المشاركة 8468822)

وانتم يالمشرفين وينكم ؟؟ كل ردودكم جزاك الله خير وتمشي
:z

طيرت جبهااات يالطيب

الفساد موجود والتستر موجود ... ولكن حذري من النصب والاحيتال وبذات الاخوات .....