انا معلم في صبيا نزل تعييني الحمدلله هالفتره

بالنسبه لجيزان جميله جدا اسواق ومطاعم وبلد راقي اذا جيتي في نفس جيزان هذا شي جميل

ولو جيتي بقراها اسكني بجيزان نفسها لان كلها متقاربه من بعض مو بعيده كثير يمكن ابعد شي مية كيلو تقريبا

والشي الجميل ان فيها مطار وكل يوم ثلاث رحلات للرياض لكن فيها سلبيه وحده اللي هي ان السكن غالي

---

نجران ماعندي خبر عنها لكنها جبليه على حد علمي والحلو فيها ان عندهم مطار

---

بيشه فيها مطار , بيشه لو تجيك حلوه ماتشيلون هم البعد مثل لما تكونون بمنطقه حدوديه

--

سراة عبيده ماعرف عنها شي

وبالتوفيق ودام معك محرم صامل اقضبي وظيفتك ولا تخلينها سنه ان شاء الله ويزين النقل , واذا عندك احد ظروفه الصحيه غير جيده ممكن تتساهل معك الوزاره

اعرف وحده درست سنه بعسير وبعدها نقلوها للرياض عشان ابوها ظروفه الصحيه غير جيده , صح قروشوهم اوراق ثبوتيه وكشوفات بحالة الاب لكن الحمدلله بعد هذا كله مدرسه وبحارتهم

جازان نفسها مايختلف عليها اثنين بس الخوف من الجبال بني مالك وفيفا والحرث والجوف وهروب وسلا وعبادل بس زي ما قلت اهم شي عندنا البنات المحرم يصبر واحسن شي في الوظائف التعليمية ان النقل سنوي

طايحة حظ ... استخيري وانا اختك ما تدري الخير فين لك ، والي يستخير ما يندم باذن الله ينفتح له وييسر له الخير ربي
لكن بقولك معلومة قبل فترة جاء تصريح نائب الخدمة المدنية او نائب وزارة التربية شخص ثاني المهم قال انو ممكن السنة الجاية او الي بعدها بيخلون اختيار المناطق اربعة رغبات فقط للنساء ، فانت فكري زين واستخيري وربي ييسر لك .

يعتمد على المكان الي عشتي فيها على العموم افضلها وراح تدعيلي
سراة عبيدة - نجران لانها قريبه منها - بيشة على ساحل - ثم جيزان

نفس الشي راح احطها برغباتي هذي السنه بإذن الله بس انا مو شايلة هم لاني من الجنوب
وعلى فكرة كل المناطق بعيدة عنا ولا اعرف شي عنها
لكن مستعده اني اصبر سنه وسنتين عشان الوظيفه
توكلي على الله كلها سنه ويجيك النقل بإذن الله ^_^

لختي ركزي ع الاحتياج الكبير
مثلا
لنقول جازان. عدد الاحتياج 200 مثلا
راح يكون فيه احتياج لنفس المدينة جازان واماكن كويسة
انتبهي من الاحتياج القليل
لان الاحتياج فيه معروف وهو فيه قطاعات سيئة
وفي مدارس سيئة ومستحيل يكون في نفس
ف نفس مدينة ادارة ااتربية والتعليم
الا ما ندر

ثانيا
بخصوص بيشة كمدينة حلوة لكن الخوف من قطاعاتها التابعة لها
واسو قطاعين فيها تثليث والامواه
القطاعات البقية يعني مقبولة نوعا ما وتقدر تداومي من نفس بيشة
انا اشوف بيشة تجعليه خيارك الاخير
لان اخاف عليك تجين في مكان مو كويس

وبالنهاية كل شي بالتعود. راح تتعودين عادي

وانا من الآن اقولك
خشي ع رابط المسبوقين في حركة النقل الخارجي
وشوفي افضل القطاعات واقلها عددا
عشان تقدرين تنقلين بإذن الله من اول سنة

واذا ما اعجبك اامكان اللي تعينتي فيه
مشيها السنة الإولى
بس العبيها صح في حركة النقل

يعني ضعي مناطق كويسة قابلة للحياة
ومتطورة تقدرين تجلسين فيها سنتين ثلاثة
انا قلت كذا وانا م ادري عن تخصصك
وكيف قوة حركة نقله

وتوكلي ع الله اولا واخرا

عذرا اطلت ولكن لغرض افادتك

ههههههههه الله يسعدك ضحكتيني لما قلتي مسلحين .
يا حياتي واذا مسلحين تفكرينهم بيهجموا عليك ويقتلوك ترى الدنيا أمان
والمحرم معاك لا تخافي .
وجازان اعرف ناس منها محترمين زي العسل وبيشه مره رحتها زيارة جيدة حتى
احسن من منطقتنا وفيها مولات وأسواق جميلة والله .