|
ساعدوني فهالمصيبه
بختصر لكم الموضوع لان ماعندي وقت بنطرد فاي لحظه
من لم جيت عدنيا وامي ماتبغاني لان كانت تبغى ولد وكانت تعذبني اشد عذاب من كي وضرب وتحرش ابوي علي مرضت نفسيا وجاني مرض مزمن ربو وحساسيه المهم جلست عشرين سنه وانا اتعذب منهم لمن اخذت الثانوي رفض ابوي اني اكمل الجامعه ترجيته جلت 5سنوات فالبيت كل يوم ابكي واتعذب ابغى ادرس بعدها انخطبت لاول واحد يدق بابنا وقبلت فيه على طول وقلت الحمدلله فرجت ان شاءالله اكمل الدراسه تنازلت عن كل شيء حتى مهري كان قليل مره وزواج اي كلام لمن جانا كان شكله مريض وكنت بين خيارين جهنم الناس الي اسمهم اهلي او الزواج والجامعه واخترت الثاني لان الاول عذاب قليله هالكلمه فيه ربي اعلم كيف عشت المهم لمن تزوجته اكتشفته انه مدمن مخدرات وحملت بسرعه بعد 3شهور رحت عند اهلي رفض ابوي يستقبلني ورجعت له ولي الان 5سنوات منعني من موانع الحمل وجبت الثاني والثالث تخرجت من الجامعه بس مافرحت معدلي كان قليل من المشاكل الي عشتها معه وتورطت ورطه كبيره بهالزواج عايشه عنده جسد بدون روح بس اكرف له ولعيالي ولا يثمر فيه ابد تحملت ديون عشان اصرف على عيالي ماعندي مصدر رزق كنا فالضمان الاجتماعي وطلعونا منه لانه فالتامينات وراتبه كان 1500 بوصار 3000بس قتلنا الفقر هو غير مبالي ياكل عند اصحابه عند اهله مو مشكله عنده لاكن انا وعيالي ماعليه منا اكلنا ولاشربنا مو مهم عنده دورت وظيفه ماحصلت عندي بكلوريوس اداره وتعبت من قبل ما اخذ الجامعه وانا ادور مافي فايده الحين زادت المشاكل بيني وبين زوجي يضرب فيني يهيني يطرد فيني وانا ماسكه البيت لان ماعندي مكان اروحه اهاني بذل كل كلمه والثاني قلي اطلعي برى الرجال يطرد فيني الادمان اخذ عقله طلعت هالمره ورحت عند اهلي قعدت يومين ابوي مستغرب اشبي مطوله وقبل شوي جاني قالي ليش انتي هنا وعلمته قال اطلعي برى دوريلك مكان ماني مجبور فيكم بعد المغرب لا اشوفك هنا ابوي قاسي القلب قبل كذا طردني وانا بنت فالشارع حتى بدون عبايه بس اخوي غطاني ورجعني واخوي هذا مريض نفسي من الي كان يسويه فيه ابوي وهو صغير وعايش فالشرقيه على فكره ابوي مرتاح ماديا وعنده 3بيوت لكن السعه سعه القلوب مو المكان المقدمه كله عشان تعرفون سبب مصيبتي الحين انا وين اروح اذا سحبني ورماني الشارع فكرت اروح مكه بس اخاف الافارقه يسرقون احد من عيالي او يضيع فهالزحمه تعبت من التفكير عندي 3 اكبرهم 4سنوات الله يخليكم اعطوني حلول او قولولي على مكان اقدر اروحه |
11 دخلو استكثروا حتى الدعوه فهاليوم الفضي
يارب افرجها من عندك يارب همي بلغ الجبال وتعداه لاحولا ولاقوه الا بالله وانا لله وانا اليه راجعون |
لاحول ولاقوه الا بالله هل انسلخت الرجوله والقيم الاسلاميه والمعاني الانسانيه ليرميك بالشارع
انتبهي اختي الكريمه من الذهاب لاي مكان او الوثوق باي احد اسال الله ان يهدي قلب ابيك ويحنن عليك ياكريم يامنان دعواتي لك . |
ان لله وانا الية راجعون
ربي يفرج كربتك روحي المحكمة وارفعي قضية نفقه على زوجك والأ روحي حقوق الإنسان استغفر الله العظيم |
الله يفرج همك
|
الله يفرج همك
|
كيف اتزوجتي بعد ما ابوكي اتحرش فيكي
وكيف اتخرجتي من الجامعه طالما اكبر اولادك عمره 4 سنين ومده دراسه الجامعه 4 سنين يعني ماشالله داومتي طول فتره حملك لعيالك الثلاثه ؟؟!!! ذا وعلى قولك زوجك مدمن مين يرعاهم مراااا مو منطقيه قصتك اصلن مستحيييل وحده تداوم بالجامعه 4 سنوات وهي حامل بكل سنه وش ذا المنطققق استغفر الله بسسس فايقين للتاليف والاستهبال والنصب |
اقتباس:
اغلب ردودج تهاجمين الناس مو مجبوره تردين قل خيرا او اصمت وقولي اللهم لا شماته وقولي الله يرفع عن الناس ولا يبلانا بدال ما انتي بكل موضوع الاقي رد لج مكذبه الناس وقصصهم ومواضيعهم انتي يا صغيره بالعمر وبعد ماتدرين عن الدنيا وبلاويها وهموم الخلق عقلج صغير منو بيدش يألف قصص وليش شنو بيستفيد؟ لكن بعد اذن صاحبة الموضوع برد عن اسالتج الذكيه تقولين شلون تزوجت بعد ما ابوها تحرش فيها ترى البنت قالت تحرش ماقالت اغتصاب اوك في فرق فهمتي تزوجت ودخلت الجامعه وباول سنه حملت عشان كذا عمره اربع سنوات الولد :court: قالت ان زوجها منعها تاخذ موانع حمل عشان كذا اطفالها مافي فرق بينهم والبنت من زمان عندها طموح تدرس وتكمل جامعه وهالاصرار هو اللي خلاج تستغربين كيف قدرت تكمل وتداوم وتربي عيالها وتراها قالت تخرجت بمعدل ضعيف ماقالت امتياز عشان تكذبينها اخر الكلام الله يشفيج ولا يبلانا حبيبتي صاحبة الموضوع ليش ماتروحين عند اي احد يقرب لج ماعندكم كبير بالعايله تروحين ييمه او اي احد حكيم وفيه دين خال او عم ان شالله من جماعتكم لو من بعيد اهل زوجج وينهم وين دورهم انا ماعرف عن علاقاتكم في الاسره لكن لعل وعسى في احد زين تروحين يمه |
اقتباس:
. اختنا قالت( وتحرش ابوي*علي ) بمعنى تعبي راسه عليه حتى يقوم بتعذيبها أختي.. كيف تقولين ابوك اتحرش فيكي... . دعواتي لكل صاحب هم ان يزيل الله همه ويفرج كربه ويجعل له من كل ضيق مخرجا |
تم تحرير المشاركة. فضلًا احترام الآخرين.
|
اقتباس:
انا ماجبت سيره التحرش ابد قلت امي تحرش ابوي علي واكتفيت عند هالنقطه لانها كان تعذيب ع طول وضرب الله لا يذوقك الي ذقته اول ماتزوجت عطول كملت هذا كان شرطي فالزواج وحملت ورى بعض واداوم وانا حامل بين المباني امشي نصيب وقدر انكتب علي تقولين تاليف نصب اقسم بالله العظيم مستعده اجيبك لين عندي تشوفين الحاله الي انا فيها ان كنتي فنعمه وعايشه بين ام واب فيهم خير فقولي الحمدلله ولاتتشمتين باحد لايصيبك ما اصابهم والله يسامحك |
اقتباس:
ومعليش والله ما نتبهت على الجمله وجل من لا يخطئ والله يسهلك امورك ويفرجها عليكي اسفه اتمنى تقبلي اعتذاري |
لكل الي ردوا لو بدعوه جزاكم الله خير
من بعد المغرب واتا ادعي ان الله يحنن قلب ابويه علي وما شفته الا اليوم الصباح الساعه 7طلع عندي وبرضه يتوعد يبغاني اطلع من بيته باي طريقه فكرت فحقوق الانسان بس لمن سويت بحث عنهم لقيت الكل يشكي منهم وانهم مابيساعدون ولاشيء واخاف ازيد الطين بله على رغم الظروف الي عشتها فما زادتني الا قوه وصموود من اجل اطفالي لوكان لي مصدر رزق كان ارتحت وقدرت امن لهم مسكن ومأكل ومشرب الحين مافي الا اني ارجع لزوجي ولادمانه واتحمل الضرب والاهانات عشان اطفالي يعيشون الي سالتني اذا عندي احد فالعائله نعم عندي اعمام وخوال بس فمناطق ثانيه وصعب اني اعيش عندهم هذا غير الفضايح الي بتصير وكلت امري لرب العالمين كل من يقراء موضوعي لاتنساني من دعواتك فهذا الشهر الفضيل ربي قادر ان يبدلها من حال الى حال ...... |
الله يفرج همك ويوفقك اختي
|
الي مراسليني ع الخاص
دعوات ومسوين فيها متدين بعدين اعطيني رقمك او اكلمك السكايب والله الي بيحولي ويبغى بياناتي ورقم جوالي خيييير !!! على بالك انت وياه بتستغل ظروفي لصالحك ياحيييف والله ع التربيه !! رساله ثانيه منكم ع الخاص اشهر فيكم فالعام وابلغ المشرف بجد حثاله المجتمع!!! |
هذول بلا اخلاق ولا دين الله يحفظج منهم
|
الله يفرجها عليكي ويسخر لك قلوب عباده ومن يساعدك
انتبهي من اللي يرسلوا على الخاص الله يكفيك شرهم يتصيدوا حتى بهموم الناس ومشاكلهم يعين الله نصيحة ارجعي لبيتك وفوضي أمرك لله مالها حل دام ابوك مايتحملكم واكثري من الاستغفار بكل لحظة وبتشوفي الفرج بإذن الله وعسي الله يهدي زوجك وحاولوا تبعدوا عنه لما يكون بغير وعيه اسأل الله ان يحفظك ويحفظ لكي أطفالك وتبشرينا عن صلاح أمورك قريب |
لاحولا ولاقوه الا بالله
وانا لله وانا اليه راجعون. انا اقول حاولي ترجعين لبيت زوجك وعلى قد. ماتستطيعين تنصحينه اذ ممكن او اذ تعرفين احد طيب يقدر يكلمه وينصحه مررره مررتين يمكن الله يفتح على قلبه ويتغير. والصبر مفتاح الفرج واكثري من الاستغفارر. يارب فرج همها الليله وترية وهي ليله 27 وهي ليلة جمعة يقول شيخ الاسلام ابن تيمية : اذا وافقت ليلة الجمعة احدى ليالي الوتر من العشر الأواخر فهي أحرى ان تكون ليلة القدر ( هذه الليلة ليلة 27جمعه) ارسلها لكل المسلمين لتعم الفائدة ولا تنسونا بالدعاء |
الله يفرج همك ان شاء الله ونصيحتي لك ترجعين لزوجك وتحاولين تشوفين ابوه او واحد من اخوانه
الي كلمة مسموعه عليه تحاولين تشرحين تعامله معك ويقنعه انه يتعالج وترى علاج الادمان في السعوديه ولله الحمد مجاناً ويتسترون عليه طول فترة العلاج |
الله يكون بعونك
حسبي الله ونعم الوكيل ظلم و قسوه من الزوج ومن الأب ومن المجتمع لحل هذه المشكله ارى انك تتصلي على اعمامك او خالك بجديه افهميهم المشكله حاولي انهم يساعدونك بأستأجار منزل لك ولأبناءك اطلبي الطلاق مستحيل انك تعيشين مع انسان يستخدم المخدرات ومن رابع المستحيلات انه يقلع عنها الا اذا حدثت معجزه وطالما هو كذلك فمع مرور الزمن ستزيد المشاكل معه ولكن عليك ان تختصري المسافه وتتحملي مايحدث لك من تعب لفترة من الزمن ولكن الاستمرار بالخطأ مصيبه حاولي التخلص من هذا الزوج وبأسرع مايمكن فمن الممكن انه يقتلك بين ليلة وضحاها بدون وعي منه بعد التخلص منه قدمي على الضمان وسوف يغنيك الله من واسع فضله اما من يقول ارجعي لزوجك فهذه والله مصيبه لماذا لأنه استمرار بالخطأ وأستمرار لتفاقم المشكله يوما بعد يوم فأنتي ولدتي حرة اما ابوك فاللأسف انه لايوجد لديه ذرة من الحنان ولا يستاهل الأبوه وأشك ان مثل هذا الأب موجود بمجتمع مسلم مثل مجتمعنا وأي خطأمن الزوج والأب بحقك فبأمكانك التوجه للشرطه لأخذ حقك منهم طالما وصل الأمر لطردك من المنزل وهذا اكبر دليل على انتهاء المشاعر الانسانيه عليك التوجه لأحد المحامين لأخذ رأيه عن الجهه التي من الممكن ان تتجهين اليها وتنصفك حتى تأخذي حقك الى اولئك الذين يصطادون بالماء العكر اتقو الله واعلموا انكم سوف تحاسبون على ماتفعلون والمنتقم منكم هو رب العباد اسأل الله رب العرش الكريم ان يغنيك من واسع فضله وسامحيني لردي القاسي تجاه اباك ولكن هذه الحقيقه فوقت الضيق يلوح بالأفق الذهب من النحاس |
شوفي ياقلبي لاتتصلين علي احد ولا تطلبيين فزعه احد مالك الاملك الملوك بعلمك شي اذا صليتي اي فرض وهو ماهو فيه وعيالك نايمين سبحي بحمد الله ١٠٠ مره هذي تكفر الذنوب كلها وبعدين ابدي بحمد الله والثنا عليه ثم ابدي اشكي لله ...لله وحده ابكي اشكي كنك تشكين لاعز انسان علي قلبك ابكي وبيني انكسارك له واستغاثتك فيه والحي بالدعا ولاتنسي تقولي لا اله انت سبحانك اني كنت من الظالمين وادعي وقولي ياظهر اللاجئين وياجار المستجرين ويامآمن الخائفين اتني من لدنك فرجا اللهم امني وعيالي وارزقنا و....كل شي تبينه واصري ولاتسالي احد ابد النا س ان ماتشمتتت ماساعدت والله رحمان رحيم فاتح ابوابه والزمي لدعا
صح الزمي لباقيات الصالحات سبحان الله والحمدالله ولا اله الا الله والله اكبر خليها علي لسانك ٢٤ ساعه الزمييها لاتنسين ترا فيها الفرج بس اصبري وكرريها وشوفي ماراح يمر وقت قصير الا مبشرتني بالفرج بس الزميييها لاتنسي |
حياكم الله قال تعالى : ( أمّن يجيب المضطر إذا دعاه ويكشف السوء ) . بعد الالتجاء الى مالك الملك المغيث سبحانه خذي بالاسباب المناسبه لوضعك والتي عرضها الاخوه والاخوات هنا جزاهم الله خير وبارك فيهم . من الممكن القيام بالتبليغ للجهات المختصه ( وزارة الشئون الاجتماعيه ) عن ما يحصل معك من تعدي وأذى .. وربما وفروا لك مكان تقيمين فيه حتى تنصلح احوالك : http://mosa.gov.sa/portal/modules/sm....php?itemid=13 اسأل الله بمنه وكرمه ان يفرج همك ويصلح حالك ويزيل كربتك انه القادر على كل شيء . تحياتي لكم |
الله يفرج همك وحسبي الله على كل اب وام ظالمين
|
الله يعينك ويفرج همك
مالك الا الله ثم الشؤون الاجتماعيه وبالنسبة لزوجك الادمان يفقده كل شي ويفقد عائلته وقد يبيع اهله من اجل الحصول على مراده الله يعافينا ولا يبلانا والله يسهل امورك ويرزقك من حيث لا تحتسبي |
الله يفرج همك وييسر امرك ويرزقك بالوظيفه يارب
|
الله يفرج همك
من اي منطقه انتي |
لاحول ولاقوه الا بالله
الله يفرج همك ويرزقك الوظيفه |
[align=center]الله يكون بعونك
وانا انصحك انك تشوين لك م س د س اذا هند ابوكي ولا زوجك وصفي عليهم وربي يعوضك بالجنه [/align] |
الحل سهل إن شاء الله ، تفائلي خير دائما ، وكما يقال كل مشكلة ولها حل ، الحل هو الإتصال على مكافحة المخدرات(وترى لاهو عيب ولاشي) وتقولين لهم أن زوجي يتعاطى المخدرات وأبغى منكم تمسكونه وتعالجونه في مستشفى الأمل ، ويقبضون على اللي يعطيه المخدرات لمعاقبتهم ، لاتقولين فضيحه أو شي هالكلام ، البلاغ يتم بسرية تامة ، ويمسكونه بكل هدوء سواء يجون للبيت وأنتي تفتحين لهم الباب ، أو يراقبونه وإذا راح لمكان مناسب يمسكونه حتى مايدرون الجيران عن الموضوع ، أنا شفت حلقة من برنامج بدون شك على الام بي سي تطرقت لنفس الحل اللي قلته لك ، وعليك بالإكثار من الإستغفار والدعاء في الثلث الأخير من الليل ، وبالنسبة لك ولأخوك الذي يعاني من المرض النفسي ، أنصحكم بالذهاب للدكتور صالح الغامدي وهذا بريده الإكتروني dr.saleh1@hotmail.com
وهذه صفحته في تويتر Drsaleh0 ، دكتور ممتاز ويفحص على مهله أنا تعالجة عنده رحت لمستشفيات كثيرة ولم أستفيد منها ، واستفدت من علاجه بعد توفيق الله ، الدكتور كان يتدرب في مستشفى الملك خالد الجامعي بالرياض ، وعندما راجعت بعد شهرين حولوني على دكتور ثاني وسألت عن الدكتور صالح الغامدي وقالوا لي أنه يتدرب كل بعد 6 شهور ينتقل لمستشفى جديد ،،،، أتمنى تراسلينه على بريده الإكتروني وتستفسرين منه وين موجود في اي مستشفى |
الله يكون بعونك
|
الله يكون بعونك ويسر أمورك لما فيه الخير
|
الله يصلح أمركم ويسهلها لكم ويحنن قلب أمك وأبوك عليك
لا حول ولا قوة الابالله كلمي خالك او اي احد امك تحبه وداومي على الاستغفار بأذن الله تنحل أمورك |
الحمدلله
|
الله يفرج همك
|
قصة ام لارين
ر
بي يفرج عنك وعن كل مسلم ومسلمة ياختي وينور بصيرتك انا اعتبرك انسانه مكافحه وصبوره اوشجاعه نعم اللي تتحمل اناس بهذه القسوه تعتبر انسانه ايمانها قوووووي ولكن لا تستضعفي وتخلي حقك وحق اولادك يضيع لازم تكوني قووويه اكثر وتستعيني باقارب لك يساعدوكي او تكلمي احدى الجمعيات الحقوقيه اللي بنسمع عنها او حتى تظهري ببرنامج تلفزيوني يحل مشكلتك ونصيحتي لك حافظي على اولادك همه راس المال ان شاء الله بيعوضوكي وربنا معاكي وربنا يلهمك الصواب واكثري من الاستغفار وقيام الليل ............:Thumbs: |
حسبي الله ونعم الوكيل
الله يحللك مشاكلك ويرزقك من اوسع ابوابه ومااتحتاجين احد غيره |
الله يفرج همك
|
الله يفرج همك يارب ويرزقكك ويعوضك بعيالك خير
لكن الافضل زي ماقالوا اتبلغى عنه لانه ممكن يأذيك ويأذي عيالك بعدين وربي يسهلها عليك من جد انتي انسانه قويه ويحنن قلب ابوك عليك |
[align=center]ياليت يا اختي تبشرينا عن حالك ........
اللهم فرج همها ويسر امرها و ارزقها من حيث لا تحتسب [/align] |
ماحبيت ارفع الموضوع لانه من اخر رمضان بس للي سألو عني
رجعت لزوجي وعايشه معه ومع اولادي قبل فتره واحنا فالسياره فجأه قال انا خلاص بقتلكم ووالله مشى بسرعه والخط بالعاده مزدحم بس سبحان الله كان وقتها فاضي صرخت باعلى صوتي خلاص شفت الموت قدامي وخفف سرعته من صراخي ووقف للاشاره وكان فيه دوريه ورانا بس بعيده شوي وقدر يهرب منها ه الكلام له اسبوعين تقريبا ومازلت فبيته والاهانات مستمره بس عادي تطنيييييش وموسعه صدري ولا كانه موجود عايشه لعيالي حاولت اكتب برقيه لتويجري ماتنرسل ماعرف ليش سجلت فالاسكان بس بيرفضون لان من الشروط اذا كات المراه عايشه مع زوجها هو الي يسجل مو هي وللحين ادور وظيفه صارت حلم بعيده المنال ماشيه اموري بحافز ينزلي 1200 والحمدلله ع كل حال |
| الساعة الآن 01:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين