السلام عليكم ورحمة الله وبركاته


متخرجة من 3 سنوات تخصصي تصميم ازياء سجلت بجداره اليوم

ماعندي تربوي سبق واختبرت قياس للجامعيين جبت 57

يقبلوني في الوظايف الادارية فقط والا في مجال لغير الادارية ماعندي فكره ابد ساعدوني

تخخصك مهني ،، و لو اشتغلتي بمشروع خاص فيك ان شاء الله بتحصلين خير

المهم تكونين دخلتي التخصص عن رغبه و اقتناع ،، و بقدر ما تبدعين فيه بقدر ما يكون نجاحك ،، صح يبي له صبر ، لكن نتايجه بتكون حلوه ان شاء الله

بالنسبه لجداره و الاداري ما اعرف بصراحه

لكن صدقيني كثيرين يتمنون تكون عندهم مهاره او شيء يشتغلون فيه بانفسهم

جربي تدورين شغل في القطاع الخاص مؤقتا الى ان تصير عندك الخبره الكافيه و تفتحين مشروعك الخاص

بإمكانك تقدمين على قروض بنك التسليف او المئوية لان تخصصك يدعمك


الله يوفقك و ييسر امرك

اعتقد فرصك الوظيفية في القطاع الخاص اكبر من الوظائف الحكومية هذا اذا كانت الوظائف الحكومية تقبل هذا التخصص

انتي اسألي المتخرجات السابقات وين تعينوا في الوظائف الحكومية ولعل وعسى تعرفين طريق مستقبلك

حبيبتي خذي تربوي وتتوظفي معلمة اقتصاد منزلي في المدارس
بالتوفيق

اتفق مع سارونه وبنفس الوقت اقترح عليك تسوين لك مشروع بتقولين ياسيف من وين لي راس مال وكذا اقولك روحي لرياده وفيه جهات يدعمون الشباب والشابات ، افتحي لك محل خياطه نسائي وبحكم دراستك اجزم انك بتتقنين هالشيء ان شاء الله ، لكن حاولي تكوني مختلفه بتصاميمك ومع شويه دعايه بتشتهرين ، بتقولين ما اعرف اخيط اقولك جيبي خياطات وكوني مدرستهم يعني يخيطون وفق افكارك
الزبده الله ييسر لك امرك وامر كل مسلم

هل تخصصك موجود بجدارة لما سجلتي

مشكورين اللي ردو بخصوص تخصصي لقيته يوم سجلت في جداره

اللهم امين جزاك الله خير