مدراء اخر زمن ايش الحل معاهم!؟
 

انا الصراحه سار عندي تضارب في دماغي بسبب مديري ، هو غير عربي ، اول شي المدير كان بيتقرب مني على اساس اعجاب و زواج بس انا الصراحه مااعطيته فرصه ، بعدها بفتره جات موظفه جديده ، انا واياها سمن على عسل ، بعد كده سار بتقرب منها وقالها زواج قالتله ترى انا مخطوبه لكن مازال معجب فيها لكن هي بصراحه عرفت كيف تضبط وضعها ، مره جابتله هديه ومره تسويله قهوه ومره تعمله حلى ومرات تسلفه فلوس المهم البنت سارت تغيب على كيفها وما يخصم عليها ابد ..... وبعد هدا كله مازال يحاول يتقرب مني وبيتقرب منها في نفس الوقت (طبعا قصدي يتقرب بالكلام مو شي تاني) واللي فاجعني انه هده صحبتي قالتلي انه المدير حذرني منك هده الحكايه باختصار... قولولي ايش اسوي بالله؟!
وعلى فكره كمان فيه موظفه قديمه معايا من اول كمان تحاول تضبط وضعها مع المدير مره تجيبله غدا ومره شاهي ومره قهوه. ...
ايش اسوي انا بصراحه احس انه ظلم انه يقيم البنت اللي تهتم فيه كويس واللي تشتغل وحالها حال نفسها يحاسبها على كل شيء! !

وش جنسيته هو ؟ واذا تبين تضيعين مستقبله سوي له كمين بتعاونك مع الهيئه .

للأسف هذا حال اغلب البنات

اسمعي ونا اخوك اتركي هالوظيفه وربي بيعوضك بأحسن منها

ولا اشتكي عليه للي اكبر منه اذا في

بس المشكله محد بيشهد معك وتطلعي انتي الغلطانه

لذلك

اما ابلاغ الهيئه او انك تفصلي والله بيعوضك بأحسن منها اما تكوني تحت رحمته هشي مو مقبول

مشكلة بناتنا انها تخاف تبلغ الهيئه خوف منها او تسبب مشكله

هشي مو صحيح الجهة ذي وَضعت لحماية الناس وذا في خطاء منهم يحسب على الشخص وليس الجهه ككل

لذلك اتمنى منك تنهي هالموضوع تحسباً لأي شي يمكن يصير

ماتدري يمكن يصير اعتدا او يكلم البنات ويعطيهم غياب ويخليك تجي لوحدك ويستغل الوضع

لازم تنتبهي لنفسك كويس وتنتبهي لخطواتك كويس وعيونك مفتحه

لاتسبعدي شي من بالك كل شي حطيه في راسك

يمكن يسوي اي شي لجل يوصلك

المعروف عند اغلب الرجال اذا بنت اعطته سيفون نشب لها لجل يكسر راسها

لو مهما صار المهم يكسر عينها

انتبهي لا اكلك في الدوام شربك اي ششششششششي

والله يحميك ويحمي خواتنا وبناتنا اجمعين

اي زواج واعجاب اختي انتبهي هذا يبي علاقه ومثل ماقالو الاخوان بلغي الهيئه وعليه من الله مايستحق من سمح بالاختلاط واهان بناتنا واولهم وزير العمل

اتمنى لك التوفيق

الأخوة نصحوك.

الواحد طالع يشتغل ماهو طالع يدور مصالح وعلاقات وتشويه سمعة. ماعليك من الأخريات إذا هذي طريقتهم عليك من نفسك.

ولو تشتكينه يكون أحسن.

ومفروض من أول ماقالك زواج وخرابيط أعطيتيه كف يوقفه عند حدّه.


أنصحك بالاستقالة والانتقال لوظيفة أخرى تحفظ لك كرامتك وقيمك.

اختي ,,,,, اقطعي الطريق عليه واشتكي للمدير الي اكبر منه واذا مانفع مع هالخايس اتصلي ع الهيئه ,,,, اختي لاتتهاوني معه والبنات الي عندك من مسئوليتك وانتي تعرفين سلوك هذا المدير صدقيني اشتكي ووديه لقريح

السلام عليكم ورحمة الله وبركاته

انا وقفت عند كلمة

بما أنه أعجاب ويفكر بزواج بالنسبة لي أين المشكلة , على الأقل أحسن من المدراء اللي يفكرون بعملون الحرام ,,,

أنا عارف أغلبكم بيكون ضدي بهذا الرد ولكن الشرع حلل الزواج ولم يحدد أي شخص كان أهم شيء يكون مسلم ,,,

وسؤالي هل بعد رفضك حاول يتحرش فيك أو يأذيك هنا يكون كلام آخر وتشتكين عليه

أما أنك تشتكين عليه وهو ما عمل شيء حرام أنا أشوفه ظلم

هذا وجهة نظري وكل شخص له رأيه قد أكون صائب وقد أكون مخطئ

وفق الله الجميع

انا ماادري ليه اغلب الاجوبه دخلتوا فيها الهيئه والدين ! انا ترى قاعده اتكلم عن العمل مو عن موضوع تاني جزاكم الله خير ، ترى احنا في منتديات حلول البطاله نناقش مواضيع متعلقه بالعمل مو اكتر، و ترى المدير مااتحرش في اي وحده فينا ابد ،والرجال لمن يكلمنا عينه في الارض، انا كل مافي الموضوع اللي قاهرني اني انا اشتغل اكتر وحده فيهم وحالي حال نفسي ، وهم عشان يجيبوله قهوه واكل و هدايا وماشابه يقيمهم كويس ، وانا تقيمي اقل لاني ما اعطيله اي شي بس اشتغل واخلص شغلي واروح عالبيت وبس

هذا الذي قصدته , وردك أثبت صحة ردي في السابق بما أنه الرجل لم يؤذيك ما لك الا الصبر ,

ما تقدري تسوين شيء للموضوع .

مثلا عندنا في العمل أنا أشتغل أكثر شيء وأكثر من مجال وفي شخص آخر يعمل بأقل مني ويطلع مبكر بعد وراتبه أكثر مني ومع ذالك ما لي دخل فيه أقوم بعملي كاملاً ولا أتدخل في الموضوع

لأنه يوجد مدير وهو المسؤول أمام الله يوم القيامة بخصوص أدائنا في العمل

وعليك أنتي الا تكوني مثلها وتقوم بعملك كاملاً ولك الأجر أن شاء الله ولا تفكري تكوني مثلها

وهم تنتبهي لنفسك

وفق الله الجميع

بالعكس ماحد مختلف معك لكن البنت تقول يحاول يتقرب مني ونفس الامر حصل مع زميلتها ماشاء الله شكله بيتزوجهم كلهم ثاني شي اذا بيتزوج بدون التقربات والايحاءات وحركات النص كوم , اذا فعلاً ناوي يتزوج يطق باب البيت . وشكراً

بما انك تتكلمين عن العمل معناته انك غير منزعجه من تصرفات المدير تجاهك بالامور الشخصيه وانما بالامور التي لها علاقه بالعمل فقط . لكن اجزم لو المدير سعودي وحصل مثل ماحصل لاصبح المدير سعودي في خبر كان .

كلامك صحيح .. انا قصدي من كلامي للأخت أنها تحدد مصيرها

يا أنها توافق عليه أو ترفض وتعطيه حدوده في العمل

واذا بعد الرفض ما عمل شيء لها بخصوص العمل وغيره خلاص تنهي الموضوع

فعلا مثل ما تفضلت اذا ناوي يتقدم من الباب أما اذا رافضه خلاص تنهي الجدل

وتمشي في العمل مثل ما هو ويكون بعيد عنها

ولكن ردي كان بخصوص الذين يطلبون الشكوى للهيئة

والله يا في تناقض بكلامك بشكل عجيب :d

بعدين طالما انه لما يكلمك تصير عينه في الارض _ ليش تظلمينه وتقولين يتقرب مني :d:d:d:d

نصيحة. قيسي الأمور بشكلها الصحيح.

#تقولي احنا في منتدى حلول البطالة تناقشي مواضيع متعلقة بالعمل= ومن باب أولى مقر عملك هو مكان للعمل مش مكان لطلب الزواج والإعجاب.

# عينه في الأرض= ويقبل هدايا ويقيم كويس على هالأساس = يعني هذا مبدأه؟

أنتِ وش رأيك وش الحل المناسب؟

الحل المناسب اني اقعد في العمل لانه قريب المدير حيسافر لبلده ويجينا مدير جديد وانشالله انه امين وكويس :)

انا سبق وذكرت في بداية الموضوع انه يتقرب مني بالكلام مو اكتر ، وايوه لمن يتقرب مني بالكلام عينه في الارض فين التناقض !!!!
هذا الرد موجه للاستاد غدا نلتقي

******لو انا مو منزعجه ماكان ناقشت معكم دا الموضوع في المنتدى في قسم مشاكل العمل تاني شي في البدايه كان بس ملتفت لي وبعدين لمن زميلتي اتوظفت سار معجب بنا الاتنين وبعدها بفتره سيبني في حالي وسار ملتفت لها هي بس وانا سايبني في امان الله ما ضرني في شي بس برضو انا اللي قاهرني يااخوي انه يقيمهم اعلى مني وانا الضعيفه اللي حالي حال نفسي واشتغل بذمه وضمير يقيمني اقل ، اتمنى تكون وضحت الصوره

عموماً الله يوفقك وان شاء الله تنحل المشكله .

اهلا اختي _ واسف على التأخير

عموماً _ و حتى لا نحور الموضوع ..... لـــ انتي قلتي وانت قلت

احب اقولك

1- احنا هنا بالمنتدى نرد بناءً على مايكتبه العضو فقط .

يعني اذا حسيتي ان الردود مافهمت رسالتك معناها الاشكاليه بطرحك

( وهو الاكيد عندي _ خاصتن لما قلتي ...

[hide]null[/hide][QUOTE=حلم سيتحقق;8217528]انا سبق وذكرت في بداية الموضوع انه يتقرب مني بالكلام مو اكتر ، وايوه لمن يتقرب مني بالكلام عينه في الارض فين التناقض !!!!
هذا الرد موجه للاستاد غدا نلتقي[/QUOTE]

2- كلمة يتقرب مني _ لا تتوافق مع _ يتقرب مني وعينه بالارض .

إلا بحاله واحدهـ _ وهي ان معناها عندك غير اللي فهمنا

3- اغلب الردود تقريبا ًاللي اشارة عليك في بلاغ الهيئه _ كانت بسبب كلمة يتقرب مني

والسلام

الله يوفقك.

عزيزتي ما اتهمتك بشيء. مقصدي من الرد تقييم لوضع وبيئة العمل. وكيف إنها بيئة ماتناسبك (فقط)

محد يرضى القهر على نفسه وبيدك تستقيلي.

يعني انتي تبغينا نقولك سوي زيهم عشان يقيمك ممتاز
يا أختي الحلال بين والحرام بين وانتي اعرف بوضعك ومبادئك وقيمك
وترى بقولك نصيحة لوجه الله حطي الله بين عيونك وما عليك من احد هذا اذا تبغي ربي يباركلك في راتبك
اما حركات أسوي له قهوة و حلى واجيبله هديه ليه خير إن شاء الله مين هو
ارفعي نفسك انتي احسن منهم إن شاء الله

اصلا حتى لو قلتولي سوي زيهم طبعا ما حاسوي زيهم ، انا جايه عشان اشتغل مو عشان غرض ثاني والحمد لله انا اخاف الله قبل كل شي وماني ملزمه اثبت دا الشي للناس لانه دا الشي بيني وبين ربي والله يعطيني على قد نيتي والمحترم محترم في كل مكان مو بس في العمل<هدا الرد موجه للاخت زهرة صباح ، وبعدين الحمدلله خلاص ترى المدير سافر وجانا مدير جديد الحمدلله أمين جدا ويقيمني كويس ماشالله :) ، الحمدلله مشكلتي انتهت اتمنى اغلاق الموضوع من الإدارة

مغلق..