تجمع المقبولين نهائيا في الحربيه لحمله الثانوي
هننننننا تجمممممع المقبولين الي عنده اي استفسار يطرحه هنا الحمدلله انا من المقبولين والي مانقبلو يمكن خيره لكم والله يوفق الجميع
|
سلام عليكم
اخوي تو جته رساله بس مافهمت رسالتهم كاتبين الفحص الطبي لاستكمال الاجراءت النهائيه طيب هو فحص وخلص؟ مافهمت هل الرساله ياشباب قبول نهائي :) والا باقي بعد قروشه وفرز؟ الله يجزا خير من يجاوبني |
كيف عرفت أخوي أنك انقبلت
|
جت رسايل
|
الله يوفقك أخوي
ومبروك مقدما |
الف مبرووك للمقبولين
|
الف مبروك اللحين ادخلو ع الموقع واحجزو للكشف
وبليز احد يرد على سؤال فهد ويطمنا |
تم ترشيحك أوليا ويجب عليك تحميل استمارة طلب الالتحاق المبدئي وتعبئتها لإكمال إجراءات القبول
[align=center]وش معناته هذا الكلام[/align] |
هع
لا ياشباب الي جته الرساله يعني جاه قبول نهائي بس باقي تحليل دم واشعه صدر عشان يتاكدون انك منتب راعي مخدرات ولاذي الخرابيط احجز موعد في الموقع ورح وسو تحليل دم والي يسال يقول في فرز ثاني اقوله لا خلاص معد فيه فرز نهائي هذا الفرز وخلص بس احجزو موعد وروحو حللو دم ووووبس
|
اقتباس:
الله يطمنك ويوفقك ويسهلك يارب |
جزاكم الله خير
|
لما اجي اظغط حجز موعد
ما يجيني ايش معناتو ر |
اقتباس:
|
يي الربع انا ححاط رقم اخوي واخوي ادق عليه مايرد
علموني وش مكتوب عندكم ب الموققع ؟ انا مكتوب تم ترشيحك أوليا ويجب عليك تحميل استمارة طلب الالتحاق المبدئي وتعبئتها لإكمال إجراءات القبول اتوقع هذي من اول |
ياعيال للي يقول هل كذا انا منقبل ايه منقبل بس اجراءات عاديه ماراح يسقط فيها الا راعي الشراب والمخدرات
ومبروووووك للمقبولين واحجزوا موعد ولاحد ينسى الاوراق المطلوبه .. |
كيف اعرف نتيجة القبول
|
اخوي يمقن ادخل اكتب بقوقل القبول الموحد وسجل احوالك ورقم طلبك وادخل ملفك شف وش مكتوب اذا مكتوب تم قبولك ويجب عليك فحص الطبي النهائي مقبول مفروض ارسلوا لك رساله !
|
اقتباس:
هل معناه غير مقبول ! ماجت رسايل |
يا اخوان اللي مو عارف اذا هو مقبول او لا .. يفتح موقع القبول الموحد يفتح على حالة الطلب اذا جاك .. ((تم قبولك مبدئيا ويجب عليك إجراء الكشف الطبي النهائي)) تحجز موعد وتروح لهم والله يتمم لنا ولكم على خير ..
انا من المقبولين في الجوية الحمدلله |
طيب واللي طالع
تم قبولك مبدئيا وطباعه الاستماره واكمال الاحراءات هل معناه مو مقبول ؟؟؟ |
الف مبروك ياشباب
يالربع عندي سؤال : الحين هم طالبين بطاقة مراجعة من الموقع، بس دخلت الموقع ولقيت نفس بطاقة المراجعة الاوله هل هي المطلوبه ولا وش السالفة؟ |
^^ نفس السؤال . ؟؟ |
وش هي الاوراق المطلوبة عشان اوديها لهمم يبون ملف اخضر شفاف ولا لا ؟؟ |
صراحةً سجلت بس علشان اشكركم يا حقين الحربية موضوعكم الثاني جدددا فادني !!
بس نصيحة قالها لي ولد عمي طالب بالحربية قبل ما تروحون للكشف الطبي لا تكثرون من الحلى و كثروا من شرب الموية لانهم يكشفون حتى على مستوى السكر |
نتائج الترشيح
أالإعلان عن القبول المبدئي سوف يتم ارسال رسائل SMS للمقبولين مبدئيا بحيث يقوم الطالب بأخذ موعد الكترونيا من خلال موقع اللجنة علي الانترنت من ثم يتوجه الطالب المقبول مبدئياً في الموعد المحدد لمكتب التسجيل بكلية الملك عبدالعزيز الحربية سابقاً (طريق الملك عبدالعزيز ) أمام أسواق الشعلة بالرياض مصطحباً معه صورتين لإجراء الكشف الطبي النهائي ومن ثم إرساله إلى الأدلة الجنائية . بيتم الإعلان عن النتائج النهائية للقبول على موقع اللجنة ومكتب التسجيل بكلية الملك عبدالعزيز الحربية سابقاً (طريق الملك عبدالعزيز ) أمام أسواق الشعلة بالرياض حيث يجب على لطالب المقبول نهائياً إحضار الوثائق الأساسية التالية : 1. شهادة الثانوية العامة الأساس. 2. شهادة اختبار القدرات. 3. شهادة اختبار التحصيلي. 4. شهادة اختبار الكفايات. 5. دفتر العائلة لوالد الطالب (أساس). 6. شهادة الميلاد أساس إذا كانت ألام غير مضافة . 7. الهوية الوطنية للطالب الأساس. 8. عدد (10) صورة ( 6x4 ) ملونة. 9. صورة من بطاقة جد الطالب. 10. إحضار صور للوثائق أعلاه. 11.إحضار ملف علاقي أخضر ووضع جميع المتطلبات بعد تخريمها . |
وش صار ياشباب فيه احد راح لهم وعلمونا وش الاوراق المطلوبه
|
اللي راح الموعد يعلمنا وش الاوراق المطلوبة
|
اي والله يعلمنا وش سوى وش المطلوب
|
الي راح ي ليت يفيدنا
|
ياعيال الي اعرفه لازم تجيب بطاقه المراجعه
والاحوال و 4 صور شخصيه 4*6 مكشوفه الرأس واحجزوا موعد للكشف الطبي النهائي |
ياشباب الموقع طالبين فقط
احضار اصل الهوية الوطنية وصوره منها -حجز موعد الكشف الطبي النهائي من خلال الموقع -طباعة واحضار بطاقة المراجعة. -التقيد بالزي الرياضي لكل كلية : اللي هو اللون الاخضر - يجب احضار صور شخصية حديثة مكشوف الرأس عدد (4) مقاس (4*6) لا يوجد غيرها لااحد يجي ويقول الشهادة والتحصيلي وغيرها لان القبول الموحد هذا الي فيه |
بس عندي استفسار
هل بطاقة المراجعة الاولى الي مختم فبها او اطبع لهم وحده جديده |
حجز الموعد وش فيه ؟؟ كل مابي احجز يطلع لي خطا
|
ياشباب فيه احد راح لهم اليوم ؟؟
|
انا حطيت موعدي اخر يوم
ابي اشوف وش يسوون الشباب عشان مااتوهق زي المرة الي راحت الله يوفقكم ياشباب ولاتنسونا من اخر الاخبار |
بسم الله الرحمن الرحيم
اول مشاركة لي فالمنتدى طبعاً انا من المتابعين للتجمع السابق وقلت انه جاء الوقت لاشارك فالتجمع هذا ولي بعض الملاحظات فالتجمع السابق ا/اتمنى من اللي بيسأل انه يمر على كل الصفحات تفادياً لتكرار الأسئلة 2/ الصدق ثم الصدق ثم الصدق مهوب اذا سال احد قام كلن يفتي من راسه ما لكم بالطويله..نخش عالموضوع اولا اللي انقبلوا مبروك عليكم واللي انرفضوا لا تتعذروا واسطات ما وسطات محدثكم وصلت للمرحلة هذا والواسطة رب العالمين والطريق قدامكم مفتوح.. ثانيا كثيير يسأل وش وضع الفحص النهائي ؟؟ الفحص النهائي الله يسلمكم فحص للدم يشوفون اللي عنده بلاوي مخدرات ما مخدرات وانتم خابرين اما اللي يدخنون مادري وش وضعهم وايضا اللي عنده فقر دم والسكر وغيرها الاي يكفيكم الشر.. الشي الثاني اللي هو البول اكرمكم الله وايضا في اشعة للصر يشوفون اللي عنده امراض والا التهابات لاسمح الله وفيه ايضا اختبار نفسيه اسئلة ع الكمبيوتر تقريبا 50سؤال اسئلة شاطحة مثل يقولك هل قتلت قطا او هل حاولت الانتحار وغبرها.. وفيه طبيب نفيسي يسالك اسئلة عادية.. وفيه تبصيم عشان الاشياء الجنائية وووووبس طبعا الاوراق المطلوبة هي مثل ما ذركرها ضابط حربي والامور سهالات ان شاء الله ........ |
ي شباب اخوكم ماجته رسالة
وكلمت ولد عمي عميد ع كلامه يقول هي دفعات هل توقعاتكم هالكلام صحيح |
يقول مادام ماجتك رسالة نعتذر لعدم قبولك
فاعلم ان وضعك واقف وانتظر والله يسهلها وان شاء الله هالكلام صحيح |
المواعيد متى وقتها لأني كل ماجيت بحجز موعد رفض يحجزلي وش السالفه يالربع
|
الموقع شكله فيها خطااء
|
الساعة الآن 02:02 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين