السلام عليكم و رحمة الله و بركاته ..
أسعد الله مسائكم / صباحكم بكل خير و سعادة يا رب و عسى أن تكونوا بأفضل حال و أتم صحة و عافية ..

أولاً خلوني أعرف بنفسي لأن أنا متأكد أغلبكم ما يعرفني أنا أخوكم المهندس عبدالله الزهراني خريج هندسة حاسب من جامعة الطائف , طيب بعد التعريف اللي أكيد ما دخلتم الموضوع عشانه خلوني أشرح لكم فكرة المشروع بشكل عام و ليس مفصل عشان بس توضح الفكرة .

ثانياً فكرة المشروع هي أنا و صديقي الدكتور طارق الحربي فكرنا بإنشاء شركة توصيل بفكرة جديدة حيث أنها تخدم المطاعم اللي عندها تووصيل و كمان اللي ما عندها توصيل , و ذولي هم الأهم في موضوعنا ذا اللي ما عندهم توصيللأنه هنا راح تكون الفرص للشباب اللي حاب يشتغل معانا .

ثالثاً طبيعة العمل هي محتاجين شباب ما يهم عاطلين أو موظفين كل اللي يهمنا يكونوا ملمين بالطايف و عندهم سياراتهم الخاصة بدون إلتزامات طويلة و راح يكون فيه دخل إضافي .

رابعاً المطلوب من اللي يبون يشتغلون معانا , هو التالي :

1- يكون عندك سيارتك الخاصة .
2- يكون لديك تفرغ على الأقل 4 ساعات , و اللي يزيد عنها في مصلحتك .
3- يكون لديك الإلتزام التام في الفترة هذي بجميع طلبات التوصيل .
4- يكون حسن الخلق لكي لا يسبب إحراج مع الزبائن , و أنا واثق الكل هنا محترم و لكن وجب التنويه .
5- تحميل التطبيق الخاص بنا لمتابعة الطلبات و تحديد موقع الزبائن .

خامساً و هو الأهم عند أغلبكم أكيد و هو كم الدخل , الدخل طبعاً يعتمد عليك كلياً زيادته و نقصانه طبعاً بعد دراسة للسوق و أخذ أراء بعض الشباب من إستفتاءات سويناها فأن الدخل راح يكون كالتالي :
- المشوار راح يكون ابتداءاً من 25 ريال لمسافة 5 كيلو من المطعم و أي كيلو يزيد تكون الزيادة بريال , يعني مثلا المشوار من مطعم ماكدونالدز شهار إلى قروى تقريبآ 7 كيلو يعني الحساب راح يكون 27 ريال و هكذا .
- ما راح يكون في راتب ثابت عشان كذا دخلك يعتمد على عدد المشاوير اللي توصلها , يعني في 4 ساعات خلونا نقول توصل 5 طلبات بالحد الأدنى 25 ريال راح يكون دخل اليوم في 4 ساعات بس 125 ريال لو ضربناها في 20 يوم مثلاً تبي تشتغلهم راح يصير دخلك الشهري 2500 ريال !!
- طبعا عشان الكل يستفيد موظف أو عاطل ما راح يتم تسجيلك كموظف رسمي كل المطلوب توقع إلزام منك بالوقت اللي أخترته أنك تتفرغ للتوصيل .

في الختام الموقع و التطبيق لسى شغالين عليهم يعني حالياً لسى ما بدينا لكن اللي عاجبته الفكرة و حاب يكون معنا يرسل لي على الإيميل اسمه و رقم جواله و هل هو موظف أو عاطل فقط عشان التواصل , و الرسائل تكون على الإيميل : eng-3bdallah@hotmail.com

و اللي عنده رأي أو إقتراح لآ يبخل علينا يرسل لي على نفس الإيميل