السلام عليكم

انا ضاااايق صدري جدا جدا

جاني تعيين بحائل وانا بالرياض
ع اساس اخوي يروح معي لكن امس مع نزول اسمي جاه نزول قبولة في كلية عسكرية
وخلاص مايقدر يروح معي

مافي الا ابوي
طيب مين يجلس عند امي وخواتي الصغار !
محد عندها لو صار شئ لها لا سمح الله
فكرت خلاص اقدم اعتذار
وصليت استخاره واحس ارتحت
يمكن اتحسف بعدين لكن وش اسوي صعب اهلي وش يسوون وابوي
بيروح معي بيترك مصالحه . ويمكن اصير بقرية لان حاطين لي محافظات بعضها تبعد 220 عن حائل نفسها

فرحت للوزارة اليوم والت عادي قدمي اعتذار
وتقدرين تقدمين ع المفاضلات الجاية

صحيج كلامها

وانتم وش رايكم
قسم متشتتتته

روحي الاسابيع الاولى مع الوالد ووقتها بتتعرفين على زميلات مغتربات واسكنو مع بعض
وعادي حتى لو مالقيتي زميلات اسكني لحالك ورتبي امورك قبل لايرجع الوالد الرياض
وبعدين انتي رايحه حايل يعني تعتبر افضل بكثير من اللي راحو لاخر الدنيا بالجنوب
وان شاء الله تتيسر الامور هناك والوالده واخواتك ماعليهم خوف يقدرون يدبرون انفسهم
مومعقول مالكم اقارب تلجا لهم والدتك اذا احتاجت شي
والله الامور سهالات لاتصعبينها عليك روحي وتوكلي على الله
والله ييسر امورك ويجعلها سهالات يارب ويكتبلك الخير وين ماكنتي
وبخصوص الاعتذار على حسب ماسمعت ان الاعتذار ياخر ترشيحك بالمرات الجايه
لان اسمك اترفع ويبيلهم فتره على مايشيلونه <هالمعلومه سمعتها مو متاكده منها
وان شاء الله يفيدونك البنات بهالخصوص
ولعلك ماتحتاجين اعتذار وتتيسر امورك

طيب روحي واسكني في سكن المعلمات ممكن حتكون بعيدة عن المدرسة
لكن لها حارس ومعلمات معاك وكل شي
وابوك الله يخليه لكم يتطمن ويجلس مع اهلك
اعرف وحده ساكنه بعمارة معلمات ولحالها بعد ومبسوطه الله يوفقها ويوفقك يارب
انصحك ممكن السنة الجاية تزيد نقاط البنات
وومكن مايجي احتياج في مناكق قريبة منك
فحائل حلوة وقريبه من الرياض

ابوي مسسسستحيل يخليني اجلس بلحالي ابد ابد
ويقول بروح عشانك
صعب احس يترك البيت والصغار عشاني !
ورافض فكره اجلس مع بنات او حتى اصير اطلع مع سواقين من حائل

والله اني متردده اقول اتركها عشان اهلي ربي
يعوضني
مع انهم ماقالو شئ اهلي لكن واضح الامور تخربطت واجد

انا ماهمني كثير لو اجلس سنتين ماجاني
وش اسوي
اساس توني مالي الا سنه متخرجه اقول توني صغيره واهلي اولى
وعجزززت افكر

قسم احس شفت ضيقة صدر شنيييييعه

امسك مجنونك لا يجيك االلي اجن
اولا اشكري الله واسجدي سجود شكر

انه حصلت لك وظيفه

شوفي كثير يتمنون لو بااقصئ الدنيا واولهم انا

وانا من حائل وياهلا بك بين اهلك

انصحك نصيحه لوجه الله لا تقدمين اعتذار وتمسكي به

وخلي ابوك يروح معك في الفتره الاولئ

بعدين هو بيرتاح لحايل وبيخليك تجلسين بسكن مع معلمات زيك

او خلي امك وخواتك يجون لحايل لما تنقلين مدامهم طالبات

نصيحتي لا تخلين الوظيفه ترين بتتحسفين عليها قد شعر راسك

والله يستخير لك الافضل يارب

والله حيرتيني معاك ..
طب ابوكي لو راح وشاف الوضع اتوقع يغير رايه ويخليك
...
لو مرتاحه بعد الاستخارة انك تتركينها ..اتركيها وربي يعوضك خير
وربي اني انقهرت عشانك ..بس تظل حكمة الله فوق كل شي ..
ولو امك من الحريم اللي تدبر امورها بدون رجال ..وحولكم قرايب
خذي ابوك وروحي ..
طب ليه ماتاخذي اهلك كلهم معاكي بعد ماترتبي وصعك هناك خذيهم معاكي واسكنوا في المدينه ولو كان تعيينك في قرية قريبة تقدري تروحي كل يوم تداومي وترجعي حايل

الله يكتب لك الخير ..شوفي اهلك مرتاحين على ايش وسوي اللي يريحهم ويريحك يا قلبي. .. ننتظر اخبارك طمنينا

ابوي
له شغله هنا

انا استخرت وحسيت لو خليتها احسن
لانهم قالو عادي اقدر اقدم ع المفاضلات الجايه

ماودي اشيل ابوي من اهلي
وبنفس الوقت متردده

والنقل مو سهل يعني كم يبيلي سنه عشان اجي الرياض
اتوقع كثيير
مااادري تردد شنننننننيع

الله يكتب لك الي فيه خير وخيره بس حاولي ماتتركين الوظيفه

الله يوفقك يارب ويفرج همك وهمنا جميعا طيب انتي ايش تخصصك وكم نقاطك