السلام عليكم ورحمة الله وبركاته

أنا خريج دبلوم محاسبة من الكلية التقنية ولي فترة أدور عن وظائف وزي ماتعرفوا كل الشركات تبي خبرة الي ماندري من وين نجيبها !

يعني مابقى إلآ مقدم قهوه على كاشير ! وانا اشوف هذي الوظيفة ماتناسب مؤهلي !!!!

على العموم جتني هذي الفكرة . أبوي يأخذ عني قرض وأنا اسدده له لاحقا

الفكرة اتوقع تكلف عناء السفر والسكن فترة موقتا في امريكا

طبعا معروف أن الشركات بالسعودية تحترم الاجانب وتدلعهم فما بالك لو كان من جنسية أمريكية

طبعا الفكرة أني اتزوج من أمريكية وأكفالها وأجي معاها السعودية .. ما في أي شك أنها راح تلاقي أفضل الوظائف وافضل الشركات بالسعودية ! ومن ضمنها أرامكو وباقي الشركات الي تدعي أنها شركات " و ط ن ي ة "

وبالنهايه تشتغل هي وأنا على قد حالي وعلى قد شهادتي الدبلوم اتوظف مقدم قهوه وأسدد القرض عن الوالد أو الي متسللف لي .؟


رآيكم بالفكرة وكم تتوقعون تكلف ؟


جمعه مباركة وشكرا للجميع