شكرا لك شاعر الهلال موضوع مهم جاء في وقته
كنت أسأل عن سنة التقديم ومااحد رد عليا لكن من شرحك فهمتها بس إبسال يعني لو حذفت رغبه اتركها فاضيه مااضيف وحدة مكانها طيب اللي ابغى اضيفها عشان تكتمل الراغبات أضعها آخر شي
السؤال الثاني انا من المدينة اطلب مثلا المناطق اللي حول المدينة خيبر اللحن بدر وهكذا والا
اطلب المهد ينبع وحائل والقصيم مثلا اللي حولها وهذا هو النقل الخارجي ياليت توضح المدن الداخلية والخارجية عشان الواحد مايغلط الله يجزاك الف خير وينقلك على الرغبة الأولى ويفرج همك زي ماتعبت معانا وشرحت وأخذنا من وقتك لمساعدة الناس يارب

ليه وأنا قلت غير هالكلام؟؟؟

نعم تابعة لمنطقة الباحة إداريا لكن تعتبر نقل خارجي وليس داخلي

وأعطيتك مثل وراح أعيده

أنا متعين بمدرسة بقرية تبعد عن سكاكا 15 كم فقط ...يعني 10 دقايق بالسيارة
مع ذلك النقل لسكاكا يعتبر خارجي وليس داخلي

هلا غائبة,,,حياك ربي

بالنسبة لحذف وإضافة رغبة يمديك فقط على الحذف..أما إضافة أو إعادة الترتيب تروح عليك سنة التقديم وتعتبرين أنك مقدمة من جديد وطريقة الحذف هي حذف الرغبة وتلقائيا تحذف الرغبات التي تليها,,,,مثلا....

ترتيب رغباتك كان كالأتي

1-المدينة
2-بدر
3-مكة
4-جدة
5-الطايف
6-ينبع
7أملج
8-رابغ
9-القصيم
10-الحناكية

وحذفتي الرغبة الخامسة (الطايف)...راح تحذف بقية الرغبات تلقائيا وتصبح رغباتك كالأتي

1-المدينة
2-بدر
3-مكة
4-جدة

فقط....ولايمكنك إضافة أي رغبة ألا اذا تنازلتي عن أفضلية سنة التقديم ويعتبر تقدمك للحركة جديد


أما أستفسارك عن المناطق اللي تعتبر النقل إليها داخلي أم خارجي بصراحة أنا ماأعرف قرى المدينة أو المحافضات القريبة منها لكن هذا رابط إدارة الترية والتعليم للمدينة

أدخلي الرابط ثم راح تحصلين على اليمين (شرائح النقل الداخلي/بنات) حملي الملف وشوفي المدارس التي تعتبر نقل داخلي

http://www.madinaedu.gov.sa/index_dep.php?gss=37

شكرا شاعر الهلال
تصدق ماكنت أعرف أي شي خاصه اذا حذفت رغبة تنحذف الراغبات اللي بعدها
قمت الظلم ليش طبب ويمكن ناس ماعندها خلفيه عن النقل مادري ليش كل شي يعقدونه عليا
الله يرزقك النقل ويرزقنا يارب

شكرا شاعر الهلال على الموضوع المهم الله يجزاك خير على التوضيح
قريت كثير عن حركة النقل وكان موضوعك تأكيد لما قرأت
بخصوص خدمة مسبوق ودقة معلوماتها ذكرت انها مو دقيقة واعطتك الترتيب 62 ليش ما تكون فعلا جميع طلبات النقل على هالمنطقة بخصصك 62 بينما ترتيبك بينهم 38 يعني اللي بعدك 24 بالنقل
بالمختصر مافي تعارض بين بيانات تكامل وخدمة مسبوق .. ولا ايش رايك؟

وعندي سؤال ثاني هالخدمة توضح بس طلبات الرغبة الاولى ولا كل الرغبات ؟

السلام عليكم

الله يجزاكم الجنه انا توني متعينه جديدة ومرره حايسه ومو فاهمه شئ بالنقل
وضاق صدري لما عرفت في شئ اسمه اسبقة التقديم
واني لازم اكون دقيقه بتحديد الرغبات
ومابي اغلط غلطه يوم احدد رغبات التعيين

انا جاني تعينيني بحائل وصرت بمحافظه من محافظاتها وتخصصي تربية خاصة
الحين ابي اعرف كيف ارتب رغباتي
عشان اذا فتح التقديم اكون ع بينه

انا من الرياض وابي اقدم ع الرياض وحسب مافهمت ان لازم اول 5 رغبات اكون دقيقه بها
واكون اماكن فعلا ابيها عشان امسك دور بها ولو غيرتها اكون كاني مسكت دور من جديد
فانا محتارة كيف ارتبها

والاهم كككككيف ومن وين اعرف برامج التربية الفكرية للتربية الخاصة متواجدة وين بضواحي منطقة الرياض ! وين اروح ؟ عشان اخذ هالمعلومه ؟

لشئ الثاني انا ابي ادخل داخل حائل مابي اجلس بهذي المحافظه
اخليها اخر رغبة ؟
وهل لو دخلت نقلت لها هالشئ ياثر ع نقلي لرغباتي الاولى

وشئ اخير ومههههم مهم جدا بالنسبة لي و الاهلي

هل لو وضعت مثلا القصيم - بريدة
اكون بنفس بريدة ولا ممكن يوجهوني لقرى من قراها
نفس التعيين يوم وجهونا قلعونا :(

ناس قالو لا النقل ينقلونك ع المدينة الي انتي كاتبتها ويحطونك وسطها وناس لا
قالو ممكن يوجونك للقرى التابعة لهذي المدينة

لان افكر احط الرياض - الرياض
وبحط الخرج- الخرج و المجمعة - المجمعة
بس مادري بيحطوني وسط المدينه ولا القرى والمحافظات التابعه لهم

ضررروري تكفون تبينون لي هالنقطة لان بتاثر كثير بختياري الرغبات

السلام عليكم

اخي شاعر الهلال ،، متأكد انه اذا حذفت رغبه كل الي اسفل الرغبه ينحذف ؟؟؟

طيب اذا افكر احذف الرغبة الاولى وش الحل ؟؟

بإذن الله غدا راح أرد على جميع الاستفسارات...لأن توي راجع من الرياض ومرهق شوي

بالنسبة لحذف الرغبات سألت أهل الخبرة للتأكد

وكان الرد أنه أحيانا يتغير النظام حسب التعميم المرفق

يعني العام الماضي كان حذف أي رغبة يحذف مابعدها تلقائيا...أما العام الذي قبله بأمكانك حذف عدة رغبات دون فقدان أي رغبة تليها

ننتظر تعميم حركة النقل القادمة وبعدهل يتضح كل شئ

أحتمال كبيرمثل ماتفضلتي أن مسبوق يعطيك رقم كل المتقدمين على هذه الرغبة لنفس التخصص

لذلك أقول أنه أكثر مايفيد المتقدمين على الحركة للمرة الاولى


ويمديك تشوفين كل الرغبات لأن أساسا موقع مسبوق لايطلب السجل المدني ولايعرف نقاطك
وبأمكانك فقط معرفة عدد المتقدمين لكل التخصصات ولكل المدن