طيب والحل ؟
مانبغا ننتظر 10 سنوات واكثر
جتني حاله نفسيه من 6 سنوات كيف لو كانت اكثر
اللهم لا اعتراض لكن خلاص منجد حنا بحاجة حل جذري لهذا الموضوع

حل بسيط لمشكله البطاله وهي

1 حصر العاطلين والعاطلات في جميع المناطق اي المعنى حصر العدد

2 عدم عرقلة المتقدم بالوظيفة نقاط اقدمية معدل فالوظيفه حق للجميع

3 اقاله جميع القاصرين بالوزارة بمن فيهم الوزير

4 بعد تخرج اي طالب او طالبه حق له ان يرى المستقبل امامه/هـ اي بمعنى يتخرج يتوظف على طول

5 عدم حصر التوظيف بوزارة الخدمه فقط اي بمعنى اي وزارة تعلن احتياج تفتح طلب الوظائف بنفس المكان وحصر عدد الايام يعني توضح الوزارة متى التقديم يفتح وينتهي ومتى يتم الفرز ومتى الاختبار ومتى المباشرة

يعني مثلا وزارة الثقافه والاعلام اعلنت مجموعه وظائف لازم يكون لها كل الصلاحيات بالتوظيف المباشر دون الرجوع للخدمه المدنيه او بالاحرى اي وزارة بكيفها انت بنفسك تروح تقدم وتخلص الاجراءات

يعني سحب صلااحيات التوظيف بوزارة الخدعه لان ماحنا مستفيدين منها اي شي ومن حق اي وزارة التوظيف المباشر يكون عن طريق الوزارة نفسها

6 عقوبات ماليه بالنسبه للتقصير يعني كلنا شفنا حجم التلاعب بالوزارة يعني تشوف بنت انقبلت ومعاها اختها وبنات عمها واولاد عمها بعد طبعا من حق اي مواطن ان يستفسر انا ليه ماانقبلت وغيري انقبل او انقبلت طبعا انا اتكلم عن الواسطه التوفيق بيد الله سبحانه مافي اي شك لكن الواسطه هي الي مع الاسف دمرت شبابنا وبناتنا
اي بمعنى اي موظف من وزارة الخدمه المدنيه وقع مشى واسطه منا منا لابد ان يتعاقب ويتحاسب بعد وانا من

رايي انه يشهرون بالجرايد والتلفزيون وبكل شي مرى ومسموع الموظف تعاقب لان توسط ومشى معامله

والعقوبه 1 التشهير (هذي بحد ذاتها ردع لكل مستهتر وفاسد)

2 يخصم من راتبه

3 يمنع ان يعطى له اجازه او اذا فيه زياده رواتب مايشمها

4 يداوم دوامين صبح وبليل على الاقل يحس بمعانات شبابنا وبناتنا بالقطاع الخاص ويحس بحرقتهم

7 اغلاق جدارة وعدم الاستخفاف بعقول الشعب اكثر من كذا جدارة 1 و2 و3 و4 و5 سابق ولاحق مب توظيف

الحل بسيط انا تخصص دبلوم تسويق نشوف كم عدد المتقدمين لتخصص التسويق 120 200 طبعا ينزلون العدد الصحيح بالموقع ويعطونك رقم مثلا هذا هو يوضح لك انت ترتيبك كم من 200 عدد المتقدمين

وايضا من حقي اعرف تاريخ محدد يوضح متى يتم تعييني بدون اختبار من وزارة الخدعه او نقاط او من هالخرابيط

وش هالخرابيط انا نقاطي 65 طبعا كانت 70 الحين يبغالي مش اقل من خمس او ست سنوات اذا مب اكثر طبعا على الوظيفه ياعيني والله تلعبون علينا

الشعب كله من حقه انه يتوظف ويكون مستقبله باحسن صورة واحسن منظر يعني الوزارة تعاقبنا مثلا المعدل مقبول لا مش من حقك تتوظف الا من حقي اتوظف وحالي حال الممتاز

ولا تنسون الدنيا دوارة وصارت امامي والله اعرف ناس مانجحو بالدراسه لكن انجحو بتكون مستقبله وحياته الله ماكتب له الامتياز بالدراسه لكن بحياته العملية الله وفقه ماشاء الله وصاحب الموهل الممتاز صار نفسه بخشمه مايعرف وش الي له وش الي عليه يعني المقبول لا تحطون في بالكم انه بيكون كذا طول حياته يعني ماراح يفكر ماراح يبذل ويسعى ويتعب علشان يصرف من عرق جبينه

اسف على الاطاله من الحرقه والله كتبت وطولت بالكتابه لكن خلونا نشوف ونسمع ارائكم ونجمع اكبر عدد من الايجابيات لنا كلنا

انا كمان معكم

تبغون الحل الحقيقي الي ما بعده حل !!!
الحل هو التجمع امام الوزارة
ومقابلة الوزير
والمطالبة بتوظيفنا
غير كذا ما ينفع


لازم تحددون يوم نتجمع فيه

انا معاكم يااخواني وانا احد المتضررين
من جداره والخدمة المدنيه

لازم نعمل قروب في الواتس ايش رايك اخي مصعب ؟