حلو الواحد يرضى بالقليل لكن الآن مع كل دا الغلا اللي بالدنيا اقول الله المستعان مين راح يصرف عليهم اذا كان الزوج عاطل حتى حافز مايكفي ومين راح يصرف على اولادهم الله يساعد الجميع يارب يمكن راتب الزوجه مايكفي كل شي أصبح غالي .. اما اذا كانوا الزوج والزوجه موظفين مش مهم ابدا مين اللي راتبه أعلى المهم ان رواتبهم ياخذونها بالحلال وتكفيهم ويكون بينهم التفاهم والحب وراحة البال .. سبحان الله في بعض الناس بيشوفوا حالهم حتى في الرواتب اول مره بسمع عن دي التفكير والعقليه دايما بسمع عن التفاخر بالشهادات والالقاب وغيرها لكن الرواتب اول مره بسمع فيها كل واحد بعقله يعيش وربنا يوفق الجميع

خطا الزواج من عاطل

الزواج من عاطل صعب جداً سواء شخص من الاقارب او بعيد .... بنظري اشوف العطاله عيب بالرجل الي يبحث بجد عن العمل راح يلاقي حتى لو بمرتب منخفض ....
اما عن الفارق بـ الرواتب اشوف عادي تكون الزوجة اعلى مرتب من الزوج دامه موظف حتى لو راتب منخفض وهي مقتنعه فيه ابداً ماكان تدني الراتب سبب يؤدي لـ رفض الخاطب ...وبعد الزواج يمكن يتغير الحال لـ الافضل ...

-----

موظف براتب بسيط ممكن اما عاطل صعبه يعني لو موظف براتب بسيط كذا بحسسني ان عنده رغبه بشغل اما عاطل جدا صعبه وطبعا تحصل الزواج من عاطل اذا البنت ماخذته بقناعتها الشخصيه او مثل ما قلتي من العائله ومقرب لهم حيل مثل ولد خالتها

دامه ماتحمل مسؤوليه وظيفه ماراح يتحمل مسؤوليه بيت ومره واطفال
الزواج مو لعبه

من الاساس القوامة لرجل واصلن موب لازم الرجل يتزوج وهو عاطل

وبعدين اذا رضت فيه البنت اكيد اهلها مايرضون بسبب من يصرف على البيت او على البنت وعيالها

واغلب العاطلين يتزوجون موظفات لجل ياكلون الفلوس او يجلسون مريحين والزوجة هي اللي تتعب

ولكن في الاساس الرجل المفروض هو اللي يصرف وهو اللي يتعب حتى لو كانت زوجته موظفه .

انا قاعدتي في الحياة كذا ما اعرس الا موظف ، وما ادري عن البقية .

زمان الرجل هو لي يصرف ع الحرمه والحرمه تجلس في البيت وهو لي يشتغل ويعطيها
وكان في الفلوس بركه


اما الحين اشوف من كلامك تبون الحرمه تصرف ع الرجل ليه وين حقوق الرجل مو هو لي لازم يصرف ويشتغل واشوف اصبح استغلال للجهه المدرسات البنت تتزوج اذا صارات مدرسه

مافي عاطل راح يتزوج الا الي ما عنده دم واظن القليل الي يبي يتزوج وهو عاطل بنسبه لي ما راح اتزوح والا عندي بيت ملك