تجمع المتقدمين على وظائف وزارة الخارجية التعاقدية 1436 هــ
يكون الامتحان التحريري يوم (13/5/1436ه) الموافـق (4/3/2015م) الساعة (7.30) مساءً في مقر جامعة الإمام محمد بن سعود الإسلامية بالرياض (قاعة الأمير سلمان بن عبد العزيز للمعارض).
تحدد المقابلة الشخصية لاحقاً لمن يجتاز الامتحان. سوف يكون هناك برنامج تأهيلي لمدة (شهر) يعقد بمقر الوزارة بمدينة الرياض لمن يجتاز المسابقة يتم بعدها تعيين من أجتاز البرنامج ويبقى تحت التجربة لمدة اربعة أشهر. حبيت يكون تجمع جديد نستفسر عن الاختبار والمقابلة ومابعد المقابلة ان اجتزنا أولا : ماهي الوظائف التعاقدية ؟ ايش نوع الوظيفة ............ اما نظام العقود عندهم رواتب جدا عالية لاتقل عن 14000 الف بس ايش طبيعة العمل عندهم |
الله يوفق الجميع انتم حقين الجامعه لحال والثانويه لحال هههههههههههههه ان شاء الله يفيدونك الاخوان بكل شي
|
موقعهم في مشكله اوصل للبيانات الشخصيه ويرفض ينتقل للصفحه التاليه .
|
أي الموقع عليه ضغط
|
ننتظر انشالله رسالة القبول للاختبار ....... بعد انتهاء التقديم
عشان جالس اجمع اكبر عدد ممكن من الأسئلة السابقة في كذا تجمع وانزلها بالتوفيق للجميع ............ عسى الله يوفقنا لها ان كانت خير امنية بالنسبة لي الخارجية |
اقتباس:
يالغالي : ممكن تسرد لنا الأسئله اللي حصلت عليها , عشان نستفيد منها إّذا انقبلنا ان شاء الله وهل الاختبار التحريري صعب ؟ هـم طالبين شهادة حاسب ألي , دولية مدري وش اسمها .. , هل هالشهادة أجباريه ؟؟ علمآا أن تخصصي : هندسة حاسب ألي |
اعتقد مو ضرورية بس اللي معاه يكون له أولوية على الباقيين
عموما ننتظر ونشوف ان فيها قبول والا لا وبناءا عليها نتبادل الخبرات بالنسبة للاسئلة العامة بسيطة بس التخصص 3 مستويات صعب متوسط وسهل |
اخوي متاكد ان الراتب 14000 وماهي المؤهلات المطلوبة لاني سمعت ان رواتب المتعاقدين لاتتجاوز 7000 الاف.
|
السلام عليكم انا استفسرت من احد التحويلات الي موجوده في اعلان الوظائف بخصوص رخصة الشهادة الدولية للحاسب الالي قالي الموظف لا مو ضروري فقط للمفاضله ,, وياليت ياشباب الي عندة نماذج من المسابقات القديمه يطرحها هنا عشان نستفيد وشكرا لكم
|
اقتباس:
هالشيء كان محيرني جدا ومشكور يالغالي إنك ريحتني من الهواجيس ^_^:h |
اقتباس:
الله يبشرك بالخير يابعدي:Thumbs: أنا بعد كلمتهم وقلت لهم أنه معي دبلوم حاسب سنتين وهو أفضل من الشهادة الدولية للحاسب قالوا : مو مشكلة قدم أوراقك وإن شاء الله يتم تجاوز هذا الشرط |
السلام عليكم
غريبه قالوا لكم مو لازم مع انهم مرسلين لي رسالتين على الجوال والايميل يطالبون فيها بالآتي : 1- عزيزي المتقدم لتجنب إلغاء الطلب، نأمل تعديل الطلب وإرفاق صورة واضحة من الوثائق المطلوبة و مراعاة أن لا تكون الصورة مأخوذة عن طريق الجوال. 2زيزي المتقدم / .................................. عزيزي المتقدم نأمل تعديل الطلب وإرفاق صورة لتجنب الغاء الطلب شهادة الرخصة الدولية لقيادة الحاسب الآلي أو الكامبريدج شهادة اللغة الانجليزية IELTS or TOEFL يقولون لتجنب إلغاء الطلب!!!! كيف يقولون لكم مو لازم الشهاده ... يبون شهادة حاسب وشهادة اختبار لغة توفل او آيلتس المشكلة ان صور شهاداتي كلها مسوي لها اسكان وواضحه ويقولون لا زم تكون واضحه وش يبون اكثر الله يعين عليهم دام هذي اولها ينعاف تاليها والتعقيد واضح من البدايه ولكن يقول شي من الوزارة |
موعد الامتحان التحريري يوم الأحد 13/05/1436 الموافق 04/03/2015 الساعة (7.30) مساءً بمقر جامعة الإمام
ياجماعه تاريخ 13/5/1436 يوم ثلاثاء ولا انا غلطان وتاريخ 4/3/2015 يوم اربعاء وش اللخبطه ذي |
صحيح التاريخ اخوي كوفنتري
يكل الوازارات وقطاعات الدولة يمشون على تاريخ ام القرى والتاريخ صحيح يوافق يوم الاربعاء 13/5/1436 والموافق 4/3/2015 احد جرب يشيك ع طلبه انا تغيرت حالة الطلب اليوم الى (إرسال ملاحظة ) هل هي للعموم ولا بس عندي :( بالتوفيق للجميع |
الحمدلله أولا وأخيرا
الأسئلة الموجودة حقت ملحق دبلوماسي هل نفس الأسئلة للوظائف هذي او لا ثانيا بالنسبة للراتب 7000 + بدل سكن + بدل مواصلات + بدل طبيعة عمل + بدل اغتراب = 14 الف وشيء قبل الخصم 10% اللي اعرفه بدل اغتراب من 3000 الى 8000 وتختلف من درجة الى أخرى |
اقتباس:
(تحت المراجعة) |
وين احصل حاله الطلب ؟؟
|
اقتباس:
http://jobs.mofa.gov.sa/_layouts/job...antstatus.aspx |
اقتباس:
كيف اعرف حالة الطلب عندي |
لا حول الله يااارب
جاتني رسال نرجوا إضافة العمر وارفاق الشهادات الصعبة اللي طالبينها وصورة بس العمر بين قوسين ولقيت العمر فعلا انا مدخله غللط بس شهادة القيادة ذي ؟؟؟ ما يقولوا انها للمفاضلة فقط ....................... وين اللي يقول اتصل عليهم وافادوه انه مافي مشكلة |
اقتباس:
تمام وصلنا لحالة الطلب :d |
والله العظيم ياشباب اني متصل قبل اقدم وقالي الموظف شهادة الرخصه الدولية مو شرط اساسي قدم وفالك التوفيق واليوم فجأه مرسلين لي يجب ارفاق شهادة الرخصه الدولية لتفادي الغاء الطلب ماادري وش سالفتهم
|
حالة الطلب تحت المراجعة ..
.. عسى الله يعين ويوفقكم أجمعين |
اقتباس:
صادق الرسالة اللي وصلتني كان فيها تعديل العمر واضافة الشهادة .... الخ بس كلمة العمر الوحيدة كانت بين قوسين ولم رجعت للطلب لقيت فعلا العمر 1436 ..... وعدلته |
السلام عليكم
:r أنا حالة الطالب عندي عزيز المتقدم نأمل تعديل الطلب وإرفاق صورة شهادة اللغة الانجليزية IELTS or TOEFL لتجنب الغاء الطلب) وللأسف ماعندي :confused: هل هو متطلب يعني ولا كيف ؟؟!:do5h: |
يا شباب ودّي اسأل عن النموذج حق الاختبار .. من وين اطبعه ؟
|
الحمدلله ع كل حال
توني مقفل منهم يقول شهادة التوفل او الآيتلس متطلب واللي مايرفقها مابينظر بطلبه الخيره فيما يختاره الله الحمدلله من قبل ومن بعد |
يا جماعة اللي وصلت له رسالة قبول
التاريخ خطاً بناء على التاريخ المرسل يوافق يوم الاربعاء 13-5-1436 4-3-2015 وليس يوم الاحد |
يا جماعة
اللي مختبر step كفايات اللغة الانجليزية من قياس ، بإمكانة أن يرفقها وموجود في الشهادة المعادلة بالتوفل والاخوان اللي ودهم يختبرون سجلوا في أختبار كفايات اللغة الانجليزية بالتوفيق |
لازالت حالة الطلب : تحت المراجعة ..
في أحد جاه قبول يا شباب ؟ |
لسه والله
هل انتهى التقديم الحالة مازالت ارسال ملاحظة |
شباب الليو وصلهم رسالة
تعديل الطلب هل مازالت الحالة ارسال ملاحظة والا تغييرت الى تحت المراجعة |
بالنسبة لي لازال الطلب (إرسال ملاحظة) مع اني كلمتهم وارفقت لهم شهادة كامبردج وشهادة لغة 8 شهور من جهة حكومية بس حسب كلامهم اليوم يبون توفل او ايلتس فقط..
ربنا يكتب اللي فيه الخير وييسر امورنا لك الحمد ياربي من قبل ومن بعد |
اقتباس:
|
اقتباس:
من هنا http://jobs.mofa.gov.sa/Pages/ReferenceKey.aspx تدخل ايميلك ورقم الطلب اللي وصلك وبعين تروح لخيار تعديل / اضافة الدورات وتضيفها تسوي حفظ لها اول شي وبعدين تضغط على حفظ والرجوع للسيرة الذاتيه وتاكد انها انضافت اسفل مع الدورات السابقه اذا عندك دورتها بالتوفيق لك اخوي الله ييسر لك امرك ويوفقك بها |
انا جاني قبول والاختبار في 4 / مارس
|
بالتوفيق لك
علماً ان التقديم ينتهي الخميس القادم والاختبار سبق تحديده مسبقا وهو 13/5/1436 |
السلام عليكم ورحمة الله وبركاته
كيف حالكم يا اخوان التقديم التعاقدي ليس فيه تخصصي وهو احدى اللغات الاوروبية (لغة ايطالية ) مع دبلوم حاسب الي ودبلوم لغة انجليزية لمدة سنتين لكل منهما مع خبرة لمدة ست سنوات في احدى الشركات الخاصة في العمل الاداري. هل في طريقة تقديم عليهم بتجاوز شرط التخصص ؟؟ أو أي حل في التقديم . ولكم جزيل الشكر ودمتم بود |
الحمد لله وصلتني رسالة القبول اليوم والأختبار في ٤ مارس
|
مبرووووك للي جاهم القبول ..........
معناته اليوم الرسايل جات وانتهوا بس هل اللي جاهم قبول ....... كانت عندهم ملاحظات ؟؟ |
الساعة الآن 09:21 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين