تجمع المتقدمين على وزارة الدفاع للجامعيين دورة 43
بسم الله الرحمن الرحيم
الحمد لله رب العالمين , والصلاة والسلام على أشرف الأنبياء و المرسلين سيدنا ونبينا محمد عليه أفضل الصلاة و أتم التسليم ...... أما بعد : مثل ماهو واضح بعنوان الموضوع يا أخوان .... هذا تجمع جديد للإخوان الي حابين أنهم يقدمون هذي السنه لدورة الضباط الجامعيين 43 لذلك نتمنى من الجميع التفاعل مع الموضوع الجديد ... وأخص بالذكر الإخوة الي شاركو بالدورات السابقه و أيضا الإخوة الي قدموا العام الماضي وما حالفهم الحظ بالقبول النهائي وأيضآ كل من لديه معلومه اكيده عن وزارة الدفاع . وبصراحه نبي اجابات عن هالاسئله كم قطاع في وزارة الدفاع وماهي مميزات كل قطاع وكم رواتب كل قطاع)--لان بصراحه ولد جارنا مهندس طيار ف القاعده الجويه رتبته (رئيس رقباء) 9500 او يزيد شوي ماوصل عشرا حتى. من أجل أن تعم الفائدة للجميع ..... وأتمنى من أدارة المنتدى تثبيت الموضوع أسوةً بتجمع الكلية الأمنية واللهم اجعل هذه الدوره من نصيبنا جميعآ وجعلها خيرةًً لنا في ديننا ودنيانا اخوكم "متخرج وحلمي ضابط |
وعليكم السلام ورحمه الله
الله يكتب لنا ولك مافيه الخير والاستفسارات ان شاء الله يجي من يفيدنا عن مواعيد التسجيل ايضا والقبول والقبول النهائي وكم مدة الدورة |
اول مافتح التقديم كان بتاريخ 12/7/1435 وباقي الاجراءات مادري.
وهذي مدة الدراسة 1 مدة دورة تأهيل الجامعيين عام دراسي واحد عبارة عن فصلين يمنح بعدها الطالب الجامعي المتخرج شهادة تأهيل عسكري. 2 يتخرج المتقدمين الجامعيين الملتحقين بهذه الدورة بشكل جماعي وفي يوم واحد 3 يتم تعيين المتقدم الجامعي بناء على ما نص عليه نظام خدمة الضباط العليا ولوائحه التنفيذية بالرتب والألقاب المستحقة لكل منهم حسب الشهادة الجامعية التي حصل عليها ومدة الدراسة. |
جزاك الله خير اخوي وفعلا بحاجه لتجمع
وإن شاء الله نكون من المقبولين هالسنه ويالله فالنا التوفيق ولكن عندي سؤال التوجيه للقطاعات يكون قبل الدوره او بعد التخرج لاني سمعت كلا الامرين واذكر البرية كانت بخميس مشيط والبحرية بالجبيل والدفاع الجوي بالطائف والجوية بتبوك ولكن سألت أحد الزملا بالبحرية يقول التوجيه بعد الدوره ياليت احد يفيدنا |
شكرا صاحب الموضوع على هاذي الفكره... ياشباب كم يقبلون سنويا طالب وكم المعدل اللي طالبن وايش التخصصات المطلوبه او المرغوبه اتمنى الاجابه.
|
اقتباس:
وبعد الدوره والله العالم يجي التوجيه لاي قطاع ف البريه او اي قطاع ف البحريه وهلم جرا. وفالنا القبول جميعآ ان شاءالله:h |
اقتباس:
والله يخوك ماني متاكد هل هم يقبلون 400 طالب لكل قطاع اي البريه الحربيه و400 للبحريه ... ولا 400 للكل والمعدل اقل شي لتقدير جيد لانهم مايقبلون اللي تقديراتهم مقبول وموب شرط معدلك يكون عالي ... والرزق عند الله وهذي التخصصات المطلوبه لدورة42 http://www.afca.gov.sa/SysAfcaUniver...sRequired.aspx وفالك القبول النهائي ان شاءالله وجميع الاخوه ان شاءالله:h |
السلام عليكم ورحمة الله وبركاته مساء الخير وراكم مستعجلين شوي :q باقي وقت كثير تقريباً اولا: عموم الجامعيين دورتهم في الحربية عدا الاطباء وبعض المهندسين المتفوقين في الظهران. ثانيا: عدد المقبولين يختلف كل سنه لكن دورتنا حدود 400 طبعاً شاملة جميع القطاعات ثالثا: التوجيه قبل الدوره باسبوع تنزل التوجيهات يا أما برية او بحرية او جوية او دفاع جوي او صواريخ استراتيجية او في احد هيئات او ادارات القوات المسلحة او استخبارات عامة كلاً على حسب تخصصه يعني ما تدخل الدورة الا وانت عارف وش قطاعك بعد الدورة تعرف تعيينك في اي وحده في قطاعك. رابعا: التخصصات تختلف على حسب الاحتياج لكن ان شاء الله انها زي دفعتنا لا تشيلون هم ومن ناحية المعدل اقل شيء جيد هذا اللي عندي في الوقت الحالي مخي مكربن من الدوره :d لكن زي ما قلت لكم باقي وقت وراح نفيدكم انا وزملائي اول ما يفتح التسجيل... دورة 43 راح تكون حلوه بيعزلون الجامعيين عن طلبة الثانوي يعني بتفلونها شوي عكسنا :rolleyes: الله يوفقكم ويحقق أمانيكم على خير :w دمتم بود ومحبه :h |
اقتباس:
وعليكم السلام ورحمة الله وبركاته الله يجزااكك الف خير وعافيه يالغلا بس لاهنت عندي استفسار عن القطاع طيب انا لو جاني توجيه ع الكليه الحربيه متى يوجهوني لقطاع داخل الحربيه مثلآ انا ابي اللواء المظلي وحدات المظليين ولا مشاه ... وهكذا لاهنت طمني التوجيه اختياري ولا كيف:confused: وسلامتك من الكربنه هههههههه والله يووفقكك ويعينونك ف القطاع اللي تبيه:h |
اعذرني يالغلا سالتك عن التعيين ف الوحده ف القطاع
وانت اصلآ مجاوب عليه ف السطر الثالث والله من السهر هههههههههههههه بس لاهنت كيف اجي في وحدات المظليين والقوات الخاصه(البريه) واسفين على الاطاله. |
جزاك الله خير ابن مطلق لاهنت ولا الشباب الباقيين
ابسالكم عن تخصص لغه عربية يقبلونه ؟ |
كيف قبول طلبة القانونو وكيف التدقيق من ناحية الوزن والطول واخر سوال متى يبدا التسجيل بالعادة والقبول النهائي ووقت بدأ الدورة
|
الله يوفقكم جميعا
كل التخصصات تقريبا مطلوبه لكن يختلف العدد من تخصص لتخصص وماقصر اخوي ابن مطلق وبإذن الله ماراح نقصر معكم بكل شي موفقين |
اقتباس:
|
بسألكم عن مكان التعيين وش وضعه اقدر أجي بالرياض ولا مافيه أمل :confused:
|
السلام عليكم
اشكر صاحب الموضوع واسال الله ان يكتب لنا القبول ويوقفنا جميعا عندي سؤال يخصوص دوره الطلاب المتوفقين وش شروطها و وش التخصصات الي تقبل فيها وشكرا |
وعليكم السلام ورحمة الله وبركاته
العفو اخوي بصراحه ماعندي اي معلومه الا ان دورتهم بالظهران يجي من يفيدكك |
السلام عليكم
علامكم راقدين ردو على الاستفسارات لاهنت |
وعليكم السلام ،،
مع الوقت يجي الرد عموما الله يكتب اللي فيه خير |
اختبار قدرات الجامعين مهم للتخصصات النظرية فقط
فترة التسجيل تبدأ 1436-04-20 وينتهي 1436-06-01 فترة الاختبار تبدأ من 1436-06-24 الى 1436-06-27 وبالتوفيق يارب |
السلام عليكم ياخوان
بسأل مهندسين الاتصالات وين توجيههم ؟ وهل الواحد لو انقبل يعرف قطاعه قبل مايدخل الدورة .. للاسف في الامنية ماتعرف قطاعك الا بعد الدورة وزملائي المهندسين حطوهم ف حرس الحدود ومتحسفين ع انهم دخلوا الامنية , تكرف تكرف وفي الاخير حرس حدود |
فالكن التوفيق جميعا.
|
السلام عليكم
جزاك الله خير يا صاحب الموضوع ابي اسئل عن التقديم اختبار اللياقه كيف طريقته ؟ المقابله الشخصيه مقابله وحده ولا مقابلتين ؟ ومكان هل الدوره في الكلية الحربية بالرياض لقطاع البريه ؟ |
وش ميزاتها
مثل الراتب كم ؟ وهل صحيح للجامعي بدل 35% ولا ؟ بالنسبه للمهندسين الكهربائين وين يتعينون فيه ؟ وش فرص اني ابتعث بعد التخرج ؟ وش يبتعثون ادرس ؟ وممكن اجلس كم عشان يبتعثوني ؟ وهل هم يدققون على النظر في الاختبار لطلاب التخصصات العلمية |
اقتباس:
تعرف توجيهك قبل دحول الدوره باسبوع تقريبا |
وزارة الدفاع مايميزها عن الامنية سرعة الترقيات والابتعاث والانتدابات والدورات فرصها اكثر من الامنية
|
كم ممكن من الوقت بعد التخرج عشان ابتعث ؟
وهل يعطوي خيرات وش ادرس ولا يجبروني على شي معين ؟ ولا يكون المجال مفتوح لي اختار الي ابي حتى لو كن تخصص ماله دخل بالعسكرية ؟ |
اقتباس:
يجي. من يفيدك اكثر لكن اكيد الابتعاث عسكري فقط يعني شي داخل بجدول العسكرية |
لدي استفسار وأرجو منكم اخواني للي عندة فكرة المساعدة , قمت بالتقديم على دورة الضباط الجامعين رقم 42 التابعة لوزارة الدفاع ودورة رقم 44 التابعة لوزارة الداخلية , قبلت قبول مبدئي لدورة تأهيل الضباط الجامعيين التابعة للدفاع ولم اكمل اجراءات القبول لصدور قبولي النهائي بدورة الضباط الجامعيين بكلية الملك فهد الامنية, اتممت فترة الاستجداد بنجاح وانهيت مهمة الحج بنجاح ايضا وتم اختياري كقديم للفصيل جراء اخلاصي والتزامي بالعمل ولكن قدر الله وماشاء فعل قمت بتقديم استقالتي بسبب ظروف استثنائية ارغمتني على الاستقالة , مع العلم انه تم تحول مهنتي من قبل الخدمة المدنية الى طالب ضابط وقمت بتغييرها عقب استقالتي الى متسسب , سؤالي هو , هل استطيع التقديم على دورة الضباط الجامعيين رقم 43 التابعة لوزارة الدفاع وهل سأقبل بعد ان استقلت من دورة عسكرية سابقة, اتمنى وارجو من سعادتكم الاجابة وشكرا
تخصصي هندسة معمارية العمر 26 |
^
يمديك تقدم لإنك لم تفصل فصلا تأديبي وتأكد .. والله يوفقك |
الف شكر اخوي
|
السلام عليكم ،، وش فيه جديد اخبار شي
|
ياشباب عادة وين يكون مكان التعيين ؟
|
حسب قطاعك
|
بدري ههههه ..
قطاعي راح يكون بالبرية في الشؤون الدينية طبعا العام سجلت وسحبت .. |
السلام عليكم و رحمة الله و بركاته
أود الاستفسار عن مدى امكانية قبولي في كلية الملك عبدالعزيز الحربية كوني خريج عام 1433-1434 في الترم الصيفي .. ارجو منكم افادتي وبالتوفيق للجميع |
السلام عليكم
كيفكم شباب , غريبه 4 صفحات فقط وين اللي بيقدمون على وزارة الدفاع ؟؟ الشباب بملتقى الامنية واصلين 80 صفحة ماشاء الله ,, المهم عندي استفسار بسيط بخصوص اللي تخصصة علوم حاسب الي وين غالبا يكون توجيهه وهل عمله يكون اداري او ميداني ,, ونصيحتكم بالنسبة لي موظف تشغيل ذاتي بالصحة , هل تنصحوني اقدم ام لا , علما ان لدي ميول للدفاع |
الله يوفقنا ويوفقكم ويكتب لنا ولكم الخير يارب
انا قدمت السنة اللي فااتت وكنت احتياط ولم يتم قبولي والحمد لله ع كل حال اي سؤال او استفسار تحت امركم |
اقتباس:
|
لغة انجليزية
معدلي 3.44 من 4 |
الساعة الآن 12:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين